Samuel II, 13:36 - BAIBLO ALOO NGMAMI KLƆUKLƆU Ɔ

³⁶ Benɛ e gbe e munyu ɔ nya pɛ kɛkɛ nɛ matsɛbinyumu ɔmɛ ba hia si ngɛ lejɛ ɔ. A hɛ dɔ, nɛ a wo yana. Kɛkɛ nɛ matsɛ ɔ kɛ e tsɔli ɔmɛ tsuo wo yana kɛ piɛ a he.

Samuel II, 13:36 ပူးပေါင်းရင်းမြစ်များ

Samuel II, 12:21

Kɛkɛ nɛ e tsɔli ɔmɛ bi lɛ ke, “Kɛ ji nɔ́ nɛ o pee nɛ ɔ sisi kɛɛ? Benɛ jokuɛ nɛ ɔ ngɛ wami mi ɔ, o ha hwɔ nɛ o fo ya ha lɛ. Se benɛ jokuɛ ɔ gbo mohu ɔ, o te si nɛ o ye ní.”

Samuel II, 13:15

Enɛ ɔ se ɔ, Tamar he tai bɔni Amnon peemi; nɛ ninyɛ nɛ Amnon na kɛ ha lɛ ɔ nya wa kulaa pe suɔmi nɛ e kɛ suɔ lɛ kekle ɔ. Kɛkɛ nɛ Amnon de lɛ ke, “Tee si nɛ o ho!”

Samuel II, 13:35

Yonadab de matsɛ ɔ ke, “O nɛ, matsɛbinyumu ɔmɛ nɛ a ma a nɛ. Nɔ́ nɛ o tsɔlɔ de ɔ, lɔ ɔ nɛ e ba mi nɛ ɔ nɛ.”

Samuel II, 13:37

Absalom tu fo kɛ ho Geshur matsɛ Talmai, nɛ ji Amihud binyumu ɔ ngɔ ya; nɛ e ya hi lejɛ ɔ jeha etɛ. David ye e binyumu Amnon he kɔmɔ be babauu.

Samuel II, 18:33

Kɛkɛ nɛ matsɛ ɔ hɛ dɔ, nɛ e kuɔ kɛ ho e se tsu ɔ mi ya ngɛ agbo ɔ yi mi nɛ e ya fo ya. Benɛ e yaa a, e ngɛ ya foe nɛ e ngɛ dee ke, “Ao, ye bi ɔ! Ye bi Absalom! Ye bi Absalom! I na nɛ imi mohu i gbo ngɛ o nane mi. Absalom, ye bi, ye bi!”