Samuel I, 8:20 - BAIBLO ALOO NGMAMI KLƆUKLƆU Ɔ

²⁰ kaa bɔ nɛ je ma amɛ tsuo ngɛ ɔ. Wa matsɛ ɔ maa kojo wɔ, nɛ e maa nyɛɛ wa hɛ mi kɛ hwu ta amɛ ha wɔ.”

Samuel I, 8:20 ပူးပေါင်းရင်းမြစ်များ

Samuel I, 8:5

nɛ a de lɛ ke, “O nɛ, o bwɔ, nɛ o binyumu ɔmɛ ya wo we o nane; lɔ ɔ he ɔ, moo wo matsɛ ha wɔ nɛ e ye wa nɔ kaa bɔ nɛ je ma kpa amɛ ngɛ ɔ.”

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Filipibi 3:20

Se wɔɔ lɛɛ wa ma a, hiɔwe e ngɛ; nɛ lejɛ ɔ wa ngɛ blɔ hyɛe kaa wa kpɔlɔ Nyɔmtsɛ Yesu Kristo maa je kɛ ba.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Romabi 12:12

Akɛnɛ nyɛ ngɔ nyɛ hɛ ngɔ fɔ Mawu nɔ ɔ, nyɛ bua nɛ jɔ. Ke haomi ba a, nyɛɛ to nyɛ tsui si nɛ nyɛɛ hi sɔlee daa.

Yohane 15:19

Kaa je ɔ mi bi ji nyɛ ɔ, jinɛ a ko suɔ nyɛ sane saminya, ejakaa nyɛ piɛ a he. Se nyɛɛ lɛɛ i hla nyɛ kɛ je je ɔ mi, nɛ nyɛ pi je ɔ mi bi hu; lɔ ɔ he nɛ je ɔ ngɛ nyɛ nyɛe ɔ nɛ.

La 106:35

Mohu ɔ, a ya futu je ma amɛ, nɛ a kase a ní peemi ní ɔmɛ.

Mose V, 7:6

Nyɛɛ pee ja, ejakaa Yawɛ, nyɛ Mawu ɔ hla nyɛ kɛ je nihi tsuo nɛ ngɛ je ɔ mi ɔ a kpɛti, bɔ nɛ pee nɛ nyɛɛ pee lɛ nitsɛ e ma pɔtɛɛ.

Mose IV, 23:9

I da tɛ sa amɛ a nɔ kɛ hyɛ mɛ; i na mɛ kɛ je yoku ɔmɛ a yi mi. O nɛ, ma kake mi bi ji mɛ; a kɛ a he bɔɛ ma je li ɔmɛ a he!

Mose II, 33:16

Ke o kɛ wɔ yɛ ɔ nɛɛ, kɛ a maa pee kɛ na kaa o ngɛ i kɛ o ma a wa he suɔmi kɛɛ? Ke o kɛ wɔ nyɛɛ ɔ, lɔ ɔ loko i kɛ o ma a maa je muno ngɛ zugba a nɔ je ma amɛ tsuo a he.”

Samuel I, 12:2

Amlɔ nɛ ɔ, lɛ nɛ e maa nyɛɛ nyɛ hɛ mi. Imi lɛɛ i bwɔ, nɛ ye yi bwɔmi hiɛ futaa, nɛ ye binyumuhi ngɛ nyɛ kpɛti. I nyɛɛ nyɛ hɛ mi kɛ je ye nihe mi kɛ ba si mwɔnɛ ɔ.

Samuel I, 12:12

Se benɛ nyɛ na kaa Amon matsɛ, Nahash ma nyɛ tuami ɔ, nyɛ de mi ke, ‘Dɛbi, ja wa ná matsɛ nɛ e ye wa nɔ,’ be mi nɛ Yawɛ, nyɛ Mawu ɔ ji nyɛ matsɛ.