Samuel I, 6:9 - BAIBLO ALOO NGMAMI KLƆUKLƆU Ɔ

⁹ Lɔ ɔ se ɔ, nyɛɛ hi lɛ hyɛe; ke e ba mi kaa tlɔɔke ɔ nyɛɛ tɛ̃ɛ̃ kɛ ya su lɛ nitsɛ e zugba a nɔ ngɛ Bet Shemesh ɔ, lɛɛ Israel Mawu ɔ ji nɔ nɛ kɛ amanehlu nguaa nɛ ɔ ba wa nɔ ɔ nɛ. Se ke e pee we ja a, lɛɛ wa maa na kaa tsa pi lɛ nɛ e gbla wa tue, se mohu matahu kɛkɛ nɛ ba po wɔ.”

Samuel I, 6:9 ပူးပေါင်းရင်းမြစ်များ

Samuel II, 1:6

Niheyo ɔ he nɔ ke, “I ya je Gilboa yo ɔ nɔ tlukaa, nɛ i na Saul nɛ e buu si ngɛ e we akplɔ ɔ nɔ. E he nyɛli ɔmɛ a ta zugba lɛ ɔmɛ, kɛ a we okpɔngɔ nɔ hili ɔmɛ su e he haa.

Matsɛmɛ I, 4:9

Bendeker nɔ́ mi ji Makaz, Shaalbim, Bet Shemesh, Elon, kɛ Bet Hanan.

Kronika II, 25:21

Lɔ ɔ he ɔ, Israel matsɛ, Yehoash hia nɛ e kɛ Yuda matsɛ Amazia ya bua ngɛ ta nga nɔ, ngɛ Yuda ma a nɛ a tsɛɛ Bet Shemesh ɔ.

Mose II, 8:15

Se benɛ Farao ɔ na mumi wo he bɔɔ ɔ, e kplii e tsui ekohu, nɛ kaa bɔ nɛ Yawɛ de ɔ, e bui mɛ tue.

Fiɛlɔ 9:11

Nɔ́ kake hu nɛ i na ngɛ je nɛ ɔ mi ji: tsa pi nihi nɛ le fo tumi wawɛɛ ji nihi nɛ yeɔ kekleekle blɔ he be tsuaa be; pi katsɛmɛ ji ni nɛmɛ nɛ yeɔ kunimi ngɛ ta mi daa. Pi ní leli tsuo a dɛ nɛ niye ní ngɛ; pi juɛmitsɛmɛ tsuo ji matsɛmɛ, nɛ gali hu, pi mɛ tsuo nɛ a hɛ mi baa nyami. Haomi baa mɛ tsuo a nɔ fiee.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!

Luka 10:31

Tlukaa a, osɔfo ko hu ya gu jamɛ a blɔ ɔ nɔ kɛ yaa; se benɛ e na nyumu ɔ, e tsɔ e he kɛ be.

Yoshua 15:10

Jehanɛ, huzu ɔ lɔgɔ Baala bonyoku je kɛ ho Seir yo ɔ he ya, nɛ e bɔle Yearim yo ɔ, (Yearim yo ɔ biɛ kpa ji Kesalon). Huzu ɔ kple si kɛ ya su Bet Shemesh, kɛ ya gu Timna.

Yoshua 21:16

Ain, Yuta, Bet Shemesh, kɛ a he lohwe lɛmi zugbahi. E peeɔ ma nɛɛ ngɛ Yuda kɛ Simeon wɛtso ɔmɛ a mi.

Samuel I, 6:10

Ni ɔmɛ pee kaa bɔ nɛ a de mɛ ɔ; a ya nu na nyɔ hali enyɔ, nɛ a fi mɛ kɛ wo tlɔɔke ɔ he. Se na bi ɔmɛ lɛɛ a nga a yi wo tsu mi.

Samuel I, 6:12

Kɛkɛ nɛ na amɛ ma Bet Shemesh blɔ ɔ nɔ tɛ̃ɛ̃ kɛ ho; a gba we a hiɔ nɔ, loo a muɔ nɔ; nɛ benɛ a yaa a tsuo a ngɛ pɛe muu muu ngɛ blɔ ɔ nɔ. Filisti matsɛmɛ enuɔ ɔmɛ nyɛɛ a se kɛ ya si Bet Shemesh huzu ɔ nya.

Samuel I, 6:3

A he nɔ ke, “Ke nyɛɛ kɛ Israel Mawu ɔ somi daka a maa ya a, nyɛɛ kɛ lɛ ko ya dɛ gu; e hia doo kaa nyɛɛ ngɔ fɔ yemi bɔ kɛ ya nɛ nyɛ ya kpata lɛ. Ke nyɛ pee ja loko nyɛ ma na he wami, kɛkɛ nyɛ maa le nɔ́ nɛ he je nɛ Mawu ngɛ nyɛ tue gblae ɔ.”