Samuel II, 12:14 - BAIBLO ALOO NGMAMI KLƆUKLƆU Ɔ

¹⁴ Se akɛnɛ o kɛ nɔ́ nɛ o pee nɛ ɔ pue Yawɛ hɛ mi si he je ɔ, bi nɛ a fɔ ha mo ɔ ma gbo.”

Samuel II, 12:14 ပူးပေါင်းရင်းမြစ်များ

Samuel II, 12:15

Kɛkɛ nɛ Natan je kɛ ho we mi ya. Yawɛ ha nɛ binyumu ɔ nɛ Uria yo ɔ kɛ David fɔ ɔ wo hiɔ.

Nehemia 5:9

Kɛkɛ nɛ i ngɔ pi a hɛ mi ke, “Nɔ́ nɛ nyɛ ngɛ pee ɔ dɛ! E sa kaa nyɛɛ ye Mawu gbeye, nɛ nyɛɛ pee nɔ́ nɛ da. Ke nyɛ pee nɔ́ nɛ da a, wa he nyɛli ɔmɛ, nɛ ji ma je li ɔmɛ be nɔ́ ko nae nɛ a maa da nɔ kɛ bɔ wɔ ahlua.

La 69:6

Nyɔmtsɛ Yawɛ Tabohiatsɛ, nihi nɛ ngɔɔ a hɛ kɛ fɔɔ o nɔ ɔ, ko ha nɛ a pee nɔ́ ko nɛ ba ha nɛ zo nɛ gbe mɛ. Israel Mawu, ni nɛmɛ nɛ jaa mo ɔ, ko ha nɛ ye ní peemi ba ha nɛ a hɛ mi nɛ pue si.

La 74:10

Mawu, kɛ yaa si mɛni be lɛ wa he nyɛli ɔmɛ maa muɔ mo? Anɛ a maa gbe o biɛ ɔ he guɛ kɛ maa ya neneene lo?

La 94:12

Yawɛ, nɔmlɔ nɛ o tsɔseɔ lɛ, nɛ o tsɔɔ lɛ o mlaa a, a gbaa lɛ.

La 99:8

Yawɛ, wa Mawu! O ma a fa kue ha mo, nɛ o bu mɛ tue. O kɛ mɛ hi si kaa Mawu nɛ ngɔɔ a he yayami kɛ paa mɛ; se ke a tɔ̃ ɔ, o gblaa a tue kɛ̃.

Yesaya 52:5

Jehanɛ, ngɛ Babilonia hu, jamɛ a amimi ɔ nɔuu a ye nyɛ; a pee nyɛ nyɔguɛhi nɛ a wui hiɔ ko ngɛ nyɛ he. Nihi nɛ ye nyɛ nɔ ɔ fĩa, nɛ a jɛ nyɛ saminya kɛ gbe ye he guɛ.

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Mateo 18:7

Musu tloo je ɔ kaa níhi ngɛ je ɔ mi nɛ haa nɔ peeɔ yayami! Ní nɛ ɔmɛ maa ba kɛ̃, se nɔmlɔ nɛ haa nɛ ní nɛ ɔmɛ baa a, musu tloo lɛ!

Romabi 2:24

Kaa bɔ nɛ ngmami ɔ deɔ ɔ, “Nyɛ Yuda bi nyɛ he ɔ, ma je li ɔmɛ tuɔ musu bɔmi munyuhi kɛ siɔ Mawu.”

1 Korintobi 11:32

Se Nyɔmtsɛ ɔ kojoɔ wɔ, nɛ e gblaa wa tue, bɔ nɛ pee nɛ nyagbe ɔ, Mawu nɛ ko bu wɔ fɔ kɛ piɛ je ɔ he.

Hebribi 12:6

Ejakaa nɔ nɛ Nyɔmtsɛ ɔ suɔ ɔ lɛ e tsɔseɔ, nɛ e fiaa nɔ tsuaa nɔ nɛ e ngɔ peeɔ e bi ɔ kpa.”

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.