Samuel I, 8:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, moo pee ha mɛ kaa bɔ nɛ a ngɛ hlae ɔ, se mohu o ka a hɛ mi saminya, nɛ o tsɔɔ mɛ nɛ a le bɔ nɛ matsɛ nɛ maa ye a nɔ ɔ, kɛ ma a maa hi si ha.”

Samuel I, 8:9 ပူးပေါင်းရင်းမြစ်များ

Yeremia 11:7

Benɛ i je a nɛmɛ ɔmɛ kɛ je Egipt zugba a nɔ ɔ, i ka a hɛ mi saminya nɛ i de mɛ ke a bu mi tue. Kikɛ nɛ ɔ nɔuu i ngɛ ma a hɛ mi kae kɛ ba si mwɔnɛ ɔ.

Ezekiel 3:18

Ke i de ke yayami peelɔ ko ma gbo, nɛ o bɔɛ lɛ kɔkɔ, nɛ o tui munyu kɛ tsɔɔ we lɛ, konɛ e tsake nɛ e he e yi wami ɔ, jamɛ a yayami peelɔ ma gbo ngɛ e yayami ɔmɛ a he lɛɛ, se ma bi e muɔ si ngɛ o dɛ.

Ezekiel 46:18

Ganɔ ɔ nɛ ngɔ lɛ nitsɛ e blɔ fami nɔ́ kɛ ha e bimɛ; se ye ma mi bi ɔmɛ lɛɛ a ko kpɔ nɔ ko weto ní ngɛ e dɛ.”

Samuel I, 10:25

Jehanɛ Samuel tsɔɔ ma a bɔ nɛ matsɛ yemi ɔ blɔ nya tomi ngɛ ha, matsɛ ɔ blɔ nya nɛ e hɛɛ, kɛ e ní tsumi. E ngma nɔ́ nɛ ɔ kɛ wo womi mi, nɛ e ngɔ ya fɔ Yawɛ hɛ mi. Lɔ ɔ se ɔ, Samuel ha ma a nane, nɛ nɔ tsuaa nɔ ho e we mi ya.

Samuel I, 12:1

Jehanɛ Samuel de Israel tsuo ke, “Nɔ́ nɛ nyɛ bi mi ɔ, i pee ha nyɛ; i wo matsɛ ha nyɛ.

Samuel I, 14:52

Saul be ɔ mi ɔ, daa nɛ ɔ, Israel bi ɔmɛ, kɛ Filisti bi ɔmɛ ngɛ ta nɛ nya wa hwue. Lɔ ɔ he ɔ, be tsuaa be nɛ Saul na nyumu oblai, loo katsɛ ko pɛ e ngɔ lɛ ngɔ piɛ e he.

Samuel I, 2:13

loo blɔ nya tomi nɛ ngɛ kɛ ha osɔfo ɔmɛ a blɔ fa mi ní nɛ sa kaa a he ngɛ ma a dɛ ɔ. Mohu ɔ, ke nɔ ko ba ngɛ bɔ sãe ɔ, osɔfo ɔ tsɔlɔ ɔ maa ba kɛ e dɛ mi gbowe kɛ e nya gbla etɛ. Nɛ benɛ a ngɛ lo ɔ hooe ɔ,

Samuel I, 8:8

Kɛ je be mi nɛ i je mɛ kɛ je Egipt ɔ, a je ye se ya ngɛ mawu kpahi jae. Nɔ́ nɛ a pee mi ɔ, lɔ ɔ a ngɛ mo hu pee ɔ nɛ.