Samuel I, 9:2 - BAIBLO ALOO NGMAMI KLƆUKLƆU Ɔ

² Kish ngɛ binyumu ko nɛ a tsɛɛ lɛ Saul. E ji niheyo nɛ he ngɛ fɛu saminya, nɛ nyumu ko nyumu ko be Israel nɛ ka, nɛ e he hu ngɛ fɛu kɛ lɛ sɔ.

Samuel I, 9:2 ပူးပေါင်းရင်းမြစ်များ

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”

Mose IV, 13:33

Benɛ wa na oblai agboagbo ɔmɛ, nɛ ji Anak bi ɔmɛ, nɛ wa ngɔ wa he ngɔ to a he ɔ, wa pee tsɔwitsɔwi kaa adodohi; nɛ jã kɛ̃ wa ngɛ ngɛ mɛ hu a hɛ mi.”

Mose I, 6:2

Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Samuel I, 17:4

Kɛkɛ nɛ tatsɛ kpanaa ko je Filisti bi ɔmɛ a ta a mi kɛ ba. A tsɛɛ lɛ Goliat; e je Gat, nɛ e kami ji nine mi blimi nyɔngma kɛ etɛ.

Samuel I, 9:3

Ligbi ko ɔ, Saul tsɛ Kish teji komɛ laa; nɛ Kish de e bi ɔ ke, “Ngɔɔ tsɔli ɔmɛ a kpɛti nɔ kake kɛ piɛ o he nɛ o ya hla teji ɔmɛ.”

Samuel I, 10:21

Jehanɛ Samuel ha Benyamin wɛtso ɔ ba weku nya weku nya, nɛ a fɔ sɔ kɛ hla Matri weku ɔ. Nyagbe ɔ, nyumuhi nɛ je Matri weku ɔ mi hu ba kakaaka, nɛ a fɔ sɔ kɛ hla Saul, Kish binyumu ɔ. Se benɛ a ngɛ lɛ hlae ɔ, a nɛ lɛ.

Kronika I, 8:33

Ner bi ji Kish, nɛ Kish bi ji Matsɛ Saul. Saul ngɛ binyumuhi nɛ a tsɛɛ mɛ Yonatan, Malkishua, Abinadab, kɛ Eshbaal.