Samuel I, 8:7 - BAIBLO ALOO NGMAMI KLƆUKLƆU Ɔ

⁷ nɛ Yawɛ de lɛ ke, “Nɔ́ tsuaa nɔ́ nɛ ma a bi mo ɔ, moo pee ha mɛ. Pi mo nɛ a kua a; imi mohu nɛ a kua ke ma ko ye a nɔ matsɛ ɔ nɛ.

Samuel I, 8:7 ပူးပေါင်းရင်းမြစ်များ

Mose II, 16:8

Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

Yesaya 66:4

Lɔ ɔ he ɔ, imi hu ma ha amanehlu nɛ a ngɛ gbeye yee ɔ maa ba a nɔ. Ejakaa i tsɛ mɛ, se nɔ ko nɔ ko he we nɔ; i tu munyu, se a bui tue fɛɛ. Yayami mohu a pee ngɛ ye hɛ mi; nɛ níhi nɛ sɛ ye hɛ mi ɔ, lɔ ɔmɛ mohu a he a nya.”

Yeremia 34:14

daa jeha kpaago ɔ, a ti nɔ tsuaa nɔ nyɛmi Hebri no nyɔguɛ ko nɛ sɔmɔ lɛ jeha ekpa a, e ha nɛ e ye e he. Se nyɛ nɛmɛ ɔmɛ bui mi tue fɛɛ, nɛ munyu nɛ i kɛ mɛ tu ɔ hu a ngɔɛ.

Ezekiel 2:3

E de mi ke, “Nɔmlɔ adesa, ma tsɔ mo kɛ ya Israel bi ɔmɛ a ngɔ. A nɛmɛ ɔmɛ tsɔ atuã, nɛ a kua mi; nɛ mɛ hu a pee a he atuã tsɔli, nɛ a ngɛ ye nɔ tɔe kɛ mwɔɔ.

Ezekiel 3:7

Se Israel ma a be suɔe kaa a maa bu mo tue, ejakaa imi tete po, a sume kaa a maa bu mi tue. Ma a tsuo pɛpɛɛpɛ a tue wa, nɛ a tsɔɔ atuã.

Mose IV, 22:20

Jamɛ a nyɔ ɔ mi ɔ, Mawu ba Balaam ngɔ, nɛ e ba de lɛ ke, “Ke nimli nɛ ɔmɛ ba nɛ́ a ba kpee mo kɛ ho ɔ, tee si nɛ o kɛ mɛ nɛ ya. Se mohu, nɔ́ nɛ ma de mo ɔ, lɔ ɔ o pee.”

Mateo 10:40

“Nɔ tsuaa nɔ nɛ heɔ nyɛ ɔ, imi e ngɛ hee ɔ nɛ; nɛ nɔ nɛ heɔ mi ɔ, nɔ nɛ tsɔ mi ɔ lɛ e ngɛ hee ɔ nɛ.

Luka 10:16

Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Luka 19:14

Se e ma mi bi ɔmɛ sume lɛ. Lɔ ɔ he ɔ, a tsɔ nihi kɛ fie e se ke a ya de ke, ‘Wa sume nɛ nyumu nɛ ɔ ba ye wa nɔ matsɛ.’

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Yohane 13:16

I ngɛ nyɛ dee anɔkuale mi ke nyɔguɛ pã we e nyɔmtsɛ, nɛ tsɔlɔ hu pã we nɔ nɛ tsɔ lɛ ɔ.

Manyadali 8:23

Gideon de mɛ ke, “I be nyɛ nɔ yee, nɛ ye binyumu ko hu be nyɛ nɔ yee; Yawɛ nitsɛ ji nɔ nɛ maa ye nyɛ nɔ.”

Samuel I, 10:19

Imi ji nyɛ Mawu nɛ jeɔ nyɛ kɛ jeɔ haomi, kɛ nɔ́ nami tsuo mi. Se mwɔnɛ ɔ, nyɛ kua mi, nɛ nyɛ bi ke ma ha nyɛ matsɛ. Yoo, nyɛ ba bua nyɛ he nya wɛtso nya wɛtso nya, kɛ weku nya weku nya ngɛ Yawɛ hɛ mi.’ ”

Samuel I, 12:1

Jehanɛ Samuel de Israel tsuo ke, “Nɔ́ nɛ nyɛ bi mi ɔ, i pee ha nyɛ; i wo matsɛ ha nyɛ.

Samuel I, 12:12

Se benɛ nyɛ na kaa Amon matsɛ, Nahash ma nyɛ tuami ɔ, nyɛ de mi ke, ‘Dɛbi, ja wa ná matsɛ nɛ e ye wa nɔ,’ be mi nɛ Yawɛ, nyɛ Mawu ɔ ji nyɛ matsɛ.

Samuel I, 8:22

Yawɛ de lɛ ke, “Moo bu mɛ tue nɛ o wo matsɛ ha mɛ.” Enɛ ɔ se ɔ, Samuel ha Israel bi ɔmɛ nane, nɛ nɔ tsuaa nɔ kpale kɛ ho e ma mi ya.

Samuel I, 8:8

Kɛ je be mi nɛ i je mɛ kɛ je Egipt ɔ, a je ye se ya ngɛ mawu kpahi jae. Nɔ́ nɛ a pee mi ɔ, lɔ ɔ a ngɛ mo hu pee ɔ nɛ.