Samuel I, 9:12 - BAIBLO ALOO NGMAMI KLƆUKLƆU Ɔ

^12-13 Yiwi ɔmɛ he nɔ ke, “Ee, e ngɛ; lɛ nɛ e ngɛ nyɛ hɛ mi kɛ yaa a nɛ. Nyɛɛ nyɛɛ esɔesɔ; ke nyɛ sɛ ma a mi pɛ nyɛ maa na lɛ. Piɔ pɛ nɛ e ba ma a mi, ejakaa ni ɔmɛ ba konɛ a ba sã bɔ ngɛ jami he ɔ; nɛ ja e su lejɛ ɔ nɛ e gbaa bɔ ɔ nɔ loko ni nɛmɛ nɛ a kpee ɔ maa ye ní ɔ. Ke nyɛ he sɔ ɔ, nyɛ ma ya ná lɛ loko e maa ya jami he ɔ nɛ e ya ye ní ngɛ lejɛ ɔ.”

Samuel I, 9:12 ပူးပေါင်းရင်းမြစ်များ

Mose I, 31:54

Yakob gbe lohwe nɛ e kɛ sã bɔ ngɛ yoku ɔ nɔ. E tsɛ e nyɛmimɛ ɔmɛ ní yemi; benɛ a ye ní ɔ gbe nya a, a hi yoku ɔ nɔ nyɔ ɔ mi tsuo.

Samuel I, 16:2

Se Samuel de ke, “Kɛ ma plɛ kɛ ya kɛɛ? Ke Saul nu he ɔ, e maa gbe mi.” Yawɛ ha heto ke, “Moo hɛɛ na bi kɛ to dɛ, nɛ o de ke, ‘I ba nɛ ma ba sã bɔ ha Yawɛ.’

Samuel I, 10:5

Lɔ ɔ se ɔ, nyɛ maa ya Mawu yo ɔ nɔ ngɛ Gibea, he nɛ Filisti bi ɔmɛ a ta a pueɔ si ngɛ ɔ. Nyɛ ma a mi sɛmi pɛ nyɛɛ kɛ gbali a kuu ko maa kpe nɛ a kple si kɛ je yoku ɔ nɔ kɛ ma kɛ a dɛ mi kpa saku, miɛ, kɛ bɛ. Nyɛ maa na kaa a ngɛ doe, nɛ a ngɛ huhui kpae.

Kronika I, 16:39

Osɔfo Zadok, kɛ e nyɛmimɛ osɔfo ɔmɛ lɛɛ e ha mɛ ní tsumi ngɛ Yawɛ kpe he bo tsu ɔ nɛ ngɛ Gibeon ɔ mi.

Samuel I, 7:17

Lɔ ɔ se ɔ, e kpaleɔ kɛ baa e ma mi Rama, nɛ e ba kojoɔ ngɛ lejɛ ɔ hulɔ. E ma bɔ sami la tɛ hu ha Yawɛ ngɛ Rama.

Samuel I, 2:35

Ma hla osɔfo ko nɛ maa ye mi anɔkuale; nɛ lɛ ji nɔ nɛ maa pee níhi nɛ ngɛ ye tsui nɔ, kɛ níhi nɛ ngɛ ye juɛmi mi ɔ ha mi. Ma bɔ we saminya ha lɛ, nɛ a ma sɔmɔ ngɛ ye matsɛ ɔ nɛ i pɔ lɛ nu ɔ e hɛ mi daa.

Samuel I, 20:6

Ke o tsɛ bi ye si ɔ, de lɛ ke, ‘David bi mi blɔ wawɛɛ ke e maa po e he bɔɔ kɛ ya e ma mi ngɛ Betlehem nɛ e ba; ejakaa a ngɛ jeha bɔ sãe ngɛ lejɛ ɔ kɛ ha weku ɔ tsuo.’