Samuel I, 7:3 - BAIBLO ALOO NGMAMI KLƆUKLƆU Ɔ

³ Samuel de Israel bi ɔmɛ ke, “Ke nyɛ maa kpale ba nyɛɛ Yawɛ se niinɛ kɛ nyɛ tsui tsuo ɔ, lɛɛ nyɛ je ma se mawu ɔmɛ, kɛ yo wɔ Ashtarot ɔ kɛ je nyɛ kpɛti. Nyɛ dla nyɛ tsui mi kɛ ha Yawɛ, nɛ nyɛ sɔmɔ lɛ nɔ kake too, nɛ e ma je nyɛ kɛ je Filisti bi ɔmɛ a dɛ mi.”

Samuel I, 7:3 ပူးပေါင်းရင်းမြစ်များ

Mose I, 35:2

Kɛkɛ nɛ Yakob de e yi ɔmɛ, kɛ e bimɛ ɔmɛ, kɛ nɔ tsuaa nɔ nɛ kɛ lɛ ngɛ ɔ ke, “Nyɛ jé ma se mawu ɔmɛ nɛ ngɛ nyɛ dɛ ɔ ngɔ pue he; nyɛɛ tsukɔ nyɛ he, nɛ nyɛɛ wo tadehi nɛ a he tsɔ.

Matsɛmɛ I, 11:33

I ma pee nɔ́ nɛ ɔ, ejakaa Salomo kua mi, nɛ e ya ja Astarte, Sidon yo mawu ɔ; Kemosh, Moab mawu ɔ; kɛ Milkom, Amon mawu ɔ. Salomo gbo tue; e pee yayami, nɛ e yi ye mlaa amɛ, kɛ blɔ nya tomi ɔmɛ a nɔ kaa bɔ nɛ e tsɛ David pee ɔ.

Matsɛmɛ I, 8:48

Ke a tsake a tsui niinɛ ngɛ jamɛ a zugba a nɔ, nɛ a plɛ a hɛ mi ngɔ kpee zugba nɛ ɔ nɛ o ngɔ ha wa nɛmɛ ɔmɛ, kɛ ma nɛ ɔ nɛ o hla ngɔ to, kɛ we nɛ ɔ nɛ i po ngɔ ha mo ɔ, nɛ a fa kue ha mo ɔ,

Matsɛmɛ II, 17:39

Nyɛɛ ye imi Yawɛ, nyɛ Mawu ɔ gbeye; nɛ ma je nyɛ kɛ je nyɛ he nyɛli ɔmɛ tsuo a dɛ mi.”

Matsɛmɛ II, 23:15

Jehanɛ, bɔ sami la tɛ ɔ nɛ ngɛ Betel ɔ, kɛ jami he ɔ nɛ Nebat binyumu Yeroboam nɛ ha Israel pee yayami ɔ ma a, Yosia ku jamɛ a bɔ sami la tɛ ɔ; e mɛ jami he ɔ he la, nɛ e ywia tɛ ɔmɛ dukuduku. Amaga a nɛ a puɛ kɛ ha Ashera a hu e mɛ he la.

Kronika I, 22:19

Lɔ ɔ he ɔ, nyɛ sɔmɔ Yawɛ, nyɛ Mawu ɔ kɛ nyɛ tsui tsuo, kɛ nyɛ juɛmi tsuo. Nyɛɛ je Yawɛ we ɔ mami sisi, konɛ nyɛɛ ngɔ Yawɛ somi daka a, kɛ ní klɔuklɔu kpa amɛ tsuo nɛ a kɛ sɔmɔɔ lɛ ɔ kɛ ba ma mi.”

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika II, 19:3

Se kɛ̃ ɔ, su kpakpa komɛ ngɛ o mi; o je yo mawu Ashera amaga amɛ tsuo kɛ je zugba a nɔ, nɛ o bɔ mɔde kaa o maa pee Mawu suɔmi nya ní.”

Kronika II, 20:33

Se kɛ̃ ɔ, e hule we jami he ɔmɛ, nɛ ma a kpale we nɛ a ba nyɛɛ Yawɛ, a nɛmɛ a Mawu ɔ se kɛ a tsui tsuo.

Kronika II, 30:19

“Yawɛ, wa nɛmɛ a Mawu nɛ o naa mɔbɔ lee! Nihi tsuo nɛ a ngɛ mo jae kɛ a tsui tsuo, se kɛ̃ ɔ a he tsɔ we ɔ, ngɔɔ a he yayami ɔmɛ kɛ pa mɛ.”

