Samuel II, 10:8 - BAIBLO ALOO NGMAMI KLƆUKLƆU Ɔ

⁸ Amon bi ɔmɛ hia nɛ a ya gba ta ngɛ a ma nguaa a nɛ a tsɛɛ Raba a agbo ɔ nya. Se ni kpa amɛ nɛ ji Siria bi ɔmɛ, kɛ ni nɛmɛ nɛ je Tob kɛ Maaka a, mɛɛ lɛɛ a tsɔ a he kɛ ho nga a nɔ ya.

Samuel II, 10:8 ပူးပေါင်းရင်းမြစ်များ

Samuel II, 10:6

Benɛ Amon bi ɔmɛ na kaa a ya hla munyu ngɛ David he ɔ, a tsɔ ya bɔ Siria ta buli akpe nyingmi enyɔ apaa kɛ je Bet Rehob kɛ Zoba. Jehanɛ hu, a ya bɔ Maaka matsɛ, kɛ e we bi akpe apaa kɛ piɛ Tob bi akpe nyɔngma kɛ enyɔ a he.

Samuel II, 10:7

Benɛ David nu he ɔ, e wo Yoab kɛ Israel tabo ɔ blɔ nɛ a kɛ mɛ ya kpe.

Samuel II, 10:9

Yoab na bɔ nɛ a gba ta a ha, kaa a ma lɛ tuami kɛ je hɛ mi kɛ se blɔ tsuo. Lɔ ɔ he ɔ, e hla Israel ta buli komɛ nɛ a kɔni si wa, nɛ e ngɔ mɛ ngɔ kpee Siria bi ɔmɛ.

Matsɛmɛ I, 11:24

nɛ e ba pee ojo fiali a nyatsɛ. Benɛ David ye Hadadezer nɔ kunimi, nɛ e kpata Zoba hɛ mi ɔ, Rezon kɛ e we bi ɔmɛ tu fo kɛ ho Damasko ya nɛ a ya hi lejɛ ɔ; nɛ e we bi ɔmɛ wo lɛ Siria matsɛ ngɛ lejɛ ɔ.

Kronika I, 19:7

Ta zugba lɛ akpe nyingmi etɛ kɛ enyɔ ɔmɛ nɛ a ya bɔ apaa a, kɛ Maaka matsɛ tabo ɔ ba bua a he nya ngɛ Medeba kasa nya. Amon bi ɔmɛ hu je a ma amɛ tsuo a mi kɛ ba, nɛ a mia kɛ ha ta hwumi.

Kronika I, 19:9

Amon bi ɔmɛ hia nɛ a ya gba ta ngɛ a ma nguaa a nɛ a tsɛɛ Raba a we agbo ɔ nya. Matsɛmɛ ɔmɛ nɛ je ngmlaa ha mɛ ɔ, mɛɛ lɛɛ a gba ta kɛ gu nga a nɔ je.

Yeremia 40:8

Lɔ ɔ he ɔ, nimli nɛ ɔmɛ, kɛ a we bi ɔmɛ tsuo ba Gedalia ngɔ ngɛ Mizpa. Mɛ ji Ishmael, Natania bi ɔ, Yohanan, Karea bi ɔ, Seraya, Tanhumet bi ɔ, Efai nɛ je Netofa a bimɛ ɔmɛ, kɛ Yezania nɛ je Maaka a.

Mose IV, 13:21

Nyumu ɔmɛ pue nɔ kɛ ho, nɛ a ya slaa zugba a, kɛ je Zin nga a nɔ kɛ ya si Rehob, he nɛ a guu kɛ yaa Hamat ɔ.

Yoshua 19:28

Ebron, Rehob, Hamon, kɛ Kana kɛ ya su Sidon tɔɔ.

Manyadali 1:31

Ako, Sidon, Ahlab, Akzib, Helba, Afek, kɛ Rehob bi ɔmɛ hu Asher bi ɔmɛ fie we mɛ.

Manyadali 11:3

Enɛ ɔ he ɔ, Yefta tu fo kɛ je e nyɛmimɛ ɔmɛ a he, nɛ e ya hi Tob zugba a nɔ. Yakayaka nimli komɛ ho nɛ a ya piɛ e he ngɛ lejɛ ɔ; nɛ ke pee ɔ, e kɛ mɛ yaa nɛ a ya fiaa nihi ojo.

Manyadali 11:5

Benɛ a ngɛ ta a hwue ɔ, Gilead ma nimeli ɔmɛ ho nɛ a ya ngɔ Yefta kɛ je Tob zugba a nɔ kɛ ba;