Samuel II, 11:15 - BAIBLO ALOO NGMAMI KLƆUKLƆU Ɔ

¹⁵ Nɔ́ nɛ e ngma ngɛ womi ɔ mi ji, “Moo ngɔ Uria kɛ ya da ta a nya he nɛ mi he wa pe kulaa. Lɔ ɔ se ɔ, nyɛɛ gbla nyɛ he si kɛ je e he, nɛ a fia lɛ ní nɛ e gbo.”

Samuel II, 11:15 ပူးပေါင်းရင်းမြစ်များ

Samuel II, 11:16

Enɛ ɔ he je ɔ, benɛ Yoab ngɛ ma a yi sae ɔ, e ngɔ Uria ya da he nɛ e le kaa he nyɛli ɔmɛ a mi wa ngɛ ɔ.

Samuel II, 11:17

He nyɛli ɔmɛ je kpo nɛ a kɛ Yoab we bi ɔmɛ ba hwu ta. David asafoatsɛmɛ ɔmɛ ekomɛ gbo; nɛ Uria, Hit no ɔ hu a gbe lɛ.

Samuel II, 12:9

Mɛni he je mɔ nɛ o tɔ Yawɛ mlaa a nɔ, nɛ o pee yayami kaa kikɛ nɛ ɔ ngɛ e hɛ mi? O ha Amon bi ɔmɛ gbe Uria, Hit no ɔ ngɛ ta nga a nɔ, nɛ o ngɔ e yo ɔ kɛ ba pee o yo!

Matsɛmɛ I, 15:5

Yawɛ pee nɔ́ nɛ ɔ, ejakaa David wami be ɔ tsuo ɔ, e pee Yawɛ suɔmi nya ní. Mlaa amɛ nɛ Yawɛ wo lɛ ɔ, e tɔ we ekoeko pe sane ɔ nɛ ya ba ngɛ e kɛ Hit no Uria a kpɛti ɔ pɛ.

La 51:14

Mawu, koo bu mi fɔ kaa muɔ si puelɔ, konɛ ma la kɛ bua jɔmi kɛ je o yi.

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

Fiɛlɔ 8:11

Mɛni he je lɛ nihi a he sɔɔ kɛ peeɔ yayami ɔ? Ejakaa a gbla we a tue ngɛ be nɛ sa mi.

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Yeremia 20:13

Nyɛ la ha Yawɛ! Nyɛ je Yawɛ yi! Ejakaa e jeɔ nihi nɛ a ngɛ mɛ yi mi wae ɔ kɛ jeɔ yayami peeli a dɛ mi.

Samuel I, 18:17

Ligbi ko ɔ, Saul de David ke, “O nɛ, ye biyo nɔkɔtɔma Merab ji nɛ ɔ nɛ. Ke o maa pee kã, nɛ o maa hwu Yawɛ ta amɛ ha mi ɔ, i kɛ lɛ ma ha mo.” Saul susu kaa ke e pee ja a, Filisti bi ɔmɛ a nine maa su David nɔ nɛ a maa gbe lɛ, nɛ lɛɛ e nine be e he sae.

Samuel I, 18:21

Saul susumi ji e kɛ e biyo Mikal ma ha David nɛ e kɛ tsɔ lɛ klama, bɔ nɛ pee nɛ Filisti bi ɔmɛ a nine nɛ su e nɔ. Lɔ ɔ he ɔ, Saul de David si enyɔne ɔ ke, “Jehanɛ lɛɛ o maa pee ye ngatsɛ.”

Samuel I, 18:25

Saul fa mɛ ke a ya de David ke, “Matsɛ ɔ hla we yo se ní kpa ko pe Filisti bi a mɔmlɔtɔ lafa kɛkɛ nɛ e kɛ ye he nyɛli ɔmɛ a he lue.” Saul to kikɛmɛ a ga nɛ ɔ bɔ nɛ pee nɛ Filisti bi ɔmɛ a nine nɛ su David nɔ nɛ a gbe lɛ.