Abɛ Womi 16:1

Nɔmlɔ ma nyɛ maa to nɔ́ ko he ga ngɛ e yi mi. Se kaa nɔ́ ɔ maa hi, loo e be hie ɔ, lɔ ɔ lɛɛ e ngɛ Yawɛ dɛ mi.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

Yeremia 36:3

Eko piɔ Yuda bi ɔmɛ maa nu kaa i to ye yi mi kaa ma kpata a hɛ mi, nɛ a maa kpale kɛ je a blɔ yayami ɔmɛ a nɔ. Ke a pee ja a, ma ngɔ a tɔmi ɔmɛ, kɛ a he yayami ɔmɛ kɛ pa mɛ.”

Yeremia 4:1

Yawɛ ke, “Israel bi, ke nyɛ suɔ kaa nyɛ maa kpale kɛ ba ye ngɔ ɔ, nyɛɛ ba! Ke nyɛ ma je amaga amɛ nɛ i hiee ɔ kɛ je ye hɛ mi,

Ezekiel 14:6

“Lɔ ɔ he ɔ, de Israel bi ɔmɛ ke bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ: nyɛɛ kpale kɛ je nyɛ we amaga amɛ a se kɛ ba; nɛ nyɛɛ ngmɛɛ ni hiemi ní ɔmɛ tsuo a he.

Ezekiel 18:31

Yayamihi tsuo nɛ nyɛ pee kɛ si mi ɔ, nyɛ sake mɛ ngɔ pue he. Nyɛ tsake, nɛ́ nyɛ na juɛmi he, kɛ tsui he. Israel ma, mɛni he je nyɛ ngɛ hlae nɛ nyɛ hɛ mi nɛ kpata a?

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Mateo 15:8

‘Nimli nɛ ɔmɛ ɔ, a nya mi munyu kɛkɛ a kɛ woɔ ye hɛ mi nyami; se a tsui mi lɛɛ, a sume mi saasaa.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Mateo 6:24

“Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Luka 4:8

Yesu he nɔ ke, “A ngma ke, ‘Já Nyɔmtsɛ, o Mawu ɔ, nɛ o sɔmɔ lɛ pɛ.’ ”

Yohane 4:24

Mawu ɔ, Mumi ji lɛ, nɛ nihi nɛ jaa lɛ ɔ, ja a ja lɛ ngɛ mumi kɛ anɔkuale mi.”

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose V, 13:4

Nyɛɛ nyɛɛ Yawɛ, nyɛ Mawu ɔ se, nɛ nyɛɛ ye lɛ pɛ gbeye; nyɛɛ bu lɛ tue, nɛ nyɛɛ ye e mlaa amɛ a nɔ; nyɛ ja lɛ, nɛ nyɛɛ ye lɛ anɔkuale.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Yoshua 13:31

Gilead ma a fa, kɛ Ashtarot kɛ Adrei ngɛ zugba nɛ a ngɔ kɛ ha Manase wɛtso fa a mi. Ma nguahi nɛ ngɛ Bashan matsɛ, Og nɔ yemi he ɔ ji ma nɛ ɔmɛ. A ngɔ ma nɛ ɔmɛ tsuo ngɔ ha Manase binyumu Makir nina fa a we puɔ nya we puɔ nya.

Yoshua 24:14

Yoshua ya nɔ nɛ e de ke, “Lɔ ɔ he ɔ, nyɛɛ ye Yawɛ gbeye, nɛ nyɛ sɔmɔ lɛ saminya ngɛ anɔkuale mi. Nyɛ je mawu ɔmɛ nɛ nyɛ nɛmɛ ɔmɛ ja ngɛ Mesopotamia kɛ Egipt ɔ ngɔ pue he, nɛ nyɛ sɔmɔ Yawɛ pɛ.

Yoshua 24:23

Yoshua kɛ fɔ a hɛ mi ke, “Ke jã a, lɛɛ nyɛ je ma se mawu ɔmɛ ngɔ hɛ pue he, nɛ nyɛɛ wo si kaa nyɛ maa ye Yawɛ, Israel Mawu ɔ anɔkuale.”

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.

Manyadali 10:6

Israel ma a pee yayami kɛ si Yawɛ ekohu. A ya sɔmɔ Baalhi, Ashtarot, kɛ Siria, Sidon, Moab, Amon, kɛ Filisti bi ɔmɛ a mawu ɔmɛ. Se Yawɛ nitsɛ lɛɛ a kua lɛ, nɛ a kpa lɛ sɔmɔmi.

Manyadali 2:11

Israel bi ɔmɛ pee yayami kɛ si Yawɛ nɛ a ya sɔmɔ Baalhi.

Manyadali 2:13

Akɛnɛ a je Yawɛ se, nɛ a ya sɔmɔ Baal kɛ Ashtarot he je ɔ,

Samuel I, 31:10

Lɔ ɔ se ɔ, a ngɔ e ta hwumi ní ɔmɛ ya to yo mawu ɔ nɛ a tsɛɛ Ashtarot ɔ we ɔ, nɛ a kɛ e nɔmlɔ tso ɔ ya kpla Bet Shan gbogbo ɔ he.