Samuel II, 14:14 - BAIBLO ALOO NGMAMI KLƆUKLƆU Ɔ

¹⁴ Gbenɔ fɔɔ si kɛ ha wɔ tsuo; wa ngɛ kaa nyu nɛ a kpa pue si nɛ be hie muɔmi hu. Mawu lɛɛ e kpataa we susuma hɛ mi; se mohu e toɔ ga, konɛ nɔ ko nɛ a je lɛ we ɔ, e ko ba pee nɔmlɔ nɛ tlɔ nga pɛsɛpɛsɛ.

Samuel II, 14:14 ပူးပေါင်းရင်းမြစ်များ

Samuel II, 11:25

David de tsɔlɔ ɔ ke, “Yaa nɛ o ya wo Yoab he wami, nɛ o de lɛ ke e ko ha nɛ sane nɛ ɔ nɛ hao lɛ; ejakaa klaate ngɛ nɛ ɔ, e hlɛ nɔ mi nɛ e gbee. De lɛ ke e ngɔ e he wami tsuo kɛ tua ma a, nɛ e ngɔ ma a.”

Samuel II, 14:15

Lɔ ɔ he ɔ, nɛnɛ, nɔ́ nɛ he je nɛ i ba nɛ i kɛ mo ba ngɛ munyu nɛ ɔ tue ɔ ji kaa ma a wo ye susuma he gbeye, nɛ i de ngɛ ye yi mi ke, ke i ba nɛ i ba bɔ nɛnɛ amaniɛ nɛ ɔ, alini nɛnɛ maa pee nɔ́ nɛ i ngɛ hlae ɔ ha mi.

Matsɛmɛ I, 11:39

Ma gbla David nina a tue ngɛ yayami nɛ Salomo pee ɔ he; se i be a tue gblae kɛ ya neneene.’ ”

Hiob 14:14

Ke nɔmlɔ gbo ɔ, e kpaleɔ kɛ baa ekohu jinɛ i ko mlɛ kɛ yaa si ye haomi be nɛ ɔ se maa po, nɛ be kpakpa ma ba na mi.

Hiob 30:23

Niinɛ, i le kaa o ngɔ mi kɛ yaa gbeje, he nɛ a to kɛ ha nɔ́ tsuaa nɔ́ nɛ hɛ ngɛ ɔ.

Hiob 34:15

nimli adesahi tsuo ma gbo, nɛ a ma plɛ pee tabo zu ekohu.

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

La 22:14

Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

La 22:15

Ye kuɔ si gbli kaa ngɛyu kokoe mi, nɛ ye lilɛ mɛtɛ ye nya mi. O si mi ngɛ tabo zu mi kaa nɔ nɛ gbo.

La 58:7

Ha nɛ a laa kaa pa nɛ ngɛ fae; ha nɛ a naa a nɔ kaa a naa nga gbigbli nɔ.

La 77:8

Anɛ e mɔbɔ nami ɔ se po jehanɛ lo? Anɛ e pa be e si womi ɔmɛ a nɔ yee hu lo?

La 79:3

A pue o ni klɔuklɔu ɔmɛ a muɔ si babauu; muɔ be ngɛ Yerusalem kaa nyu, nɛ nɔ ko be nɛ maa pu gbogboe ɔmɛ.

La 90:10

Wa wami be ɔ tsuo ji jeha nyingmi kpaago. Ke wa ngɛ he wami ɔ, wa naa nyingmi kpaanyɔ, se lɛ tsuo peeɔ haomi kɛ aywilɛho sɔuu. Wa wami se poɔ tlukaa; nɛ wa bee kɛ yaa kaa lohwe pɛlitsɛmɛ nɛ te kɛ bee.

La 90:3

O deɔ adesa ke, “Kpale kɛ ya o je he!” Kɛkɛ ɔ, nɔmlɔ plɛɔ peeɔ tabo zu.

Mose II, 21:13

Ke e nine ya kpa ngɛ nɔ ɔ nɔ tlukaa, se pi kaa e je blɔ pee ɔ, lɛɛ ma tsɔɔ mo he nɛ e tu fo kɛ ya.

Fiɛlɔ 9:5

Niinɛ, nihi nɛ a hɛ ngɛ ɔ le kaa a ma ba gbo; ni gbogboe ɔmɛ lɛɛ a li nɔ́ ko nɔ́ ko. Hiɔwo kpa ko hu a be; ejakaa nihi a hɛ je a nɔ pɛsɛpɛsɛ.

