Samuel I, 8:11 - BAIBLO ALOO NGMAMI KLƆUKLƆU Ɔ

¹¹ E de mɛ ke, “Matsɛ ɔ nɛ ma ba ye nyɛ nɔ ɔ, bɔ nɛ e maa pee nyɛ ji nɛ ɔ nɛ. E maa ngɔ nyɛ binyumu ɔmɛ ngɔ pee e ta buli; ni komɛ maa hi e ta zugba lɛ ɔmɛ a mi, ni komɛ maa hi e ta okpɔngɔ ɔmɛ a nɔ, nɛ ni komɛ hu maa hi fo tue ngɛ ta zugba lɛ ɔmɛ a hɛ mi.

Samuel I, 8:11 ပူးပေါင်းရင်းမြစ်များ

Samuel II, 15:1

Enɛ ɔ se ɔ, Absalom ba na lɛ nitsɛ e ta zugba lɛ kɛ e he okpɔngɔhi, kɛ nyumuhi nyingmi enuɔ nɛ maa hi fo tue ngɛ e hɛ mi.

Matsɛmɛ I, 1:5

Absalom senɔ Adoniya, nɛ ji David yo, Hagit binyumu ɔ ba bɔni e he nɔ womi, nɛ e fia pɛɛ si kaa ja e ye matsɛ kokooko. Enɛ ɔ he je ɔ, e dla e he kɛ ta zugba lɛhi, okpɔngɔhi, kɛ nyumuhi nyingmi enuɔ nɛ a maa hi fo tue kɛ nyɛɛ e hɛ mi. Adoniya he ngɛ fɛu saminya; e wami be mi tsuo e tsɛ kã we e hɛ mi hyɛ.

Matsɛmɛ I, 10:26

Salomo bua ta zugba lɛhi, kɛ ta okpɔngɔhi a nya; e na ta zugba lɛ akpe kɛ e nya lafa eywiɛ, kɛ ta okpɔngɔ akpe nyɔngma kɛ enyɔ. Ta okpɔngɔ ɔmɛ ekomɛ ngɛ e ngɔ ngɛ Yerusalem, nɛ e ngɔ ekomɛ hu ya to ma kpa komɛ a mi.

Matsɛmɛ I, 12:10

Nihewi ɔmɛ de lɛ ke, “Bɔ nɛ o ma de mɛ ji nɛ ɔ nɛ: ‘Ye sekpɛ nguɛ kle pe tsaatsɛ mlɛ mi.

Matsɛmɛ I, 12:4

“O tsɛ Salomo wa wɔ yi mi wawɛɛ nitsɛ; tlomi nɛ e ngɔ kɛ tloo wɔ ɔ jiɔ tsɔ. Ke o ma ha nɛ wa tlomi ɔ nɔ ma gbɔ bɔɔ, nɛ́ wa he mi maa jɔ wɔ ɔ, lɛɛ wa ma sɔmɔ mo.”

Matsɛmɛ I, 14:27

Matsɛ Rehoboam pee akɔblee tsɛ̃ihi kɛ to a nane mi, nɛ e ngɔ mɛ ngɔ wo matsɛ we agbo nya buli ɔmɛ a nyatsɛmɛ ɔmɛ a dɛ.

Matsɛmɛ I, 18:46

Yawɛ ha Eliya he wami; e fi e tade ɔ ngɔ wo e mlɛ mi, nɛ e gbɔ fo kɛ ya be Ahab he kɛ ho Yezreel ya tɔɔ.

Samuel I, 10:25

Jehanɛ Samuel tsɔɔ ma a bɔ nɛ matsɛ yemi ɔ blɔ nya tomi ngɛ ha, matsɛ ɔ blɔ nya nɛ e hɛɛ, kɛ e ní tsumi. E ngma nɔ́ nɛ ɔ kɛ wo womi mi, nɛ e ngɔ ya fɔ Yawɛ hɛ mi. Lɔ ɔ se ɔ, Samuel ha ma a nane, nɛ nɔ tsuaa nɔ ho e we mi ya.

Samuel I, 14:52

Saul be ɔ mi ɔ, daa nɛ ɔ, Israel bi ɔmɛ, kɛ Filisti bi ɔmɛ ngɛ ta nɛ nya wa hwue. Lɔ ɔ he ɔ, be tsuaa be nɛ Saul na nyumu oblai, loo katsɛ ko pɛ e ngɔ lɛ ngɔ piɛ e he.

Samuel I, 22:7

Kɛkɛ nɛ Saul de e tsɔli ɔmɛ ke, “Nyɛ Benyamin bi, nyɛɛ bu tue! Pe nyɛ susu kaa Ishai binyumu ɔ ma ha nyɛ ti nɔ tsuaa nɔ zugba kɛ wai ngmɔ, nɛ e maa pee nyɛ tsuo kulaa asafoatsɛmɛ ngɛ nihi akpehi kɛ lafahi a nya,

Samuel I, 8:9

Lɔ ɔ he ɔ, moo pee ha mɛ kaa bɔ nɛ a ngɛ hlae ɔ, se mohu o ka a hɛ mi saminya, nɛ o tsɔɔ mɛ nɛ a le bɔ nɛ matsɛ nɛ maa ye a nɔ ɔ, kɛ ma a maa hi si ha.”