Samuel II, 13:31 - BAIBLO ALOO NGMAMI KLƆUKLƆU Ɔ

³¹ Kɛkɛ nɛ matsɛ ɔ te si nɛ e kɛ aywilɛho hía e tade ɔmɛ ngɛ e he, nɛ e hwɔ si ngɛ zugba; nɛ e tsɔli ɔmɛ tsuo nɛ daa si ngɛ e kasa nya a hu hía a tade ɔmɛ ngɛ a he.

Samuel II, 13:31 ပူးပေါင်းရင်းမြစ်များ

Samuel II, 12:16

David kpa Mawu pɛɛ nɛ́ e ha nɛ jokuɛ ɔ nɛ na he wami. David kua ní yemi; nɛ daa nyɔ mi ɔ, e hwɔɔ zugba kɛ ya siɔ je nami.

Samuel II, 1:11

Kɛkɛ nɛ David kɛ aywilɛho hía tade ɔ ngɛ e he, nɛ e we bi ɔmɛ tsuo pee ja nɔuu.

Hiob 1:20

Kɛkɛ nɛ Hiob te da si, nɛ e kɛ aywilɛho hía tade ɔmɛ ngɛ e he, nɛ e sã e yi nɔ. E kpla si, nɛ e ngɔ e hɛ mi ngɔ bu si, nɛ e ja Mawu.

Samuel II, 3:31

David fa Yoab kɛ e we bi ɔmɛ ke, “Nyɛ hía tade ɔmɛ ngɛ nyɛ he, nɛ nyɛ bu kpekpe ya bo kɛ nyɛ ya, nɛ nyɛɛ wo yana ha Abner.” Matsɛ David nitsɛ nyɛɛ gbogboe ɔ se.

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Mose I, 37:34

Kɛkɛ nɛ Yakob kɛ aywilɛho hía e he tade ɔmɛ, nɛ e bu kpekpe ya bo; nɛ e nyɛ ya ha e bi ɔ ligbi babauu.

Mose I, 37:29

Benɛ Ruben kpale e se kɛ ba muɔ ɔ he, nɛ e na kaa Yosef be muɔ ɔ mi ɔ, e kɛ aywilɛho hía e he tade ɔmɛ kɛ tsɔɔ kaa e hao lɛ.

Samuel II, 13:30

Benɛ a ngɛ blɔ ɔ nɔ kɛ yaa a, nɔ ko ya bɔ David amaniɛ ke, “Absalom gbe matsɛbinyumu ɔmɛ tsuo, nɛ a ti nɔ kake po píɛ.”