Samuel II, 11:8 - BAIBLO ALOO NGMAMI KLƆUKLƆU Ɔ

⁸ Lɔ ɔ se ɔ, David de Uria ke, “Yaa o we ɔ mi nɛ o ya jɔɔ o he bɔɔ.” Benɛ Uria je matsɛ we ɔ mi ɔ, matsɛ ɔ tsɔ nɛ a kɛ nike ní nyɛɛ e se.

Samuel II, 11:8 ပူးပေါင်းရင်းမြစ်များ

Mose I, 19:2

nɛ e de ke, “Ye nyɔmtsɛmɛ, i kpa nyɛ pɛɛ, nyɛ gba ye we ɔ mi nɛ nyɛ ba to mi. Nyɛ ba fɔ nyɛ nanehi a he nɛ nyɛɛ hwɔ hiɛ ɔ, konɛ nyɛɛ te si makɛ nɛ nyɛ tsa nyɛ nyɛɛmi ɔ nɔ.” Se a he nɔ ke, “Dɛbi, wa maa hwɔ ma nɔ hiɛmɛ nɛ ɔ kɛkɛ.”

Mose I, 43:24

Tsɔlɔ ɔ kɛ nyɛmimɛ ɔmɛ ba Yosef we ɔ mi. E ha mɛ nyu nɛ a kɛ fɔ a nanehi a he, nɛ e ha a teji ɔmɛ ní.

Mose I, 43:34

A gba ní kɛ je Yosef okplɔɔ ɔ he ya ha e nyɛmimɛ ɔmɛ, nɛ Benyamin nɔ́ ɔ hiɛ pe a ti nɔ tsuaa nɔ nɔ́ si enuɔ. A kɛ Yosef ye ní, nɛ a nu ní kɛ ya si mɛ tsuo a de dã.

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

La 44:21

anɛ mo, Mawu ɔ, o ko nɛ lo? Ejakaa o le níhi tsuo nɛ nɔmlɔ ngɔɔ kɛ laa ngɛ e tsui mi.

La 55:21

E tuɔ munyu dɔkɔbii, se ta mohu he e ngɛ susue. E munyuhi a he jɔ bɔdɔɔ pe nu po, se afani klaatehi nɛ a hia kɛ je kpo mi.

Yesaya 29:15

Musu tloo nihi nɛ hlaa kaa a maa ngɔ ga nɛ a to ngɛ a yi mi ɔ kɛ laa Yawɛ. A toɔ a ga amɛ ngɛ laami mi, nɛ a susuu kaa nɔ ko nɔ ko be mɛ nae, nɛ nɔ́ nɛ a ngɛ pee ɔ hu nɔ ko nɔ ko be lee.

Luka 12:2

Nɔ́ ko be nɛ a bu nɔ, nɛ a be kpo jee; nɛ nɔ́ ko hu be nɛ a ngɔ laa, nɛ a be lee.

Luka 7:44

Jehanɛ, e plɛ e hɛ mi kɛ kpee yo ɔ, nɛ e de Simon ke, “Tse o ngɛ yo nɛ ɔ hyɛe? Nɛ i ba sɛ o we ɔ mi ɔ, o ha we mi nyu nɛ ma kɛ fɔ ye nane he, se lɛɛ e kɛ vo nyu fɔ ye nane he, nɛ e kɛ e yi bwɔmi tsu.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.