Samuel II, 13:18 - BAIBLO ALOO NGMAMI KLƆUKLƆU Ɔ

¹⁸ Tsɔlɔ ɔ pee ja, nɛ e la sinya a se. Tamar wo tade klɔii saminyayoo; ejakaa blema a, ja ji bɔ nɛ matsɛmɛ a biyihi nɛ a gbɛ lolo ɔ dlaa a he.

Samuel II, 13:18 ပူးပေါင်းရင်းမြစ်များ

Mose I, 37:23

Benɛ Yosef ba su e nyɛmimɛ ɔmɛ a ngɔ ɔ, a je tade klɔii saminyayoo ɔ ngɛ e he.

Mose I, 37:3

Yakob suɔ Yosef sane pe e bimɛ ɔmɛ tsuo; ejakaa benɛ a fɔ Yosef ɔ, lɛ Yakob ɔ bwɔ momo. Yakob kpɛ tade klɔii saminyayoo ko ngɔ wo Yosef.

Mose I, 37:32

A kɛ tade ɔ ya ha a tsɛ ɔ, nɛ a de lɛ ke, “Wa na tade nɛ ɔ ngɛ nga a nɔ; hyɛ kaa o bi Yosef tade ɔ ji nɛ ɔ lo.”

Samuel II, 13:17

E tsɛ niheyo ɔ nɛ sɔmɔɔ lɛ ɔ, nɛ e de lɛ ke, “Je yo nɛ ɔ kpo; fie lɛ kɛ je hiɛ ɔ, nɛ o la sinya a se!”

Manyadali 3:23

Kɛkɛ nɛ Ehud gu asa a nɔ kɛ je kpo. E nga hiɔwe tsu ɔ sinya amɛ, nɛ e ngmɛ a mi ngɛ se.

Manyadali 5:30

“Anɛ pi ní nɛ a ngɛ hae ngɛ gbae lo? Nyumu tsuaa nyumu nɔ́ ji zangmayo kake, loo enyɔ. Sisera lɛɛ e ma na bohi nɛ a ngɔ tsopa kɛ fi; bohi nɛ a lo ní kɛ wo mi. E maa ngɔ bo ɔ kpo enyɔ ba ha mi nɛ ma kɛ ha ye kuɛ mi!”