Samuel I, 6:4 - BAIBLO ALOO NGMAMI KLƆUKLƆU Ɔ

⁴ Ma a bi ke, “Mɛni fɔ yemi bɔ waa kɛ maa ya a?” Nɛ a ha heto ke, “Sika tsu tslɔɔ enuɔ, kɛ sika tsu kɔkue enuɔ, ngɛ Filisti matsɛmɛ ɔmɛ a hiɛmi nya; ejakaa haomi kake ɔ nɔuu lɛ ba nyɛɛ kɛ nyɛ matsɛmɛ enuɔ ɔmɛ tsuo nyɛ nɔ ɔ nɛ.

Samuel I, 6:4 ပူးပေါင်းရင်းမြစ်များ

Mose II, 12:35

Israel bi ɔmɛ pee kaa bɔ nɛ Mose de mɛ ɔ; a ya ba june ní, sika hiɔ, sika tsu, kɛ bohi ngɛ Egipt bi ɔmɛ a dɛ.

Yoshua 13:3

kɛ Avim zugba a tsuo nɛ ngɛ leneyi je ɔ. Zugba a nɛ ngɛ kɛ je Shihor pa a he ngɛ Egipt bi ɔmɛ a huzu ɔ nya a, kɛ ba be kɛ ho Ekron ya ngɛ omleyi je ɔ, a buu jamɛ a zugba a kaa Kanaan bi a zugba. Filisti bi ɔmɛ a matsɛmɛ ɔmɛ hi ma nɛ ɔmɛ a mi: Gaza, Ashdod, Ashkelon, Gat, kɛ Ekron.

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

Manyadali 3:3

Je ma amɛ ji Filisti bi a matsɛmɛ enuɔ ɔmɛ, Sidon bi, kɛ Hiv bi nɛ ngɛ Lebanon yo ɔmɛ a nɔ kɛ je Baal Hermon yo ɔ he kɛ ya si Hamat yo kpɛ blɔ ɔ nya.

Samuel I, 5:12

Ni nɛmɛ nɛ gbo we ɔ po, tslɔɔ fuu mɛ; nɛ ma a kpa bubuubui kɛ ba yemi kɛ buami ngɛ a wɔ ɔmɛ a dɛ mi.

Samuel I, 5:6

Yawɛ gbla Ashdod bi ɔmɛ a tue wawɛɛ nitsɛ, nɛ e kɛ tslɔɔ kpata a kɛ a huza a nɔ bi ɔmɛ tsuo a hɛ mi.

Samuel I, 5:9

Se benɛ daka a ya su Gat ɔ, Yawɛ gbla ma a tue. E ha tslɔɔ fuu ma mi bi ɔmɛ tsuo, jokuɛwi kɛ nikɔtɔmahi; nɛ sawale nu nɔ tsuaa nɔ.

Samuel I, 6:5

Lɔ ɔ he ɔ, nyɛɛ pee sika tsu tslɔɔ nɛ ɔmɛ, kɛ sika tsu kɔkue nɛ ɔmɛ nɛ daa si ha kɔkuehi nɛ ba ngɛ nyɛ zugba a hɛ mi kpatae ɔ, konɛ nyɛ ya wo Israel Mawu ɔ hɛ mi nyami kaa, alini e maa jɔɔ nyɛɛ kɛ nyɛ wɔ ɔmɛ, kɛ nyɛ zugba a tue gblami lo.

Samuel I, 6:8

Nyɛ wo Yawɛ somi daka a kɛ ma tlɔɔke ɔ mi, nɛ sika tsu ní ɔmɛ nɛ nyɛɛ kɛ ma ha Yawɛ kaa fɔ yemi bɔ ɔ, nyