Samuel II, 13:22 - BAIBLO ALOO NGMAMI KLƆUKLƆU Ɔ

²² Absalom hu na ninyɛ agbo kɛ ha Amnon, nɛ e kɛ lɛ hiɔ nya kaa e nyɛ e nyɛmiyo Tamar nɔ pani nya, nɛ e kɛ lɛ hwɔ.

Samuel II, 13:22 ပူးပေါင်းရင်းမြစ်များ

Mose I, 24:50

Laban kɛ Betuel he nɔ ke, “Akɛnɛ Yawɛ dɛ mi sane nɛ ɔ je he je ɔ, wɔɔ lɛɛ wa be nyɛe ma de he nɔ́ ko.

Mose I, 31:24

Jamɛ a nyɔ ɔ mi ɔ, Mawu je e he kpo ngɔ tsɔɔ Laban, Aram no ɔ ngɛ nlami je, nɛ e de lɛ ke, “Hyɛ nɛ hi nɛ o kɛ Yakob ko tu munyu ko; yaya jio, kpakpa jio.”

Mose I, 31:29

Jinɛ i ngɛ he wami nɛ ma nyɛ pee mo yayami, se hiɛ nyɔ mi ɔ, o tsɛmɛ a Mawu ɔ bɔ mi kɔkɔ ke i kɛ mo ko tu munyu yaya ko.

Samuel II, 13:21

Benɛ Matsɛ David nu sane nɛ ɔmɛ tsuo a he ɔ, e muklii mi fu wawɛɛ nitsɛ.

Abɛ Womi 10:18

Nɔ tsuaa nɔ nɛ nyɛɛ nɔ ngɛ laami mi ɔ, lakpatsɛ ji lɛ. Nɔ nɛ tuɔ nihi a he munyu kɛ puɛɔ mɛ ɔ, kuasia ji lɛ.

Abɛ Womi 25:9

Ke o kɛ o nyɛmi ngɛ pɛ ko ɔ, o kɛ lɛ pɛ nyɛ hla nya. Koo wo nɔ kpa laami sane nɔ ta.

Abɛ Womi 26:24

Nɔmlɔ nɛ nyɛɔ nɔ ɔ, e kɛ mo maa tu munyu ngɔngɔɛ, se e tsui mi lɛɛ e sume mo saasaa.

Abɛ Womi 26:26

Ke e ngɔ sisimi kɛ laa e ninyɛ ɔ nɔ kaa mɛni po, e yi wu tso ní peemi ɔmɛ maa je kpo kokooko ngɛ ma hɛ mi.

Fiɛlɔ 7:9

Hyɛ nɛ o mi mi ko fu mlamlaamla, ejakaa kuasia lɛ ngɔɔ nɔ́ kɛ toɔ e tsui mi.

Mateo 18:15

“Ke o nyɛmi pee mo yayami ɔ, yaa nɛ o ya tsɔɔ lɛ e tɔmi ɔ, o kɛ lɛ ni enyɔ kɛkɛ. Ke e bu mo tue ɔ, kɛkɛ nyɛmi pee nyɛmi.

Efesobi 4:26

Ke e ba mi kaa nyɛ ti nɔ ko mi mi fu e nyɛmi ɔ, e ko ngmɛ blɔ nɛ lɔ ɔ nɛ ha nɛ e pee yayami. E bɔ mɔde nɛ e tsui he nɛ jɔ loko pu nɛ nɔ si.

Efesobi 4:31

Nyɛ ha nɛ mi mi doomi, hɛdɔ, mi mi la, kɛ muklii mi fumi se nɛ po ngɛ nyɛ kpɛti. Nyɛɛ ngmɛɛ pɛ, kɛ nɔ jɛmi basabasa, kɛ ninyɛ tsuo he.

1 Yohane 2:11

Se nɔ nɛ nyɛɛ e nyɛmi ɔ, e ngɛ diblii ɔ mi, nɛ e ngɛ diblii ɔ mi nyɛɛe nɛ́ e li he nɛ e yaa. Ejakaa diblii ɔ yu e hɛ.

1 Yohane 2:9

Ke nɔ ko de ke e ngɛ Kristo mi, se e sume e nyɛmi ɔ, lɛɛ e ngɛ diblii ɔ mi, kɛ mwɔɔ.

1 Yohane 3:10

Slɔɔto titli nɛ ngɛ Mawu bimɛ, kɛ Abosiami bimɛ a kpɛti ji nɛ ɔ nɛ. Nɔ tsuaa nɔ nɛ pee we nɔ́ nɛ da, aloo nɔ nɛ sume e nyɛmi ɔ, pi Mawu bi ji lɛ.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

1 Yohane 3:15

Nɔ tsuaa nɔ nɛ nyɛɔ e nyɛmi ɔ, nɔmlɔ gbelɔ ji lɛ; nɛ nyɛ le kaa nɔmlɔ gbelɔ ko nɔmlɔ gbelɔ ko be neneene wami nae.