Kɔmɔ Yemi 3:31

Nyɔmtsɛ ɔ be wɔ kuae kɛ ya neneene.

Ezekiel 18:23

Bɔ nɛ Nyɔmtsɛ Yawɛ ngɛ bie ji nɛ ɔ nɛ: “Anɛ i naa yayami peelɔ ɔ gbenɔ he bua jɔmi lo?” “Dɛbi, nɔ́ nɛ i suɔ mohu ji kaa e maa kpale kɛ je e blɔ yayami ɔ nɔ, nɛ e yi nɛ na wami.

Mose III, 26:40

“Se nyɛ nina maa jaje a he yayami ɔmɛ, kɛ a nɛmɛ a he yayami kaa a pee yi wu tso níhi kɛ si mi, nɛ jehanɛ a ya nɔ tsɔ ye hɛ mi atuã;

Mose IV, 35:15

Ma ekpa nɛ ɔmɛ maa pee wesa hehi kɛ ha Israel bi, nibwɔhi, kɛ blɔ nyɛɛli tsuo. Ke e ba mi kaa nɔ ko li e he be nɛ e nine ya kpa ngɛ nɔ ko nɔ tlukaa a, e ma nyɛ maa tu fo kɛ ya sa we ngɛ ma nɛ ɔmɛ eko mi.

Mose IV, 35:25

Ke e ba mi ja a, ma kpekpemi ɔ nɛ kpɔ nɔ nɛ gbe nɔmlɔ ɔ kɛ je muɔ he lue yelɔ ɔ dɛ mi, nɛ a kpale lɛ kɛ ya ma a mi he nɛ e tu fo kɛ ya sa we ngɛ ɔ. E ya hi lejɛ ɔ kɛ yaa si be mi nɛ osɔfo nɔkɔtɔma pe kulaa a (nɛ a pɔ lɛ nu klɔuklɔu ɔ) ma gbo.

Mose IV, 35:28

E sa kaa nɔmlɔ nɛ ɔ nɛ hi ma nɛ e ya sa we ngɛ mi ɔ mi kɛ yaa si osɔfo nɔkɔtɔma pe kulaa a ma gbo. Osɔfo nɔkɔtɔma pe kulaa a gbenɔ se loko e ngɛ he blɔ nɛ e kpaleɔ kɛ yaa lɛ nitsɛ e zugba nɔ ekohu.

Mateo 22:16

Kɛkɛ nɛ a tsɔ a kaseli ɔmɛ a ti ni komɛ, kɛ Herode we bi komɛ kɛ ba e ngɔ. A ba de lɛ ke, “Tsɔɔlɔ, wa le kaa anɔkualetsɛ ji mo. Bɔ nɛ Mawu suɔ kaa adesa nɛ hi si ɔ, o tsɔɔ pɛpɛɛpɛ nɛ o yi nɔ ko nɔ ko gbeye; ejakaa o hyɛ we nimli a hɛ mi.

Ni Tsumi 10:34

Kɛkɛ nɛ Petro wo e nya nɔ nɛ e de ke, “I kpa si anɔkuale mi kaa Mawu hyɛ we nɔ hɛ mi.

Romabi 2:11

Ejakaa Mawu hyɛ we nɔ hɛ mi.

Mose V, 10:17

Yawɛ, nyɛ Mawu ɔ ji Mawu nɛ pe mawuhi tsuo kulaa, nɛ e he wami se be. E ji Mawu nɛ kle, nɛ e he wa; nɛ e sa nɛ a ye lɛ gbeye. E hyɛ we nɔ hɛ mi, nɛ e he we nyɔ mi ní.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.

1 Petro 1:17

Ke nyɛ ngɛ kue fae ha Mawu ɔ, nyɛ tsɛɔ lɛ ke Tsaatsɛ. Ee, Mawu hyɛ we nihi a hɛ mi, se mohu e kojoɔ nɔ tsuaa nɔ ngɛ e ní peemi níhi a nya. Lɔ ɔ he ɔ, nyɛɛ ngɔ bu kɛ ha lɛ nyɛ wami be nɛ piɛ ngɛ zugba nɛ ɔ nɔ tsuo.