Samuel II, 10:12 - BAIBLO ALOO NGMAMI KLƆUKLƆU Ɔ

¹² Moo pee kã, nɛ o ha nɛ waa da si kaa nyumuhi kɛ ha wa nyɛmimɛ ɔmɛ, kɛ wa Mawu ɔ ma amɛ. Nɔ́ nɛ sa Yawɛ hɛ mi ɔ, e pee.”

Samuel II, 10:12 ပူးပေါင်းရင်းမြစ်များ

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

Mose V, 31:6

Nyɛ he nɛ wa nɛ nyɛɛ pee kã. Nyɛ ko ye mɛ gbeye. Yawɛ, nyɛ Mawu ɔ nitsɛ kɛ nyɛ maa hi si. E be nyɛ sie, nɛ e be nyɛ kuae hulɔ.”

Samuel I, 3:18

Lɔ ɔ he ɔ, Samuel de lɛ nɔ́ tsuaa nɔ́; e si we nɔ́ ko nɛ e de we lɛ. Eli de ke, “Lɛ ji Yawɛ ɔ nɛ; nɔ́ tsuaa nɔ́ nɛ sa e hɛ mi ɔ, e pee!”

Hebribi 13:6

Lɛɛ nyɛ ha waa kɛ kã nɛ de ke, “Nyɔmtsɛ ɔ ji ye he piɛlɔ, i be gbeye yee. Mɛni adesa ma nyɛ maa pee mi?”

Nehemia 4:14

Jehanɛ, i na kaa ni ɔmɛ hao; lɔ ɔ he ɔ, i de ma nimeli ɔmɛ, ma ní tsuli ɔmɛ, kɛ ma a tsuo ke, “Nyɛ ko ye wa he nyɛli ɔmɛ gbeye. Nyɛ kai kaa Nyɔmtsɛ ɔ kle, nɛ e he ngɛ gbeye, konɛ nyɛɛ hwu ha nyɛ nyɛmimɛ ɔmɛ, nyɛ bimɛ ɔmɛ, nyɛ yi ɔmɛ, kɛ nyɛ we ɔmɛ.”

Samuel I, 4:9

Nyɛ wlua nyɛ, nɛ nyɛɛ pee kã kaa nyumuhi; ke pi ja a, nyɛ ma ba plɛ pee Hebri bi ɔmɛ a nyɔguɛhi kaa bɔ nɛ mɛ hu a sɔmɔ nyɛ be ko mi ɔ. Lɔ ɔ he ɔ, nyɛɛ hwu ta kaa nyumuhi!”

Manyadali 10:15

Se Israel ma a de Yawɛ ke, “Wa pee yayami! Moo lɛɛ moo pee nɔ́ tsuaa nɔ́ nɛ o suɔ; wa kpa mo pɛɛ, mo he wa yi wami mwɔnɛ ligbi nɛ ɔ!”

Kronika I, 19:13

Moo pee kã, nɛ o ha nɛ waa da si kaa nyumuhi kɛ ha wa nyɛmimɛ ɔmɛ, kɛ wa Mawu ɔ ma amɛ. Nɔ́ nɛ sa Yawɛ hɛ mi ɔ, e pee.”

Hiob 1:21

Hiob de ke, “Maa fɔ mi kɛ ba he gu, nɛ ma kpale kɛ ya he gu. Yawɛ lɛ ha, nɛ Yawɛ lɛ ba ngɔ kɛ ho. A je Yawɛ biɛ ɔ yi!”

Samuel I, 17:32

David de Saul ke, “Nɔ ko nɔ ko kó ye tsui ngɛ Filisti no nɛ ɔ he; i yaa nɛ i kɛ lɛ ya kpe.”

Samuel I, 14:12

Jehanɛ, a de Yonatan kɛ e ta hwumi ní hɛɛlɔ ɔ ke, “Nyɛɛ kuɔ kɛ ba wa ngɔ; wa ngɛ nɔ́ ko nɛ wa ma de nyɛ.” Yonatan de e ta hwumi ní hɛɛlɔ ɔ ke, “Moo kuɔ kɛ nyɛɛ ye se, ejakaa Yawɛ ngɔ mɛ kɛ wo Israel dɛ mi.”

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”

Yoshua 1:18

Nɔ tsuaa nɔ nɛ ma tsɔ o hɛ mi atuã, nɛ e be mo tue bue ɔ, a gbe lɛ. Moo lɛɛ o he nɛ wa, nɛ o pee kã saminya kɛkɛ.”

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Mose IV, 13:20

Nyɛɛ hyɛ kaa zugba a baa ní, loo e bɛ ní, kaa tsohi ngɛ nɔ, loo tsohi be nɔ. Nyɛɛ bɔ mɔde nɛ nyɛɛ ngɔ zugba a nɔ tso yiblii komɛ kɛ ba.” Jamɛ a be ɔ ji kekleekle wai yiblii fumi be.

Kronika II, 32:7

“Nyɛ wlua nyɛ, nɛ nyɛɛ pee kã. Nyɛ ko ye Asiria matsɛ ɔ kɛ e ta babauu ɔ gbeye; ejakaa nɔ nɛ kɛ wɔ ngɛ ɔ, e he wa kulaa pe nɔ nɛ kɛ mɛ ngɛ ɔ.

Hebribi 11:33

Hemi kɛ yemi lɛ ha nɛ nimli nɛ ɔmɛ kɛ mahi hwu ta, nɛ a ye kunimi; a ha nɛ jatahi ma a nya.

Samuel II, 10:11

Yoab de lɛ ke, “Ke e ba mi kaa i ya nyɛ we Siria bi ɔmɛ ɔ, lɛɛ o ba nɛ o ba piɛ ye he. Se ke Amon bi ɔmɛ ngɛ mo gbee ɔ, lɛɛ imi ma ba piɛ o he.

Mose V, 31:7

Jehanɛ, Mose tsɛ Yoshua nɛ e de lɛ ngɛ Israel ma kpekpemi ɔ hɛ mi ke, “O he nɛ wa, nɛ o pee kã; mo ji nɔ nɛ maa nyɛɛ Israel ma a hɛ mi kɛ ya ngɔ zugba a nɛ Yawɛ wo a nɛmɛ si ke e kɛ ma ha mɛ ɔ nɛ.

Samuel II, 15:26

Se ke Yawɛ sume ɔ, lɛɛ imi ji nɛ ɔ nɛ; nɔ́ tsuaa nɔ́ nɛ e suɔ ɔ, e pee mi.”

Nehemia 4:8

Lɔ ɔ he ɔ, mɛ tsuo a so kaa a kɛ Yerusalem maa hwu ta nɛ a gudu lejɛ ɔ.

Ester 4:16

“Yaa bua Yuda bi ɔmɛ tsuo nɛ ngɛ Susa ma a mi ɔ a nya, nɛ nyɛɛ ha hwɔ ha mi. Nyɛ ko ye ní, nɛ nyɛ ko nu nyu hulɔ nyɔ kɛ pia ligbi etɛ. Imi nitsɛ, kɛ ye mawa amɛ hu wa maa pee ja. Lɔ ɔ se ɔ, ma ya matsɛ ɔ ngɔ. E ngɛ mi kaa mlaa a nya a, i be jamɛ a he blɔ ɔ lɛɛ, se ke e hia kaa ma gbo ngɛ enɛ ɔ mi ɔ, ma gbo.”