Samuel II, 10:6 - BAIBLO ALOO NGMAMI KLƆUKLƆU Ɔ

⁶ Benɛ Amon bi ɔmɛ na kaa a ya hla munyu ngɛ David he ɔ, a tsɔ ya bɔ Siria ta buli akpe nyingmi enyɔ apaa kɛ je Bet Rehob kɛ Zoba. Jehanɛ hu, a ya bɔ Maaka matsɛ, kɛ e we bi akpe apaa kɛ piɛ Tob bi akpe nyɔngma kɛ enyɔ a he.

Samuel II, 10:6 ပူးပေါင်းရင်းမြစ်များ

Samuel II, 8:5

Benɛ Siria bi ɔmɛ nɛ ngɛ Damasko ɔ ya konɛ a ya je ngmlaa ha Zoba matsɛ, Hadadezer ɔ, David gbe a kpɛti nimli akpe nyingmi enyɔ kɛ enyɔ.

Samuel II, 8:3

Jehanɛ se, David ya ye Rehob binyumu Hadadezer, nɛ ji Zoba matsɛ ɔ nɔ kunimi. Jamɛ a be ɔ, Hadadezer ngɛ blɔ nɔ kɛ yaa, konɛ e ya kpɔ e zugba a nɛ ngɛ Yufrate pa a he ɔ ekohu.

Mose I, 34:30

Yakob de Simeon kɛ Levi ke, “Nyɛɛ kɛ mi wo amanehlu mi pɛ; jehanɛ lɛɛ Kanaan, kɛ Periz bi ɔmɛ, kɛ nɔ tsuaa nɔ nɛ ngɛ zugba a nɔ ɔ maa nyɛ mi. I be we bi babauu; ke nimli nɛ ɔmɛ tsuo bla ngɔ wo ye he, nɛ a ba tua mi ɔ, a ma kpata wɔ tsuo wa hɛ mi.”

Samuel I, 27:12

Akish he David ye saminya, nɛ e deɔ ngɛ e yi mi ke, “Lɛ nitsɛ e nyɛmimɛ Israel bi ɔmɛ sume lɛ pɛsɛpɛsɛ; lɔ ɔ he ɔ, hiɛ ɔ kɛkɛ e maa hi nɛ e ma sɔmɔ mi daa.”

Manyadali 11:5

Benɛ a ngɛ ta a hwue ɔ, Gilead ma nimeli ɔmɛ ho nɛ a ya ngɔ Yefta kɛ je Tob zugba a nɔ kɛ ba;

Manyadali 11:3

Enɛ ɔ he ɔ, Yefta tu fo kɛ je e nyɛmimɛ ɔmɛ a he, nɛ e ya hi Tob zugba a nɔ. Yakayaka nimli komɛ ho nɛ a ya piɛ e he ngɛ lejɛ ɔ; nɛ ke pee ɔ, e kɛ mɛ yaa nɛ a ya fiaa nihi ojo.

Abɛ Womi 25:8

Nɔ bi nya sɔɛ ngɛ sane yemi he kɛ de nɔ́ nɛ e na. Ke o nya sɔ kɛ tu munyu, nɛ nyagbe ɔ, o nyɛmi ba pue o hɛ mi si ɔ, kɛ o maa pee kɛɛ?

Samuel II, 8:12

Ma amɛ ji Edom, Moab, Amon, Filistia, kɛ Amalek. Ta yibu ní nɛ e kpɔ ngɛ matsɛ Hadadezer dɛ ɔ hu e gbaa nɔ.

Samuel I, 13:4

Israel tsuo nu kaa Saul gbe Filisti bi a nyatsɛ ɔ, nɛ nɔ́ nɛ ɔ ha Filisti bi ɔmɛ a hɛ dɔ wo mɛ. Lɔ ɔ he ɔ, ma a bua a he nya, nɛ a bu Saul nɔ kɛ ho Gilgal ya.

