Samuel II, 13:3 - BAIBLO ALOO NGMAMI KLƆUKLƆU Ɔ

³ Se Amnon ngɛ huɛ ko nɛ le nɔ́ he ga tomi saminya. E biɛ ji Yonadab, nɛ e kɛ Amnon peeɔ tsɛngua kɛ tsɛwayo bimɛ; ejakaa Yonadab tsɛ Shimea kɛ David peeɔ nɔ kɛ e senɔ.

Samuel II, 13:3 ပူးပေါင်းရင်းမြစ်များ

Mose I, 3:1

Nga mi lohwehi tsuo nɛ Yawɛ Mawu pee ɔ, sinɔ ji gatsɛ pe mɛ tsuo. Sinɔ bi yo ɔ ke, “Anɛ Mawu de nyɛ niinɛ ke tso ɔmɛ nɛ ngɛ ngmɔ ɔ mi ɔ, nyɛ ko ye ekoeko nɔ yiblii lo?”

Mose I, 38:1

Jamɛ a be ɔ mi nɔuu ɔ, Yuda je e nyɛmimɛ ɔmɛ a he, nɛ e ya hi nyumu ko nɛ je Adulam, nɛ a tsɛɛ lɛ Hira ngɔ.

Mose I, 38:20

Yuda tsɔ e huɛ Hira ke e ngɔ apletsi ɔ ya ha yo ɔ, konɛ e he ní ɔmɛ nɛ e kɛ to lɛ awaba a ngɛ e dɛ kɛ ba. Se Hira nɛ yo ɔ ngɛ lejɛ ɔ.

Samuel II, 13:2

Suɔmi nɛ Amnon ngɛ kɛ ha e nyɛmiyo ɔ nya wa saminya, nɛ nɔ́ nɛ ɔ ba wo lɛ hiɔ. Amnon le kaa bɔ tsuaa bɔ nɛ pee ɔ, e be e nyɛmiyo ɔ he blɔ nae; ejakaa yomiyo ji lɛ, nɛ a ngmɛ́ lɛ blɔ nɛ e kɛ nyumu nɛ na bɔmi.

Samuel II, 13:32

Se Yonadab, nɛ ji David nyɛminyumu Shimea bi ɔ de ke, “Ye nyɔmtsɛ nɛ e ko susu kaa a gbe matsɛbinyumu ɔmɛ tsuo; Amnon nɔ kake too pɛ ji nɔ nɛ a gbe ngɛ Absalom fami nya. Kɛ je be nɛ Amnon nu Absalom nyɛmiyo Tamar pani nya nɛ e kɛ lɛ hwɔ ɔ, kɛ je jamɛ a be ɔ tɔɔ Absalom to ga nɛ ɔ ngɛ Amnon he.

Samuel II, 13:4

Yonadab bi Amnon ke, “Mo matsɛbi mluku ɔ, mɛni ba loko o ngɛ flaae jenajena kikɛ nɛ ɔ?” Amnon he nɔ ke, “I suɔ Tamar, ye tsɛbi Absalom nyɛmiyo ɔ sane saminya.”

Samuel II, 14:2

lɔ ɔ he ɔ, e tsɔ kɛ ho Tekoa ya nɛ a ya ngɔ yo ní lelɔ ko kɛ je lejɛ ɔ kɛ ba. Benɛ yo ɔ ba a, Yoab de lɛ ke, “Mo bu ya bo, nɛ o buá nɛ o pee o ní kaa nɔ nɛ ngɛ ya nyɛe. Mo ko kpa nu, se mohu o pee o ní kaa yo nɛ nɔ gbo lɛ nɛ e ngɛ ya nyɛe ligbi babauu.

Samuel II, 21:21

Nyumu nɛ ɔ bɔ Israel bi ɔmɛ ahlua, nɛ Yonatan nɛ ji David nyɛminyumu Shama binyumu ɔ gbe lɛ.

