Samuel II, 11:26 - BAIBLO ALOO NGMAMI KLƆUKLƆU Ɔ

²⁶ Benɛ Uria yo ɔ nu kaa e huno Uria gbo ɔ, e nyɛ ya ha lɛ.

Samuel II, 11:26 ပူးပေါင်းရင်းမြစ်များ

Mose I, 27:41

Esau nyɛ Yakob ngɛ gbaami ɔ nɛ e tsɛ gbaa Yakob ɔ he. E de ngɛ e yi mi ke, “Tsaatsɛ gbenɔ be su ta. Ke tsaatsɛ gbo nɛ a pee ya se ɔ, ma gbe ye nyɛmi Yakob.”

Mose I, 50:10

Benɛ a su ngma mi sami he ɔ ngɛ Atad, ngɛ Yordan pa a beleku je ɔ, a wo yana wawɛɛ ngɛ lejɛ ɔ be saii; nɛ Yosef pee kusumi kɛ nyɛ ya ligbi kpaago.

Samuel II, 11:25

David de tsɔlɔ ɔ ke, “Yaa nɛ o ya wo Yoab he wami, nɛ o de lɛ ke e ko ha nɛ sane nɛ ɔ nɛ hao lɛ; ejakaa klaate ngɛ nɛ ɔ, e hlɛ nɔ mi nɛ e gbee. De lɛ ke e ngɔ e he wami tsuo kɛ tua ma a, nɛ e ngɔ ma a.”

Samuel II, 14:2

lɔ ɔ he ɔ, e tsɔ kɛ ho Tekoa ya nɛ a ya ngɔ yo ní lelɔ ko kɛ je lejɛ ɔ kɛ ba. Benɛ yo ɔ ba a, Yoab de lɛ ke, “Mo bu ya bo, nɛ o buá nɛ o pee o ní kaa nɔ nɛ ngɛ ya nyɛe. Mo ko kpa nu, se mohu o pee o ní kaa yo nɛ nɔ gbo lɛ nɛ e ngɛ ya nyɛe ligbi babauu.

Samuel II, 3:31

David fa Yoab kɛ e we bi ɔmɛ ke, “Nyɛ hía tade ɔmɛ ngɛ nyɛ he, nɛ nyɛ bu kpekpe ya bo kɛ nyɛ ya, nɛ nyɛɛ wo yana ha Abner.” Matsɛ David nitsɛ nyɛɛ gbogboe ɔ se.

Matsɛmɛ I, 21:16

Amlɔ nɔuu ɔ, Ahab ho nɛ e ya ngɔ wai ngmɔ ɔ.

Mose V, 34:8

Israel ma a nyɛ ya ha lɛ ligbi nyingmi etɛ ngɛ Moab nga kplanaa a nɔ.

Samuel I, 31:13

Lɔ ɔ se ɔ, a muɔ wu ɔmɛ ya pu ngɛ tso nguaa ko sisi ngɛ Yabesh ma a mi, nɛ a ha hwɔ ligbi kpaago.