Samuel II, 12:24 - BAIBLO ALOO NGMAMI KLƆUKLƆU Ɔ

²⁴ Enɛ ɔ se ɔ, David ba to e yo Batsheba tsui nɔ nine. E kɛ lɛ na bɔmi, nɛ e fɔ binyumu; nɛ David wo lɛ biɛ ke Salomo. Yawɛ suɔ jokuɛ ɔ saminya,

Samuel II, 12:24 ပူးပေါင်းရင်းမြစ်များ

Mateo 1:6

Ishai fɔ Matsɛ David, nɛ Matsɛ David kɛ Uria yo ɔ fɔ Salomo.

Kronika I, 29:1

Matsɛ David de ma kpekpemi ɔ tsuo ke, “Ye bi Salomo nɔ kake too nɛ Mawu hla a, jokuɛyo ji lɛ; e kpa we níhi a si lolo. Ní tsumi ɔ yi gbo; ejakaa pi nimli a mɔ nɛ a yaa mami ɔ, se Yawɛ Mawu ɔ nitsɛ e we.

Kronika I, 3:5

nɛ a fɔ binyumuhi babauu ha lɛ ngɛ lejɛ ɔ. E kɛ e yo Batsheba, Amiel biyo ɔ fɔ binyumuhi eywiɛ. A biɛhi ji Shimea, Shobab, Natan, kɛ Salomo.

Samuel II, 7:12

Ke o gbo, nɛ a ya dla mo ngɛ o nɛmɛ ɔmɛ a hwɔ he ɔ, ma tle nɔ ko si ngɛ o se, nɛ ji mo nitsɛ o mi mi bi; nɛ ma to e matsɛ yemi ɔ sisi.

Samuel II, 12:25

nɛ e fa gbalɔ Natan ke e ya wo jokuɛ ɔ biɛ ke Yedidia; e sisi ji, “Nɔ nɛ Yawɛ suɔ lɛ.”

Matsɛmɛ I, 1:10

Se e tsɛbinyumu Salomo, gbalɔ Natan, Benaya, kɛ nyumuhi katsɛmɛ ɔmɛ lɛɛ e kpee we mɛ.

Matsɛmɛ I, 1:11

Kɛkɛ nɛ Natan ya de Salomo nyɛ Batsheba ke, “Anɛ o le kaa Hagit binyumu Adoniya ngɛ matsɛ yee be mi nɛ wa nyɔmtsɛ David li he nɔ́ ko lo?

Nehemia 13:26

I de ke, “Pi ma se yihi nɛ ha nɛ Matsɛ Salomo pee yayami ɔ? Matsɛ Salomo ji matsɛ nguaa pe je ma amɛ a matsɛmɛ ɔmɛ tsuo. Mawu suɔ e sane, nɛ e wo lɛ Israel tsuo nɔ matsɛ; se kɛ̃ ɔ, ma se yi ɔmɛ ha nɛ lɛ po e pee yayami.

Mose V, 33:12

Bɔ nɛ Mose gbaa Benyamin wɛtso ɔ ji nɛ ɔ nɛ: “Yawɛ suɔ Benyamin bi ɔmɛ a sane, nɛ e baa a yi. E buu a he daa ligbi, nɛ e kɛ mɛ ngɛ.”

Samuel II, 5:14

Bimɛ nɛ e ba fɔ ngɛ Yerusalem ji Shamua, Shobab, Natan, Salomo,

Abɛ Womi 4:3

Tsaatsɛ kɛ maa a bi kake too ji mi. Benɛ jokuɛyo bɔbɔyoo kɛkɛ ji mi ɔ,