Samuel II, 10:9 - BAIBLO ALOO NGMAMI KLƆUKLƆU Ɔ

⁹ Yoab na bɔ nɛ a gba ta a ha, kaa a ma lɛ tuami kɛ je hɛ mi kɛ se blɔ tsuo. Lɔ ɔ he ɔ, e hla Israel ta buli komɛ nɛ a kɔni si wa, nɛ e ngɔ mɛ ngɔ kpee Siria bi ɔmɛ.

Samuel II, 10:9 ပူးပေါင်းရင်းမြစ်များ

Samuel II, 10:10

Ni nɛmɛ nɛ piɛ ɔ, e ngɔ mɛ ngɔ wo e nyɛminyumu Abishai dɛ mi, konɛ mɛ hu a kɛ Amon bi ɔmɛ ya kpe.

Samuel II, 10:8

Amon bi ɔmɛ hia nɛ a ya gba ta ngɛ a ma nguaa a nɛ a tsɛɛ Raba a agbo ɔ nya. Se ni kpa amɛ nɛ ji Siria bi ɔmɛ, kɛ ni nɛmɛ nɛ je Tob kɛ Maaka a, mɛɛ lɛɛ a tsɔ a he kɛ ho nga a nɔ ya.

Samuel II, 18:2

Lɔ ɔ se ɔ, David gba tabo ɔ tsuo mi etɛ, nɛ e ngɔ Yoab ngɔ to kekleekle nɔ́ nya. Yoab senɔ Abishai, Zeruya bi ɔ ji kuu enyɔne ɔ nyatsɛ; nɛ etɛne ɔ lɛɛ e kɛ wo Itai, Gat no ɔ dɛ mi. Kɛkɛ nɛ matsɛ ɔ de e we bi ɔmɛ ke, “Imi nitsɛ i kɛ nyɛ maa ya.”

Kronika II, 13:14

Benɛ Yuda bi ɔmɛ maa hyɛ ɔ, a na kaa a sa a yi; he nyɛli ngɛ a hɛ mi kɛ a se tsuo. Kɛkɛ nɛ a fa kue ha Yawɛ, nɛ osɔfo ɔmɛ kpa titimati ɔmɛ.