Samuel I, 8:14 - BAIBLO ALOO NGMAMI KLƆUKLƆU Ɔ

¹⁴ E maa ngɔ nyɛ ngmɔ ɔmɛ, wai ngmɔ ɔmɛ, kɛ oliv abɔɔ kpakpa amɛ kɛ ha e mɔ mi ní tsuli ɔmɛ.

Samuel I, 8:14 ပူးပေါင်းရင်းမြစ်များ

Ezekiel 46:18

Ganɔ ɔ nɛ ngɔ lɛ nitsɛ e blɔ fami nɔ́ kɛ ha e bimɛ; se ye ma mi bi ɔmɛ lɛɛ a ko kpɔ nɔ ko weto ní ngɛ e dɛ.”

Matsɛmɛ I, 21:7

Ahab yo Yezebel bi lɛ ke, “Mo ji Israel matsɛ ɔ, aloo pi mo?” E ya nɔ de lɛ ke, “Tee si nɛ o ye ní, nɛ o ná bua jɔmi; ma ngɔ Yezreel no, Nabot wai ngmɔ ɔ kɛ ha mo!”

Matsɛmɛ I, 21:19

De lɛ ke imi Yawɛ, i ngɛ lɛ bie ke, ‘Nɛ o gbe nyumu ɔ, o ma pa ngɔ e weto ní ɔ kɛ pee o nɔ lo?’ De lɛ ke bɔ nɛ i de ji nɛ ɔ nɛ: ‘He nɛ gbe ɔmɛ lɔ Nabot muɔ ngɛ ɔ, lejɛ ɔ nɔuu a ma lɔ mo hu o muɔ ngɛ!’ ”

Samuel I, 22:7

Kɛkɛ nɛ Saul de e tsɔli ɔmɛ ke, “Nyɛ Benyamin bi, nyɛɛ bu tue! Pe nyɛ susu kaa Ishai binyumu ɔ ma ha nyɛ ti nɔ tsuaa nɔ zugba kɛ wai ngmɔ, nɛ e maa pee nyɛ tsuo kulaa asafoatsɛmɛ ngɛ nihi akpehi kɛ lafahi a nya,

Samuel I, 8:13

Nyɛ bi yi ɔmɛ hu e maa ngɔ mɛ kɛ pee e nu via peeli, ní hooli, kɛ abolo sali.

Samuel I, 8:15

E maa ngɔ nyɛ ngma, kɛ nyɛ wai ngmɔ ɔmɛ a mi dlami nyɔngmanyɔngma mi kakaaka kɛ ha e mɔ mi ní tsuli, kɛ e tsɔli.

Matsɛmɛ I, 21:2

Ligbi ko ɔ, Ahab de lɛ ke, “O wai ngmɔ ɔ ngɛ ye we ɔ kasa nya haa. Ngɔɔ kɛ ha mi nɛ ma kɛ pee pui ngmɔ. I kɛ wai ngmɔ kpa nɛ hi pe o nɔ́ ɔ ma tsake ha mo; aloo ke o suɔ ɔ, ma wo mo e he hiɔ bɔ nɛ sa.”