Mose V, 3:14

Yair nɛ je Manase wɛtso ɔ mi ɔ ngɔ Argob zugba nɛ a tsɛɛ Bashan ɔ tsuo kɛ ya su Geshur bi ɔmɛ, kɛ Maaka bi ɔmɛ a huzu ɔ nya. E ngɔ e biɛ ngɔ wo kɔpe ɔmɛ; nɛ kɛ ba si mwɔnɛ ɔ, a tsɛɛ mɛ ke Yair kɔpehi.

Mose II, 5:21

Nɛ a de mɛ ke, “Yawɛ maa wo nyɛ hiɔ; ejakaa nyɛ ha wa he je fu wo Farao ɔ kɛ e tsɔli ɔmɛ, nɛ nyɛ ngɔ klaate ngɔ wo a dɛ mi nɛ a kɛ gbe wɔ.”

Samuel II, 10:5

Benɛ David nu nɔ́ nɛ ba a; e tsɔ ya de mɛ ke a mlɛ ngɛ Yeriko kɛ yaa si a kpɛni ɔmɛ maa hɛ loko a ba, ejakaa e ngɛ mɛ zo pee kaa a maa kpale kɛ ba bɔ nɛ a ngɛ ɔ.

Samuel II, 10:7

Benɛ David nu he ɔ, e wo Yoab kɛ Israel tabo ɔ blɔ nɛ a kɛ mɛ ya kpe.

Matsɛmɛ II, 7:6

Yawɛ ha nɛ Siria bi ɔmɛ nububuubui ko he kaa nɔ́ nɛ tabo agbo ko hia kɛ ma, kɛ okpɔngɔhi, kɛ ta zugba lɛhi; nɛ Siria bi ɔmɛ susu kaa Israel matsɛ ɔ ya bɔ Hit bi a matsɛmɛ ɔmɛ, kɛ Egipt bi ɔmɛ a matsɛmɛ ɔmɛ apaa nɛ a ba tua mɛ.

La 48:4

Matsɛmɛ ɔmɛ bua a he nya babauu, konɛ a ba tua Zion yo ɔ.

Yeremia 40:8

Lɔ ɔ he ɔ, nimli nɛ ɔmɛ, kɛ a we bi ɔmɛ tsuo ba Gedalia ngɔ ngɛ Mizpa. Mɛ ji Ishmael, Natania bi ɔ, Yohanan, Karea bi ɔ, Seraya, Tanhumet bi ɔ, Efai nɛ je Netofa a bimɛ ɔmɛ, kɛ Yezania nɛ je Maaka a.

Yeremia 46:21

Ta buli nɛ Egipt bɔ mɛ apaa a, mɛ po a ngɛ kaa na bimɛ kɛkɛ. A nyɛ we nɛ a da si ngɛ ta a nya; mɛ tsuo a tu fo kɛ je ta a nya. A haomi be ɔ su, a hɛ mi kpatami be ɔ su.

Samuel II, 16:21

Ahitofel de Absalom ke, “Yaa nɛ o kɛ o tsɛ plã amɛ nɛ e si ke a hi we ɔ nɔ hyɛe ɔ ya hwɔ. Ke o pee ja a, Israel tsuo maa na kaa o kɛ o tsɛ ɔ, nyɛ plɛ he nyɛli. Nɔ́ nɛ ɔ maa fɔ o se nyɛɛli ɔmɛ tsuo a kɔni nɔ kpa.”

Matsɛmɛ I, 11:24

nɛ e ba pee ojo fiali a nyatsɛ. Benɛ David ye Hadadezer nɔ kunimi, nɛ e kpata Zoba hɛ mi ɔ, Rezon kɛ e we bi ɔmɛ tu fo kɛ ho Damasko ya nɛ a ya hi lejɛ ɔ; nɛ e we bi ɔmɛ wo lɛ Siria matsɛ ngɛ lejɛ ɔ.