Samuel II, 11:2 - BAIBLO ALOO NGMAMI KLƆUKLƆU Ɔ

² Ligbi ko gbɔkuɛ nya si ɔ, David te si kɛ je e sa mi nɛ e ya ngɛ si slaae ngɛ tsu ɔ yi mi ngɛ matsɛ we ɔ mi. Kɛkɛ nɛ e na yo ko nɛ ngɛ due ngɛ sisi ɔ. Yo ɔ he ngɛ fɛu saminya.

Samuel II, 11:2 ပူးပေါင်းရင်းမြစ်များ

Mateo 5:28

Se imi lɛɛ i ngɛ nyɛ dee ke nɔ tsuaa nɔ nɛ hyɛɛ yo, nɛ e he peeɔ lɛ akɔnɔ ɔ, e kɛ lɛ puɛ gba momo ngɛ e tsui mi.

La 119:37

Níhi nɛ a he be se nami ɔ, ko ha ma hyɛ. Mo ha ye yi nɛ na wami kaa bɔ nɛ o wo si ɔ.

1 Yohane 2:16

Nɔ́ tsuaa nɔ́ nɛ ngɛ je nɛ ɔ mi ɔ, je ɔ mi e je. Níhi nɛ he lo ɔ dii se, níhi nɛ hɛngmɛ dii se, kɛ níhi nɛ nihi fĩaa kɛ fɔɔ nɔ ɔ, lɛ tsuo je je nɛ ɔ mi; ekoeko ji Tsɛ ɔ ngɔ.

Ni Tsumi 10:9

E nɔ jena benɛ a ngɛ blɔ ɔ nɔ kɛ yaa nɛ a miɔ nɛ a maa su Yopa, maa pee ngmlɛ nyɔngma kɛ enyɔ ɔ, Petro ho tsu ɔ yi mi ya, konɛ e ya sɔle.

Abɛ Womi 6:25

Ko ya di e he fɛu ɔ se; ko ha nɛ e we ajuama hɛngmɛ ɔ nɛ nu mo.

Hiob 31:1

I ka kita kaa i kɛ akɔnɔ hɛngmɛ be zangmayo ko hyɛe gblegbleegble.

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.

Abɛ Womi 31:30

Hɛ mi nyami sisiɔ nɔ, nɛ he fɛu hu taa; se yo nɛ yeɔ Yawɛ gbeye ɔ, e sa kaa a je e yi.

Mose V, 22:8

“Ke o po we he ɔ, moo hyɛ nɛ o wo o tsu yi bumi ɔ he aklabatsa kɛ bɔle lɛ kɛ kpe. Ke o pee ja a, lɛɛ ke nɔ ko sane kɛ je tsu ɔ yi mi kɛ ba nɔ si nɛ e gbo ɔ, tɔmi ɔ ji mo.

Mose I, 3:6

Yo ɔ na kaa tso ɔ ngɛ fɛu; e na kaa tso ɔ yiblii ɔ maa ngɔ, nɛ e ma ha nɛ nɔ maa le ní. Lɔ ɔ he ɔ, e tsɔ eko nɛ e ye, nɛ e ha e huno ɔ hu eko nɛ e ye.

Mateo 10:27

Nɔ́ nɛ i ngɛ nyɛ dee ngɛ diblii mi ɔ, nyɛɛ sɛɛ piani katakata; nɔ́ nɛ i ngɛ nyɛ tue mi woe nɛ i ngɛ nyɛ dee ɔ, nyɛɛ fiɛ ngɛ ma nɔ.

Yeremia 19:13

Ma ble wehi tsuo ngɛ Yerusalem kaa bɔ nɛ i pee Tofet ɔ. Yuda matsɛmɛ ɔmɛ a mɔhi, kɛ tsu kpahi nɛ a sãã tsopa kɛ e he via ngɛ a yi mi kɛ haa dodoehi, nɛ a sãã wai bɔ ngɛ lejɛ ɔmɛ kɛ haa mawu kpahi ɔ, ma ble mɛ.”

Abɛ Womi 19:15

Pee hejɔ faa, nɛ o wɔ mahe vii bɔ nɛ o suɔ; se hwɔ maa ye mo.

Samuel II, 4:7

Benɛ a sɛ we ɔ mi ɔ, a na Ishboshet nɛ hwɔɔ si ngɛ sa nɔ ngɛ e se tsu ɔ mi. Nɛ a fia lɛ nɔ́ nɛ a gbe ngɔ wo sa mi. A po e yi nɛ a kɛ yi ɔ nyɛɛ nyɔnyɔɔnyɔ kɛ ya gu Yordan kɔ̃ ɔ mi.

Mose I, 34:2

Benɛ Hamor binyumu Shekem na Dina a, e nu lɛ pani nya nɛ e kɛ lɛ hwɔ. Hamor nɛ ɔ, Hiv no ji lɛ, nɛ lɛ ji jamɛ a zugba a nɔ yelɔ.

Mose I, 6:2

Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

Samuel II, 4:5

Ligbi ko ɔ, Beerot no Rimon bimɛ Rekab kɛ Baana ya Ishboshet we ɔ mi piani katakata benɛ Ishboshet kpasa si bɔɔ.

Samuel I, 9:25

Benɛ a kple si kɛ je jami he ɔ kɛ ba ma a mi ɔ, a pee sa ha Saul ngɛ tsu ɔ yi mi,

Mose I, 39:6

Potifar to e nɔ́ tsuaa nɔ́ kɛ wo Yosef dɛ, nɛ e gba we e he nya ngɛ nɔ́ ko nɔ́ ko he kaa ja nɔ́ nɛ e maa ye kɛkɛ. Yosef ɔ, nyumu nɛ he ngɛ fɛu saminya ji lɛ.

Mateo 24:17

Nɔ nɛ ngɛ tsu yi mi ɔ, e ko kple si ya ngɔ e níhi ngɛ we ɔ mi.

Mose I, 12:11

Benɛ e piɛ bɔɔ nɛ a maa su Egipt ɔ, e de e yo Sarai ke, “Sarai, i le kaa yo nɛ he ngɛ fɛu ji mo.

Mose V, 5:21

“ ‘O hɛ ko kɔ̃ o nyɛmi e yo nɔ; o hɛ ko kɔ̃ o nyɛmi e we, aloo e zugba, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.’

Samuel II, 13:1

David binyumu Absalom ngɛ nyɛmiyo ko nɛ he ngɛ fɛu saminya. E biɛ ji Tamar. E ba mi kaa Tamar tsɛbi Amnon ba na suɔmi wawɛɛ kɛ ha e nyɛmiyo nɛ ɔ.

Samuel II, 14:27

Absalom fɔ binyumuhi etɛ kɛ biyo kake. Yoyo ɔ biɛ ji Tamar, nɛ e he ngɛ fɛu saminya.

Abɛ Womi 7:8

E nyɛɛ kɛ ya be ngɛ gbɛjegbɛ ɔ kɔ nya he ko, he nɛ yo ko hii ɔ.