Samuel I, 8:4 - BAIBLO ALOO NGMAMI KLƆUKLƆU Ɔ

⁴ Enɛ ɔ he je ɔ, Israel ma nimeli ɔmɛ ba Rama, nɛ a kɛ Samuel ba pee kpe,

Samuel I, 8:4 ပူးပေါင်းရင်းမြစ်များ

Samuel II, 3:17

Abner tsɛ Israel nimeli ɔmɛ kpe, nɛ e de mɛ ke, “Be saii ji nɛ ɔ, jinɛ nyɛ ngɛ David se blɔ hlae nɛ nyɛɛ wo lɛ matsɛ.

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Mose II, 24:1

Yawɛ de Mose ke, “O kɛ Aaron, Nadab, Abihu, kɛ Israel ma nimeli ɔmɛ a kpɛti ni nyingmi kpaago nɛ kuɔ kɛ ba ye ngɔ. Be nɛ nyɛ ngɛ tsitsaa lokoo kɛ ma a, nyɛ kpla si nɛ nyɛ ja mi.

Mose II, 3:16

Yaa nɛ o ya bua Israel ma nimeli ɔmɛ a nya, nɛ o de mɛ ke, Yawɛ, Mawu ɔ nɛ nyɛ nɛmɛ Abraham, Isak, kɛ Yakob ja lɛ ɔ je e he kpo tsɔɔ mi, nɛ e de mi ke, ‘I na nɔ́ nɛ a ngɛ nyɛ pee ngɛ Egipt ɔ,

Samuel I, 1:19

E nɔ jena a, Elkana kɛ e yi ɔmɛ, kɛ e bimɛ ɔmɛ te si mla, nɛ benɛ a ja Yawɛ ta a, a kpale a se kɛ ho a we mi ya ngɛ Rama. Elkana kɛ e yo Hana na bɔmi, nɛ Yawɛ bu Hana kue fami ɔ tue.

Samuel I, 11:3

Yabesh ma nimeli ɔmɛ de lɛ ke, “Ha wɔ ligbi kpaago nɛ waa tsɔ kɛ ya Israel ma amɛ tsuo a mi. Ke wa nɛ nɔ ko nɛ ma kpɔ wɔ ɔ, lɛɛ wa ma ha yi.”

Samuel I, 7:17

Lɔ ɔ se ɔ, e kpaleɔ kɛ baa e ma mi Rama, nɛ e ba kojoɔ ngɛ lejɛ ɔ hulɔ. E ma bɔ sami la tɛ hu ha Yawɛ ngɛ Rama.

Samuel I, 8:10

Samuel ya bɔ ma a nɛ bi ke a ha mɛ matsɛ ɔ nɔ́ tsuaa nɔ́ nɛ Yawɛ de lɛ ɔ.