Kronika I, 2:13

Ishai ngɛ binyumuhi kpaago. A biɛhi ngɛ a wami nya ji Eliab, Abinadab, Shama, Netanel, Radai, Ozem, kɛ David.

Kronika I, 27:32

Matsɛ David tsɛko Yonatan ji ga wolɔ. E ngɛ juɛmi saminya, nɛ e le womi mi hulɔ. E kɛ Hakmoni bi Yehiel ji ni nɛmɛ nɛ a hyɛɛ matsɛbimɛ ɔmɛ a ní kasemi nɔ.

Ester 5:10

Se e nu e tsui, nɛ e ho e we mi ya. Kɛkɛ nɛ e ya tsɛ e huɛmɛ kɛ ba e we ɔ mi, nɛ e tsɛ e yo Zeresh kɛ piɛ a he.

Ester 5:14

Kɛkɛ nɛ e yo Zeresh kɛ e huɛmɛ ɔmɛ tsuo de lɛ ke, “Ha nɛ a pee tso nɛ a maa sɛu nɔ ngɛ nɔ: e hiɔwe yami nɛ pee gugue nyɔngma kɛ enyɔ kɛ fa. Hwɔɔ mɔtu ɔ, de matsɛ ɔ nɛ e ha nɛ a sɛu Mordekai ngɛ nɔ. Lɔ ɔ se ɔ, o kɛ matsɛ ɔ nɛ ya ní yemi nɛ a tsɛ nyɛ ɔ kɛ bua jɔmi.” Ga nɛ a wo Haman ɔ sa e hɛ mi saminya; nɛ e ha a pee tso nɛ a maa sɛu nɔ ngɛ nɔ ɔ.

Ester 6:13

E de e yo, Zeresh, kɛ e huɛmɛ ɔmɛ tsuo níhi nɛ ba e nɔ ɔ. Kɛkɛ nɛ e yo ɔ, kɛ e huɛmɛ ní leli ɔmɛ de Haman ke, “Mordekai bɔni o he wami kpɔmi. Yuda no ji lɛ, lɔ ɔ he ɔ, o be lɛ nyɛe. Bɔ tsuaa bɔ nɛ pee ɔ, e maa ye o nɔ.”

Abɛ Womi 19:6

Nɔ nɛ mi mi jɔ ɔ, nihi fuu kɛ lɛ bɔɔ; nɔ nɛ bɔleɔ e nine ɔ, nɔ tsuaa nɔ huɛ ji lɛ.

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

1 Korintobi 3:19

Ejakaa nɔ́ nɛ je ɔ buu kaa nile ɔ ji kuasia nɔ́ ko ngɛ Mawu lɛɛ e hɛ mi. Ngmami ɔ ke, “Mawu ngɔɔ nile kɛ tsɔɔ ní leli klama.”

Yakobo 3:15

Kikɛmɛ a nile nɛ ɔ, pi hiɔwe nɛ e je; zugba nɛ ɔ nɔ nɔ́; Mawu mumi be mi, mumi yayami sɔuu.

Manyadali 14:20

Lɔ ɔ he ɔ, a kɛ Samson yo ɔ ha Samson huɛ ɔ nɛ ya sɛ lɛ yo kpeemi ɔ.

Samuel I, 16:11

Lɔ ɔ he ɔ, Samuel bi Ishai ke, “O binyumu ɔmɛ tsuo ji nɛ ɔ lo?” E he nɔ ke, “E piɛ a kpɛti nɔ wayoo pe kulaa a, se lɛɛ e ngɛ tohi hyɛe.” Samuel de Ishai ke, “Tsɔ nɛ a ya ngɔ lɛ kɛ ba; ejakaa wa be si hie, ja e ba hiɛ ɔ.”

Samuel I, 16:9

Lɔ ɔ se ɔ, Ishai ha Shama ba. Se Samuel de ke, “Dɛbi, nɔ nɛ ɔ hu Yawɛ hlɛ lɛ.”