Samuel II, 11:11 - BAIBLO ALOO NGMAMI KLƆUKLƆU Ɔ

¹¹ Uria he nɔ ke, “Israel kɛ Yuda tsuo ngɛ ta hwue, nɛ somi daka a ngɛ a ngɔ. Jehanɛ, ye nyɔmtsɛ Yoab kɛ e we asafoatsɛmɛ ɔmɛ hu pueɔ si ngɛ nga a nɔ; nɛ imi lɛɛ ma ya we mi nɛ ma ya ye ní, nɛ ma nu dã, nɛ i kɛ ye yo ya hwɔ si lo? I na o nane kaa i be nɔ́ nɛ ɔ pee!”

Samuel II, 11:11 ပူးပေါင်းရင်းမြစ်များ

Samuel II, 11:10

Benɛ David nu kaa Uria yɛ we mi ɔ, e de Uria ke, “O hia blɔ be saii ji nɛ ɔ, nɛ piɔ pɛ o kpale kɛ ba. Mɛni he je nɛ o yɛ we mi ɔ?”

Samuel II, 14:19

Matsɛ ɔ bi lɛ ke, “Anɛ Yoab le ní nɛ ɔmɛ tsuo a he nɔ́ ko lo?” Yo ɔ he nɔ ke, “I na nɛnɛ, kaa nɔ ko nɔ ko be nyɛe maa je nɔ́ nɛ o de nɛ ɔ he nɔ́. O tsɔlɔ Yoab tutuutu ji nɔ nɛ tsɔ mi; nɛ lɛ nɔuu nɛ e tsɔɔ mi nɔ́ nɛ ma ba de mo ɔ nɛ.

Samuel II, 20:6

Kɛkɛ nɛ matsɛ ɔ de Abishai ke, “Sheba ma ba hao wɔ kulaa pe Absalom tete. Ngɔɔ ye tsɔli ɔmɛ, nɛ́ nyɛɛ nyɛɛ e se; ke pi ja a, e ma ya sɛ mahi nɛ a fia gbogbo ngɔ wo a he ɔ ekomɛ a mi, nɛ e maa hao wɔ.”

Samuel II, 7:2

David de gbalɔ Natan ke, “Hyɛ kaa imi lɛɛ i ngɛ we nɛ a ma kɛ seda mi, be mi nɛ Mawu somi daka a lɛɛ bo tsu mi lɛ e ngɛ!”

Samuel II, 7:6

Kɛ je ligbi nɛ i ya kpɔ Israel ma a kɛ je Egipt kɛ ba si mwɔnɛ ligbi nɛ ɔ, i hí we ko mi hyɛ; bo tsu ji we nɛ i hii mi.

Mose IV, 32:6

Mose de Gad bi ɔmɛ, kɛ Ruben bi ɔmɛ ke, “Anɛ nyɛ nyɛmimɛ ɔmɛ nɛ a ya nɛ a ya hwu ta, konɛ nyɛɛ lɛɛ nyɛɛ hi hiɛ ɔ?

Yohane 13:14

Jehanɛ ɔ, imi nyɛ Nyɔmtsɛ, kɛ nyɛ Tsɔɔlɔ ɔ, ke i fɔ nyɛ nane he ɔ, e sa kaa nyɛ hu nyɛ fɔ nyɛ sibi a nane he.

2 Timoteo 2:12

Ke wa mia wa hɛ mi ngɛ nɔ́ nami mi ɔ, waa kɛ lɛ maa ye matsɛ hulɔ. Ke wa kua lɛ ɔ, lɛ hu e ma kua wɔ.

Samuel I, 1:26

Hana de lɛ ke, “I kpa mo pɛɛ, ye nyɔmtsɛ, o kai mi lo? Imi ji yo ɔ nɛ o na be ko nɛ i daa si ngɛ hiɛ ɔ nɛ i ngɛ kue fae ha Yawɛ ɔ nɛ.

Samuel I, 14:18

Jamɛ a ligbi ɔ, osɔfo Ahiya ji nɔ nɛ ngɛ Mawu somi daka a nɔ hyɛe. Lɔ ɔ he ɔ, Saul de lɛ ke, “Yaa ngɔ Mawu somi daka a kɛ ba hiɛ ɔ.”

Samuel I, 17:55

Benɛ David yaa nɛ e kɛ Filisti no ɔ ya kpe ɔ, Saul bi e tatsɛ, Abner ke, “Abner, mɛnɔ bi ji kikɛmɛ a niheyo nɛ ɔ?” Abner he nɔ ke, “Nɛnɛ, i na o nane kaa i li.”

Samuel I, 20:3

Se David he nɔ ke, “O tsɛ le saminya kaa o suɔ ye sane; lɔ ɔ he ɔ, e pee e juɛmi kaa e be hae nɛ o le nɔ́ nɛ ɔ, bɔ nɛ pee nɛ e ko hao mo. Se anɔkuale, i na Yawɛ hɛ kalɔ ɔ kaa nane hiami kake pɛ lɛ ngɛ i kɛ gbenɔ wa kpɛti.”

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.

Samuel I, 4:4

Lɔ ɔ he ɔ, a tsɔ ya ngɔ Yawɛ somi daka a ngɛ Shilo kɛ ba. Somi daka a daa si ha Yawɛ Ope ɔ matsɛ sɛ. Eli binyumu enyɔ ɔmɛ, Hofni kɛ Finehas piɛ nihi nɛ ngɔ somi daka a kɛ ba a a he.