Samuel II, 13:29 - BAIBLO ALOO NGMAMI KLƆUKLƆU Ɔ

²⁹ Absalom tsɔli ɔmɛ tsu Amnon he ní kaa bɔ nɛ Absalom fa mɛ ɔ. Kɛkɛ nɛ matsɛbinyumu ɔmɛ tsuo te si, nɛ nɔ tsuaa nɔ ya kuɔ e teji okpɔngɔ; nɛ a tu fo.

Samuel II, 13:29 ပူးပေါင်းရင်းမြစ်များ

Mose I, 36:24

Zibeon binyumuhi ji Aya kɛ Ana. Ana nɛ ɔ ji nɔ nɛ ya na nyu la vuhi ngɛ nga a nɔ, benɛ e ngɛ e tsɛ Zibeon teji ɔmɛ hyɛe ɔ nɛ.

Samuel II, 12:10

Lɔ ɔ he ɔ, akɛnɛ o bui mi, nɛ o ya ngɔ Uria yo ɔ kɛ ba pee o yo he je ɔ, klaate nya gbenɔ fɔɔ si ha o weku kɛ nina kɛ yaa neneene.’

Samuel II, 13:30

Benɛ a ngɛ blɔ ɔ nɔ kɛ yaa a, nɔ ko ya bɔ David amaniɛ ke, “Absalom gbe matsɛbinyumu ɔmɛ tsuo, nɛ a ti nɔ kake po píɛ.”

Samuel II, 14:6

I kpa mo pɛɛ, i ngɛ binyumuwi enyɔ. Ligbi ko ɔ, pɛ ba sɛ a kpɛti ngɛ nga nɔ. Akɛnɛ nɔ ko be lejɛ ɔ nɛ ma kpata mɛ he je ɔ, nɔ kake fia e nyɛmi ɔ nɔ nɛ e gbe lɛ.

Samuel II, 18:9

Absalom kɛ David tsɔli ɔmɛ ya kpe tlukaa. Absalom hi e teji okpɔngɔ ɔ nɔ kɛ ya gu tso ngua a ko sisi. E yi ya bɛ tso kɔni kusuu ɔmɛ, nɛ e nɔmlɔ tso ɔ kplaa si ngɛ kɔɔhiɔ mi be mi nɛ teji okpɔngɔ ɔ lɛɛ e je e sisi kɛ ho.

Matsɛmɛ I, 1:33

e de mɛ ke, “Nyɛɛ ngɔ Salomo, kɛ ye tsɔli ɔmɛ kɛ ya Gihon. Salomo nɛ hi imi nitsɛ ye teji okpɔngɔ ɔ nɔ,

Matsɛmɛ I, 1:38

Kɛkɛ nɛ osɔfo Zadok, kɛ gbalɔ Natan, kɛ Yehoyada binyumu Benaya, kɛ matsɛ we bi a tabo ɔ ho nɛ a ya ngɔ Salomo ngɔ hi Matsɛ David teji okpɔngɔ ɔ nɔ, nɛ a nyɛɛ e se kɛ ya Gihon.

Abɛ Womi 29:12

Nɔ yelɔ nɛ lakpa munyu tue e buɔ ɔ, e tsɔli tsuo peeɔ yiwutsotsɛmɛ.

Mose III, 19:19

“Nyɛɛ ye ye mlaa amɛ a nɔ. Nyɛ ko ha nɛ nyɛ we mi lohwehi nɛ kuɔ henɔ kpahi nɛ a kɛ mɛ nɛ fɔ. Nyɛ ko du wu munomuno enyɔ ngɛ ngmɔ kake mi; nɛ nyɛ ko wo tade nɛ a kɛ nɔ́ slɔɔto enyɔ lo bo ɔ.

Mika 7:3

Mɛ tsuo pɛpɛɛpɛ a he sɔɔ kɛ yayami peemi. Ma ní tsuli kɛ kojoli heɔ nyɔ mi ní. Niatsɛmɛ ɔmɛ heɔ mɛ kɛ sika. A tsɔɔ mɛ yi wu tso níhi nɛ a suɔ kaa a pee ha mɛ, nɛ a peeɔ kɛ haa mɛ.