Samuel II, 13:20 - BAIBLO ALOO NGMAMI KLƆUKLƆU Ɔ

²⁰ Benɛ e nyɛminyumu Absalom na lɛ ɔ, e bi lɛ ke, “Anɛ o nyɛminyumu Amnon ta o he lo? Ye nyɛmiyo, mo ma o nya kɛkɛ; mo ko ye o tsui, ejakaa o nyɛminyumu ji lɛ.” Tamar hi si mɔbɔmɔbɔ ngɛ e nyɛminyumu Absalom we ɔ mi.

Samuel II, 13:20 ပူးပေါင်းရင်းမြစ်များ

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

Abɛ Womi 26:24

Nɔmlɔ nɛ nyɛɔ nɔ ɔ, e kɛ mo maa tu munyu ngɔngɔɛ, se e tsui mi lɛɛ e sume mo saasaa.

Mose I, 46:15

Binyumuhi nɛ Yakob kɛ Lea, fɔ ngɛ Mesopotamia ji nɛ ɔmɛ nɛ. A fɔ biyo kake hulɔ, nɛ a tsɛɛ lɛ Dina. Nina tsuo pɛpɛɛpɛ, nyumuhi kɛ yihi nɛ Yakob na kɛ gu Lea nɔ ɔ, a hiɛmi ji nyingmi etɛ kɛ etɛ.

Mose I, 34:2

Benɛ Hamor binyumu Shekem na Dina a, e nu lɛ pani nya nɛ e kɛ lɛ hwɔ. Hamor nɛ ɔ, Hiv no ji lɛ, nɛ lɛ ji jamɛ a zugba a nɔ yelɔ.

Samuel II, 13:19

Tamar muɔ la zu kɛ pue e yi mi, nɛ e hía tade klɔii saminyayoo ɔ nɛ e wo ɔ. E kɛ e nine kpla e yi, nɛ e ma blɔ; nɛ e ngɛ ya foe boboobo kɛ ho.

Samuel II, 13:21

Benɛ Matsɛ David nu sane nɛ ɔmɛ tsuo a he ɔ, e muklii mi fu wawɛɛ nitsɛ.

Samuel II, 14:24

Se matsɛ ɔ de ke, “É ho nɛ e ya hi lɛ nitsɛ e we ɔ mi banee; i hla we nɛ ma na e hɛ mi.” Lɔ ɔ he ɔ, Absalom ho ya hi lɛ nitsɛ e we ɔ mi; nɛ e yɛ matsɛ ɔ ngɔ.