Samuel II, 1:26 - BAIBLO ALOO NGMAMI KLƆUKLƆU Ɔ

²⁶ “Ye nyɛmi Yonatan, i ngɛ mo kɔmɔ yee; o suɔ mi saminya! Suɔmi nɛ o je kpo ngɔ ha mi ɔ, e nya wa pe yihi a suɔmi po!

Samuel II, 1:26 ပူးပေါင်းရင်းမြစ်များ

Samuel II, 1:27

“Oo, hyɛ bɔ nɛ katsɛmɛ kpanaa amɛ gbo kɛ pueɔ si ngɛ ta mi ha! Oo, hyɛ bɔ nɛ a ta hwumi ní ɔmɛ fɔɔ si gu ha!”

Abɛ Womi 18:24

Huɛ bɔmi komɛ a se kɛ we kulaa. Se huɛmɛ komɛ hu mɛtɛɛ a sibi a he kpɛii pe nyɛmimɛ tete po.

Samuel I, 19:2

e ya de David ke, “Tsaatsɛ ngɛ hlae nɛ e gbe mo; lɔ ɔ he ɔ, o hɛ nɛ hi o he nɔ saminya hwɔɔ mɔtu. Ya hla laami he ko nɛ o laa o he ngɛ lejɛ ɔ.

Samuel I, 20:17

Yonatan ha David kpale ka lɛ kita ekohu kaa e suɔ lɛ, ejakaa lɛ, Yonatan ɔ nitsɛ e suɔ David kaa bɔ nɛ e suɔ lɛ nitsɛ e he.

Samuel I, 20:41

Benɛ niheyo ɔ je ɔ, David te si kɛ je tɛ nɛ a bua nya a se. E ba kpla si nɛ e kɛ e hɛ mi bu si si etɛ; nɛ e kɛ Yonatan fua a sibi, nɛ a fo ya ngɔ pue a sibi a nɔ. Se David aywilɛho ɔ nya wa pe Yonatan nɔ́ ɔ.

Samuel I, 23:16

Saul binyumu Yonatan ba e ngɔ ngɛ lejɛ ɔ ba wo e hemi kɛ yemi ngɛ Mawu mi he wami.