Samuel I, 9:16 - BAIBLO ALOO NGMAMI KLƆUKLƆU Ɔ

¹⁶ “Hwɔɔ, maa pee be nɛ ɔ mi ɔ, ma tsɔ nyumu ko nɛ je Benyamin wɛtso ɔ mi kɛ ba o ngɔ. Moo pɔ lɛ nu nɛ e ba ye ganɔ ngɛ ye ma, Israel ɔ nya, nɛ e kpɔ mɛ kɛ je Filisti bi ɔmɛ a dɛ mi, ejakaa i na a nɔ nami ɔ, nɛ i nu a kue fami ɔ hulɔ.”

Samuel I, 9:16 ပူးပေါင်းရင်းမြစ်များ

Samuel II, 3:18

Jehanɛ lɛɛ be ɔ su; nyɛ tsu he ní. Nyɛ kai kaa Yawɛ wo David si ke, ‘Ma gu ye tsɔlɔ David nine nɔ kɛ kpɔ ye ma, Israel kɛ je Filisti bi ɔmɛ, kɛ a he nyɛli ɔmɛ tsuo a dɛ mi.’ ”

Matsɛmɛ II, 20:5

e kpale e se nɛ e ya de Hezekia, Yawɛ ma a ganɔ ɔ ke, “Imi Yawɛ, o nɛ̃ David Mawu ɔ, i nu o kue fami ɔ, nɛ i na o hɛ mi vo nyu ɔ. Hyɛ, ma tsa mo, nɛ hiɛmɛ nɛ ɔ ligbi etɛ ɔ, o maa nyɛɛ kɛ ya Yawɛ we ɔ.

La 102:1

Yawɛ, i ngɛ mo tsɛe nɛ o ba piɛ ye he. Moo bu ye kue fami ɔ tue koo!

La 106:44

Se kɛ̃, benɛ e nu nɛ a ngɛ ngmlaa kpae ɔ a ní pee lɛ mɔbɔ.

La 25:18

Hyɛ ye haomi ɔ, kɛ ye nɔ́ nami ɔ, nɛ o ngɔ ye he yayami ɔmɛ tsuo kɛ pa mi.

Abɛ Womi 16:9

Nɔmlɔ adesa toɔ ga ngɛ e yi mi, se Mawu ji nɔ nɛ tsɔɔ lɛ nɔ́ nɛ sa kaa e pee.

Yeremia 32:8

Nɛ kaa bɔ nɛ Yawɛ de mi ɔ, Hanamel ba ye ngɔ ngɛ kue ɔ mi nɛ e ba de mi ke ma he e zugba a nɛ ngɛ Anatot ngɛ Benyamin zugba a mi ɔ. Hanamel de mi ke imi lɛ i ngɛ he blɔ nɛ i kpɔɔ zugba a kɛ peeɔ ye weto ní, lɔ ɔ he ɔ, ma he zugba a. Kɛkɛ nɛ i na kaa Yawɛ kɛ mi tu munyu niinɛ.

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.

Samuel I, 14:20

Kɛkɛ nɛ Saul kɛ e we bi ɔmɛ tsuo bua a he nya kɛ ya sɛ ta a mi; se basabasa a ha Filisti bi ɔmɛ wo klaate nɔ ngɛ mɛ nitsɛmɛ a sibi a nɔ.

Samuel I, 14:23

kɛ ya po mi ngɛ Bet Aven tɔɔ. Yawɛ he Israel yi wami jamɛ a ligbi ɔ.

Samuel I, 15:1

Samuel de Saul ke, “Imi lɛ Yawɛ tsɔ nɛ i ba pɔ mo nu kɛ wo mo tsɛ ngɛ Israel ɔ nɛ.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Samuel I, 16:3

Moo kpee Ishai kɛ ba bɔ sami ɔ, nɛ ma tsɔɔ mo nɔ́ nɛ o pee. O maa pɔ nɔmlɔ nɛ ma tsɔɔ mo ɔ nu, nɛ o wo lɛ matsɛ ha mi.”