Samuel II, 1:21 - BAIBLO ALOO NGMAMI KLƆUKLƆU Ɔ

²¹ Nyɛ Gilboa yohi, bɔ́, loo hiɔmi nɛ ko nɛ ngɛ nyɛ nɔ; nyɛ ngmɔ ko ngmɔ ko nɛ kó ba ní. Ejakaa lejɛ ɔ nyɛ katsɛmɛ ɔmɛ a tsɛ̃i ɔmɛ a hɛ mi pue si ngɛ; Saul tsɛ̃i ɔ fɔɔ si nɛ a pɔɛ he nu hu!

Samuel II, 1:21 ပူးပေါင်းရင်းမြစ်များ

Kronika I, 10:1

Ligbi ko ɔ, Filisti bi ɔmɛ kɛ Israel bi ɔmɛ hwu ta ngɛ Gilboa yo ɔ nɔ. A gbe Israel bi ɔmɛ babauu nitsɛ ngɛ lejɛ ɔ, nɛ ni nɛmɛ nɛ piɛ ɔ tu fo.

Kronika I, 10:8

Enɔ jena benɛ Filisti bi ɔmɛ ba nɛ a ba ha ni gbogboe ɔmɛ a he níhi ɔ, a na Saul kɛ e binyumu etɛ ɔmɛ nɛ a gbo kɛ pueɔ si ngɛ Gilboa yo ɔ nɔ.

Lahi 4:4

O kuɛ ngɛ legelege, nɛ e ngɛ tlotlootlo; kuɛ ní nɛ kplaa si ngɛ he ɔ ngɛ kaa David mɔ ɔ nɛ tsɛ̃i akpe kplaa si ngɛ he kɛ kpe.

Yesaya 21:5

I na ngɛ nina a mi kaa a tsɛ ní yemi ko; nihi hii si ngɛ kuutuhi a nɔ kɛ ngɛ ní yee, nɛ a ngɛ ní nue. Tlukaa a, a nu nɛ a fa ke, “Ganɔhi! Nyɛɛ te si, nɛ nyɛɛ pɔ nyɛ tsɛ̃i ɔmɛ a he nu!”

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

Ezekiel 31:15

Bɔ nɛ Nyɔmtsɛ Yawɛ ngɛ dee ji, “Ligbi ɔ nɛ tso ɔ ma ya su gbeje ɔ, ma ha pahi nɛ ngɛ zugba a sisi ɔ maa ha e nɔ; a maa pee ja kɛ tsɔɔ kaa a ngɛ ya nyɛe ha lɛ. Ma tsi pa amɛ a nya nɛ a ko be hu, nɛ pa wawi, kɛ nyu dɔ ɔmɛ maa ta. Akɛnɛ tso ɔ gbo he je ɔ, ma ha diblii maa wo ngɛ Lebanon yo ɔmɛ a nɔ; pu mi tso ɔmɛ tsuo ma ngla.

Yoel 1:9

Niye ní kɛ wai nɛ a kɛ ba sãã bɔɔ se po ngɛ Yawɛ we ɔ mi; lɔ ɔ he ɔ, osɔfo ɔmɛ nɛ sɔmɔɔ ngɛ Yawɛ we ɔ ngɛ kɔmɔ yee.

Yoel 2:14

Alini, Yawɛ, nyɛ Mawu ɔ, ma tsake e susumi ngɛ nyɛ he, nɛ e maa gbaa nyɛ kɛ niba ní babauu. Ke e ba mi ja a, nyɛ maa sã niye ní bɔ ha lɛ, nɛ nyɛ maa ngɔ wai kɛ piɛ he.

Manyadali 5:23

Yawɛ bɔfo ɔ de ke, “Nyɛɛ gbiɛ Meroz; nyɛɛ gbiɛ ma mi bi ɔmɛ wawɛɛ! Ejakaa a bɛ nɛ a ba piɛ Yawɛ he benɛ e kɛ he nyɛli ɔmɛ ngɛ hwue ɔ.”

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.

Samuel I, 31:1

Ligbi ko ɔ, Filisti bi ɔmɛ, kɛ Israel bi ɔmɛ hwu ta ngɛ Gilboa yo ɔ nɔ. A gbe Israel bi ɔmɛ babauu nitsɛ ngɛ lejɛ ɔ, nɛ Saul, kɛ e binyumu ɔmɛ, kɛ ni nɛmɛ nɛ piɛ ɔ tu fo.

Samuel I, 31:8

E nɔ jena benɛ Filisti bi ɔmɛ ba nɛ a ba ha ní ngɛ ni gbogboe ɔmɛ a he ɔ, a na Saul kɛ e binyumu etɛ ɔmɛ nɛ a gbo fɔɔ si ngɛ Gilboa yo ɔ nɔ.