Samuel I, 8:1 - BAIBLO ALOO NGMAMI KLƆUKLƆU Ɔ

¹ Benɛ Samuel ba bwɔ ɔ, e pee e binyumu ɔmɛ kojoli ngɛ Israel,

Samuel I, 8:1 ပူးပေါင်းရင်းမြစ်များ

Nehemia 7:2

I ngɔ nihi enyɔ ngɔ to Yerusalem kaa ma a nɔ hyɛli. Mɛ ji ye nyɛmi Hanani, kɛ Hanania, mɔ nɔ hyɛlɔ nɔkɔtɔma a. Hanania yeɔ anɔkuale, nɛ e yee Mawu gbeye pe nihi tsuo.

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

Manyadali 10:4

E ngɛ binyumuhi nyingmi etɛ nɛ a hii teji nyingmi etɛ a nɔ. Jehanɛ, a ngɛ ma nyingmi etɛ ngɛ Gilead zugba a nɔ; nɛ kɛ ba si mwɔnɛ ligbi nɛ ɔ, biɛ nɛ a kɛ tsɛɔ ma amɛ ji Yair kɔpehi.

Manyadali 12:14

E ngɛ binyumuhi nyingmi eywiɛ kɛ bibinyumuhi nyingmi etɛ nɛ hii teji nyingmi kpaago a nɔ. Abdon da Israel ma a nya jeha kpaanyɔ.

Manyadali 5:10

Nyɛ nihi nɛ nyɛ hii teji yo futafutahi a nɔ! Nyɛ nɛ nyɛ hii tsu mi hami zugba bo kpakpahi a nɔ, kɛ nyɛ nane nyɛɛli tsuo, nyɛɛ fiɛ nɛ a nu!

Samuel I, 12:2

Amlɔ nɛ ɔ, lɛ nɛ e maa nyɛɛ nyɛ hɛ mi. Imi lɛɛ i bwɔ, nɛ ye yi bwɔmi hiɛ futaa, nɛ ye binyumuhi ngɛ nyɛ kpɛti. I nyɛɛ nyɛ hɛ mi kɛ je ye nihe mi kɛ ba si mwɔnɛ ɔ.