Samuel II, 1:23 - BAIBLO ALOO NGMAMI KLƆUKLƆU Ɔ

²³ “Saul kɛ Yonatan a he ngɛ bua jɔmi; a suɔ mɛ saminya. Wami mi jio, gbenɔ mi jio, a mi gba we. A he sɔɔ pe kɔle; nɛ a he wa pe jata.

Samuel II, 1:23 ပူးပေါင်းရင်းမြစ်များ

Samuel II, 1:24

“Nyɛ Israel yihi, nyɛɛ ye kɔmɔ ha Saul! Lɛ nɛ e bu nyɛ bo tsu kpakpahi, nɛ e ha nyɛ bua jɔmi. Lɛ nɛ e kɛ sika tsu, kɛ june dla nyɛ he!

Samuel II, 2:18

Zeruya binyumu etɛ ɔmɛ hu ngɛ lejɛ ɔ. Mɛ ji Yoab, Abishai, kɛ Asahel. Asahel nane nya sɔɔ kaa alɔngɔ.

Samuel II, 23:20

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e tsu ní tsumi nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ, nɛ lɛ nɔuu nɛ e ya sɛ muɔ ko mi nɛ e gbe jata ligbi ko nɛ snoo ngɛ nɛe ɔ nɛ.

Kronika I, 12:8

Gad ta buli komɛ nɛ he biɛ hu ba piɛ David he ngɛ e laami he ɔ ngɛ nga a nɔ. A ji nihi nɛ a le tsɛ̃i kɛ aklɔ he ní tsumi saminya. A hɛ mi ngɛ gbeyegbeye kaa jata hɛ mi, nɛ a he sɔɔ kaa odabɔ.

Hiob 9:26

Ye ligbi ɔmɛ ngɛ bee kɛ fo kaa lɛ nɛ he sɔɔ saminya; aloo kaa kɔle nɛ maa ho lohwe sami ya.

Abɛ Womi 30:30

Jata: e he wa pe lohwehi tsuo, nɛ e yi lohwe ko lohwe ko gbeye.

Lahi 5:16

E nya mi munyu ngɔɔ; e he nɔ́ tsuaa nɔ́ peeɔ mi akɔnɔ. Yerusalem yihewi, ye suɔlɔ kɛ ye huɛ ɔ, bɔ nɛ e ngɛ ji nɛ ɔ nɛ.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Kɔmɔ Yemi 4:19

He nyɛli ɔmɛ nyɛɛ wa se kɛ fo. A he sɔɔ pe kɔlehi ngɛ kɔɔhiɔ mi. A nyɛɛ wa se kɛ gu yo ɔmɛ a nɔ, nɛ a wo wɔ ka ngɛ nga kplanaa a nɔ.

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.

Manyadali 14:18

Ligbi nɛ ji kpaago ɔ, loko pu nɔ si ɔ, ma a mi nyumu ɔmɛ ba de Samson ke, “Ajo ɔ sisi ji nɛ ɔ nɛ: ‘Mɛni ngɔɔ pe hwo? Nɛ mɛni he wa pe jata?’ ” Samson de mɛ ke, “Kaa nyɛ ya ngɔɛ ye na zangmayo ɔ kɛ hu we jinɛ nyɛ ko li ye ajo ɔ sisi.”

Samuel I, 18:1

Benɛ Saul kɛ David gbe a ní sɛɛmi ɔ nya a, Saul binyumu Yonatan kɛ David nu huɛ; nɛ Yonatan suɔ David kaa lɛ nitsɛ e he.

Samuel I, 20:2

Yonatan he nɔ ke, “Dɛbi! O be gboe. Hyɛ, tsaatsɛ pee we nɔ́ ko nguaa, loo bɔbɔyoo nɛ e wo we ye tue nɔ ngɛ he. E be mi!”