Samuel II, 12:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, akɛnɛ o bui mi, nɛ o ya ngɔ Uria yo ɔ kɛ ba pee o yo he je ɔ, klaate nya gbenɔ fɔɔ si ha o weku kɛ nina kɛ yaa neneene.’

Samuel II, 12:10 ပူးပေါင်းရင်းမြစ်များ

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Mateo 26:52

Yesu de lɛ ke, “Ngɔɔ o klaate ɔ ngɔ to e to he; ejakaa nihi tsuo nɛ hiaa klaate ɔ, a kɛ klaate ma kpata a hɛ mi.

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

Mateo 6:24

“Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Amos 7:9

A ma kpata hehi tsuo nɛ Isak nina a jaa mi ngɛ ɔ a hɛ mi. Israel he klɔuklɔu ɔmɛ maa pee kaa kuku nɔ, nɛ ma ha nɛ Yeroboam matsɛ yemi ɔ se maa po.”

Samuel II, 18:33

Kɛkɛ nɛ matsɛ ɔ hɛ dɔ, nɛ e kuɔ kɛ ho e se tsu ɔ mi ya ngɛ agbo ɔ yi mi nɛ e ya fo ya. Benɛ e yaa a, e ngɛ ya foe nɛ e ngɛ dee ke, “Ao, ye bi ɔ! Ye bi Absalom! Ye bi Absalom! I na nɛ imi mohu i gbo ngɛ o nane mi. Absalom, ye bi, ye bi!”

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Mose IV, 11:20

Se mohu, nyɛ maa ye de lo nyɔhiɔ mluku kɛ yaa si be nɛ e maa je kpo ngɛ nyɛ gugwɔ puɔ mi, nɛ e maa gbe nyɛ nya. Ejakaa nyɛ kua Yawɛ nɛ ngɛ nyɛ kpɛti ngɛ hiɛmɛ nɛ ɔ, nɛ nyɛ wo yana nɛ nyɛ bi ke mɛni he je nɛ a ha nyɛ je Egipt mɔ?’ ”

Mose I, 20:3

Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”

Matsɛmɛ I, 15:5

Yawɛ pee nɔ́ nɛ ɔ, ejakaa David wami be ɔ tsuo ɔ, e pee Yawɛ suɔmi nya ní. Mlaa amɛ nɛ Yawɛ wo lɛ ɔ, e tɔ we ekoeko pe sane ɔ nɛ ya ba ngɛ e kɛ Hit no Uria a kpɛti ɔ pɛ.

Abɛ Womi 17:13

Nɔ nɛ ngɔɔ yayami kɛ toɔ kpakpa nane mi ɔ, yayami be e we mi tae gblegbleegble.