Samuel II, 13:12 - BAIBLO ALOO NGMAMI KLƆUKLƆU Ɔ

¹² Se Tamar de lɛ ke, “Dɛbi, ye nyɛminyumu, ko pue ye hɛ mi si; ejakaa a pee we nɔ́ nɛ ɔ ngɛ Israel. Ko tsu zo ní kaa kikɛ nɛ ɔ.

Samuel II, 13:12 ပူးပေါင်းရင်းမြစ်များ

Mose I, 34:2

Benɛ Hamor binyumu Shekem na Dina a, e nu lɛ pani nya nɛ e kɛ lɛ hwɔ. Hamor nɛ ɔ, Hiv no ji lɛ, nɛ lɛ ji jamɛ a zugba a nɔ yelɔ.

Mose I, 34:7

Jamɛ a be ɔ mi nɔuu ɔ, Yakob binyumu ɔmɛ hu je nga nɔ kɛ ba. Benɛ a nu sane nɛ ba a, a mi mi fu wawɛɛ nitsɛ kaa Shekem tsu zo ní kaa kikɛ nɛ ɔ ngɛ Israel; kaa e nu Yakob biyo pani nya, nɛ e kɛ lɛ hwɔ. Nɔ́ nɛ Shekem pee nɛ ɔ, a hiɔ̃.

Abɛ Womi 7:7

i na nihewi babauu nɛ a be juɛmi. Nɔ kake nɛ i to e he hɛ saminya a, lɛɛ e pa biɛ pe mɛ tsuo.

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”

Mose III, 18:11

O kɛ o tsɛ yo e biyo kó na nyumu kɛ yo bɔmi, ejakaa lɛ hu o nyɛmi ji lɛ.

Mose III, 18:9

O kɛ o nyɛmiyo kó na nyumu kɛ yo bɔmi, o nyɛbi ji lɛ jio, o tsɛbi ji lɛ jio, nɔ nɛ a fɔ lɛ ngɛ we jio, nɔ nɛ a fɔ lɛ ngɛ ma se jio.

Mose III, 20:17

Ke nyumu ko kɛ e nyɛmiyo na bɔmi ɔ, e tsɛbi ji lɛ jio, e nyɛbi ji lɛ jio, a tsu zo ní. A je mɛ we; a ko bu mɛ ngɔ si Mawu ma a mi bi ɔmɛ a nɔ hu. E nyɛmiyo e kɛ na bɔmi ɔ nɛ, lɔ ɔ he ɔ, nyumu ɔ musu tloo lɛ nitsɛ.

Mose V, 22:21

lɛɛ a kɛ yiheyo ɔ nɛ ba e tsɛ we ɔ agbo ɔ nya, nɛ́ e ma a mi nyumu ɔmɛ nɛ a fiaa lɛ tɛ nɛ e gbo. E tsu zo ní ngɛ wa ma mi bi ɔmɛ a kpɛti, kaa e le nyumu be mi nɛ e ngɛ e tsɛ we mi loko a ba ngɔ lɛ. Pee jã kɛ je yayami nɛ ɔ kɛ je nyɛ kpɛti.

Mose V, 22:29

nyumu ɔ nɛ wo yomiyo ɔ tsɛ ɔ sika hiɔ yi nyingmi enuɔ nɛ ji yo se ní ɔ; nɛ a ha nɛ e ngɔ yo ɔ, ejakaa e puɛ lɛ. E ko ngmɛɛ yo ɔ he kɛ yaa si e ma gbo.

Manyadali 19:23

Se wetsɛ ɔ je kpo kɛ ya na mɛ, nɛ e de mɛ ke, “Dɛbi! Ye nyɛmimɛ, nyɛ ko pee yayami ko nɛ ngɛ kaa kikɛ nɛ ɔ! Nyumu nɛ ɔ, ye nubwɔ ji lɛ; nyɛ ko tsu kikɛmɛ a zo ní nɛ ɔ!

Manyadali 20:6

Benɛ ye plã a gbo ɔ, i poo e mi kpɔ nya kpɔ nya, nɛ i tsɔ kɛ ya ha Israel wɛtso nyɔngma kɛ enyɔ ɔmɛ tsuo kakaaka; ejakaa nimli nɛ ɔmɛ bɔ musu, nɛ a tsu zo ní ngɛ Israel.