Samuel I, 7:1 - BAIBLO ALOO NGMAMI KLƆUKLƆU Ɔ

¹ Kiriat Yearim bi ɔmɛ ba nɛ a ba ngɔ Yawɛ somi daka a kɛ ho nyumu ko nɛ a tsɛɛ lɛ Abinadab ɔ we mi ya, ngɛ yoku ko nɔ. A wo e binyumu Eleazar osɔfo, konɛ e hyɛ Yawɛ somi daka a nɔ.

Samuel I, 7:1 ပူးပေါင်းရင်းမြစ်များ

Kronika I, 13:3

Kɛkɛ ɔ, wa ma ya ngɔ Mawu somi daka a kɛ ba; ejakaa kɛ je be nɛ Saul ba bɔni tsɛ yemi ɔ, wa ya bi we si.”

La 132:6

Wa nu somi daka a he ngɛ Betlehem, nɛ wa ya na ngɛ Yearim ngmɔ ɔmɛ a mi.

Yesaya 52:11

Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.

Yoshua 18:14

Kɛ je yo ɔ beleku je ɔ, huzu ɔ gba kɛ gu he kpa. E ka e yi si kɛ ya gu leneyi je hluu kɛ ya su Kiriat Baal ngɛ Yuda wɛtso ɔ nɔ́ ɔ mi. Kiriat Baal biɛ kpa ji Kiriat Yearim. Bonyoku je huzu ɔ ji nɛ ɔ nɛ.

Yoshua 9:17

Enɛ ɔ he je ɔ, Israel bi ɔmɛ hia kɛ je he nɛ a ngɛ ɔ, nɛ ligbi etɛ se ɔ, a ba su ma amɛ a mi he nɛ ni ɔmɛ je kɛ ba na mɛ ɔ. Ma amɛ ji Gibeon, Kefira, Beerot, kɛ Kiriat Yearim.

Samuel I, 6:21

A tsɔ nihi kɛ ho Kiriat Yearim bi ɔmɛ a ngɔ ya ya de mɛ ke, “Filisti bi ɔmɛ kpale Yawɛ somi daka a kɛ ba. Lɔ ɔ he ɔ, nyɛɛ ba nɛ nyɛ ba ngɔ kɛ ho.”

Samuel I, 7:2

Yawɛ somi daka a hi Kiriat Yearim be babauu, maa pee jeha nyingmi enyɔ sɔuu. Nɛ Israel tsuo fa kue kɛ bi yemi kɛ buami ngɛ Yawɛ ngɔ.