Samuel I, 7:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, Samuel nu jijɔ bi nɛ ji nyɔ nya lolo nɛ e sã lɛ mluku ɔ tsuo kaa sami bɔ kɛ ha Yawɛ. Samuel kpa Yawɛ pɛɛ kɛ ha Israel, nɛ Yawɛ bu e kue fami ɔ tue.

Samuel I, 7:9 ပူးပေါင်းရင်းမြစ်များ

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 99:6

E we osɔfohi ji Mose, kɛ Aaron. Nihi nɛ fa kue ha lɛ ɔ, Samuel piɛ a he. Mɛ tsuo a fa kue ha lɛ, nɛ e bu mɛ tue.

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Mose V, 9:26

I kpa pɛɛ ke, ‘Nyɔmtsɛ Yawɛ, mo ko kpata mo nitsɛ o ma a hɛ mi; ma nɛ ɔ, mo nitsɛ lɛ o kpɔ̃ mɛ, nɛ o je mɛ kɛ je Egipt kɛ o kɔni si wami.

Yakobo 5:16

Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

Manyadali 6:26

nɛ o ma bɔ sami la tɛ ha Yawɛ, o Mawu ɔ ngɛ tɛ sa nɛ ɔ nɔ. Lɔ ɔ se ɔ, ngɔɔ Ashera he tso ɔmɛ nɛ o ku pue si ɔ kɛ pee lɛ́, nɛ o ngɔ na ku enyɔne ɔ kɛ sã sami bɔ.”

Manyadali 6:28

Mɔtu kpla benɛ ma mi bi ɔmɛ te si ɔ, a na kaa a ywia Baal bɔ sami la tɛ ɔ, kɛ yo wɔ Ashera nɔ́ ɔ nɛ ngɛ e kasa nya a. A na hu kaa a sã na ku enyɔne ɔ ngɛ bɔ sami la tɛ nɛ a ma a nɔ;

Samuel I, 10:8

O maa sɛ ye hlami kɛ ho Gilgal ya. Ma ba na mo ngɛ lejɛ ɔ, nɛ ma sã sami bɔ, kɛ tue mi jɔmi bɔ. O maa mlɛ mi ngɛ lejɛ ɔ ligbi kpaago kɛ yaa si ma ba nɛ ma ba tsɔɔ mo nɔ́ nɛ o pee.”

Samuel I, 12:17

Anɛ pi ngma kpami be ji nɛ ɔ? Se ma tsɛ Yawɛ nɛ e ma ha hiɔwe ma si, nɛ hiɔmi maa nɛ konɛ nyɛ na nyɛɛ le kaa nyɛ pee Yawɛ yayami agbo kaa nyɛ bi ke a ha nyɛ matsɛ.”

Samuel I, 16:2

Se Samuel de ke, “Kɛ ma plɛ kɛ ya kɛɛ? Ke Saul nu he ɔ, e maa gbe mi.” Yawɛ ha heto ke, “Moo hɛɛ na bi kɛ to dɛ, nɛ o de ke, ‘I ba nɛ ma ba sã bɔ ha Yawɛ.’

Samuel I, 2:35

Ma hla osɔfo ko nɛ maa ye mi anɔkuale; nɛ lɛ ji nɔ nɛ maa pee níhi nɛ ngɛ ye tsui nɔ, kɛ níhi nɛ ngɛ ye juɛmi mi ɔ ha mi. Ma bɔ we saminya ha lɛ, nɛ a ma sɔmɔ ngɛ ye matsɛ ɔ nɛ i pɔ lɛ nu ɔ e hɛ mi daa.

Samuel I, 7:17

Lɔ ɔ se ɔ, e kpaleɔ kɛ baa e ma mi Rama, nɛ e ba kojoɔ ngɛ lejɛ ɔ hulɔ. E ma bɔ sami la tɛ hu ha Yawɛ ngɛ Rama.

Samuel I, 9:12

Yiwi ɔmɛ he nɔ ke, “Ee, e ngɛ; lɛ nɛ e ngɛ nyɛ hɛ mi kɛ yaa a nɛ. Nyɛɛ nyɛɛ esɔesɔ; ke nyɛ sɛ ma a mi pɛ nyɛ maa na lɛ. Piɔ pɛ nɛ e ba ma a mi, ejakaa ni ɔmɛ ba konɛ a ba sã bɔ ngɛ jami he ɔ; nɛ ja e su lejɛ ɔ nɛ e gbaa bɔ ɔ nɔ loko ni nɛmɛ nɛ a kpee ɔ maa ye ní ɔ. Ke nyɛ he sɔ ɔ, nyɛ ma ya ná lɛ loko e maa ya jami he ɔ nɛ e ya ye ní ngɛ lejɛ ɔ.”