Samuel II, 11:6 - BAIBLO ALOO NGMAMI KLƆUKLƆU Ɔ

⁶ Kɛkɛ nɛ David tsɔ nɛ a kɛ sɛ gbi ya ha Yoab ke, “Ha nɛ Uria, Hit no ɔ nɛ ba.” Nɛ Yoab wo Uria blɔ kɛ ba David ngɔ.

Samuel II, 11:6 ပူးပေါင်းရင်းမြစ်များ

Mose I, 4:7

E ji o pee nɔ́ nɛ hi jinɛ i ko na o he bua jɔmi. Se akɛnɛ o ya pee we nɔ́ nɛ hi ɔ, yayami buu si ngɛ o sinya a nya kaa lohwe dikalɔ nɛ e miɔ nɛ e maa tu mla mo. Se, hyɛ nɛ o ye yayami ɔ nɔ.”

Samuel II, 11:5

Pee se ɔ, yo ɔ na kaa e hɛɛ mi, lɔ ɔ he ɔ, e tsɔ ya de David.

Samuel II, 11:7

Benɛ Uria ba a, David bi lɛ Yoab kɛ tabo ɔmɛ a hwɔhwɔɛ, kɛ bɔ nɛ ta a ngɛ nɔ yae ha.

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Yesaya 29:13

Nyɔmtsɛ ɔ ke, “Ni nɛ ɔmɛ ke a ngɛ mi jae, se sisi numi ko be munyu ɔmɛ nɛ a ngɛ tue ɔ mi, ejakaa a tsui ngɛ he kpa kulaa. Nimli adesahi a mlaahi, kɛ blema sanehi nɛ a kase ngɔ wo a yi mi nɛ a deɔ kɛ a nya kɛkɛ ɔ ji nɔ́ nɛ a tsɛɛ ke jami.

Mateo 26:70

Se Petro de ngɛ ni ɔmɛ tsuo a hɛ mi ke, “Dɛbi! Nɔ́ nɛ o ngɛ dee nɛ ɔ, i li he nɔ́ ko.”

Mateo 26:72

Petro kplɛɛ we nɔ ekohu, nɛ e de ke, “I na Mawu kaa i li nyumu ɔ!”

Mateo 26:74

Jehanɛ ɔ lɛɛ, Petro de ke, “I na Mawu kaa nɔ́ nɛ i ngɛ dee ɔ, anɔkuale! Ke pi ja a, Mawu nɛ gbla ye tue! I li nyumu ɔ!” Amlɔ ɔ, kungwɔ kpa nɔ́.

Samuel I, 15:30

Saul de ke, “I pee yayami; se kɛ̃, moo wo ye hɛ mi nyami ngɛ ye ma nimeli, kɛ Israel tsuo a hɛ mi, nɛ o kɛ mi nɛ ya nɛ ma ya ja Yawɛ, o Mawu ɔ.”