Samuel II, 14:11 - BAIBLO ALOO NGMAMI KLƆUKLƆU Ɔ

¹¹ Jehanɛ, yo ɔ de ke, “Nɛnɛ, i kpa mo pɛɛ nɛ o fa kue ha Yawɛ, o Mawu ɔ, konɛ nɔmlɔ nɛ ngɛ he blɔ kaa e yeɔ ye bi nɛ be je mi ɔ he lue ɔ, e ko ba pee yayami agbo pe kekle nɔ́ ɔ, kaa e maa gbe ye bi kaketsɛ ɔ hulɔ.” Matsɛ ɔ de lɛ ke, “I na Mawu, o bi ɔ yi bwɔmi kake po be e yi kpɛti jee kɛ nɔ si.”

Samuel II, 14:11 ပူးပေါင်းရင်းမြစ်များ

Samuel I, 14:45

Se ma a de Saul ke, “Anɛ e sa kaa Yonatan nɛ́ ye kunimi nguaa nɛ ɔ kɛ ha Israel ɔ nɛ gbo lo? Dɛbi, e ko ba mi ja! Wa na Yawɛ hɛ kalɔ ɔ kaa Yonatan yi bwɔmi kake po be jee kɛ nɔ zugba; ejakaa ní nɛ e tsu mwɔnɛ ɔ, Mawu nine ngɛ mi.” Nɛ ma a he Yonatan yi wami, nɛ a gbi lɛ.

Mateo 10:30

Se nyɛɛ lɛɛ nyɛ yi bwɔmi tete po a kane lɛ tsuo.

Mose IV, 35:19

Nɔ nɛ a gbe ɔ nyɛmi tutuutu ji muɔ he lue yelɔ ɔ nɛ. Be tsuaa be nɛ e maa na nɔ nɛ gbe e nyɛmi ɔ, e gbe lɛ.

Ni Tsumi 27:34

Lɔ ɔ he ɔ, i kpa nyɛ pɛɛ nɛ nyɛɛ ye ní, ejakaa lɔ ɔ lɛ ma ha nyɛ nɔmlɔ tso he wami. Nɔ́ ko nɔ́ ko be nyɛ ti nɔ ko pee.”

Matsɛmɛ I, 1:52

Salomo he nɔ ke, “Ke e pee e he nɔmlɔ kpakpa a, a be e yi bwɔmi kake po he tae; ke a na nɔ́ yayami ko ngɛ e he ɔ, lɛɛ a maa gbe lɛ.”

Mose IV, 35:21

aloo ke e ngɔ abofu kɛ gba lɛ ma, nɛ e nɔ si, nɛ e gbo ɔ, nɔmlɔ gbelɔ ji lɛ. Lɔ ɔ he ɔ, lɛ hu ja a gbe lɛ. Be tsuaa be nɛ muɔ he lue yelɔ ɔ, kɛ nɔmlɔ gbelɔ nɛ ɔ maa kpe ɔ, e gbe lɛ.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Samuel I, 28:10

Kɛkɛ nɛ Saul kɛ Yawɛ biɛ ka yo ɔ kita ke, “I na Yawɛ kaa nɔ ko nɔ ko be o tue gblae ngɛ nɔ́ nɛ ɔ he.”

Samuel I, 20:42

Kɛkɛ nɛ Yonatan de David ke, “Yaa ngɛ he jɔmi mi. Kita a nɛ i kɛ mo tsuo wa ka wa he ngɛ Yawɛ biɛ mi ɔ, Yawɛ ma ha nɛ i kɛ mo, kɛ o nina, kɛ imi hu ye nina wa maa ye nɔ kɛ maa ya neneene.” Enɛ ɔ se ɔ, David je lejɛ ɔ, nɛ Yonatan hu kpale e se kɛ ho ma a mi ya.

Mose IV, 35:27

nɛ e ba mi kaa muɔ he lue yelɔ nɛ ɔ ya na lɛ ngɛ e wesa he ma a huzu ɔ se, nɛ e gbe lɛ ɔ, a be lɛ gbenɔ fɔ bue.

Mose I, 31:50

Laban ya nɔ nɛ e de ke, “Ke o ya wa ye biyi ɔmɛ yi mi, aloo o ya ngɔ yi kpa komɛ ngɔ piɛ a he nɛ i li po ɔ, kai kaa Mawu ji imi kɛ mo wa we odase.

Mose I, 14:22

Abram he nɔ ke, “I na Mawu Hiɔwe No ɔ, nɔ nɛ pee hiɔwe kɛ zugba a,

Samuel II, 14:10

Matsɛ ɔ de lɛ ke, “Ke nɔ ko wo o susuma he gbeye ɔ, ngɔɔ lɛ ba ha mi; nɛ e be o he tae hu gblegbleegble.”

Samuel II, 14:12

Yo ɔ ya nɔ nɛ e de ke, “Nɛnɛ, i kpa mo pɛɛ nɛ o ngmɛ mi blɔ nɛ ma bi nɔ kake pɛ.” Matsɛ ɔ de lɛ ke, “Yaa o nya nɔ!”

Samuel II, 14:21

Pee se ɔ, matsɛ ɔ de Yoab ke, “Yoo, i kplɛɛ nɔ́ nɛ o bi ɔ nɔ. Jehanɛ, yaa nɛ o ya hla niheyo Absalom ɔ, nɛ o ngɔ lɛ kɛ ba.”