Samuel II, 13:2 - BAIBLO ALOO NGMAMI KLƆUKLƆU Ɔ

² Suɔmi nɛ Amnon ngɛ kɛ ha e nyɛmiyo ɔ nya wa saminya, nɛ nɔ́ nɛ ɔ ba wo lɛ hiɔ. Amnon le kaa bɔ tsuaa bɔ nɛ pee ɔ, e be e nyɛmiyo ɔ he blɔ nae; ejakaa yomiyo ji lɛ, nɛ a ngmɛ́ lɛ blɔ nɛ e kɛ nyumu nɛ na bɔmi.

Samuel II, 13:2 ပူးပေါင်းရင်းမြစ်များ

Samuel II, 13:1

David binyumu Absalom ngɛ nyɛmiyo ko nɛ he ngɛ fɛu saminya. E biɛ ji Tamar. E ba mi kaa Tamar tsɛbi Amnon ba na suɔmi wawɛɛ kɛ ha e nyɛmiyo nɛ ɔ.

Samuel II, 13:3

Se Amnon ngɛ huɛ ko nɛ le nɔ́ he ga tomi saminya. E biɛ ji Yonadab, nɛ e kɛ Amnon peeɔ tsɛngua kɛ tsɛwayo bimɛ; ejakaa Yonadab tsɛ Shimea kɛ David peeɔ nɔ kɛ e senɔ.

Matsɛmɛ I, 21:4

Ahab je kɛ ho we mi ya kɛ mi mi la, kɛ aywilɛho; ejakaa Nabot de lɛ ke e nɛmɛ a gbosi ní ɔ, e be ngɔe kɛ ha lɛ. E ho ya hwɔ si ngɛ e sa nɔ, nɛ e plɛ e hɛ mi ngɔ kpee gbogbo, nɛ e kua ní yemi.

Lahi 5:8

Yerusalem yihi, nyɛ ka mi kita kaa ke nyɛ na ye suɔlɔ ɔ, nyɛ ma de lɛ ke e he suɔmi ngɛ mi gbee.

2 Korintobi 7:10

Ejakaa ke o hao bɔ nɛ sa Mawu hɛ mi ɔ, e haa o tsakeɔ o tsui, nɛ a heɔ o yi wami. Enɛ ɔ lɛɛ he piami ko be mi! Se ke o hao ngɛ níhi nɛ sa je ɔ hɛ mi he ɔ, gbenɔ lɛ jeɔ mi.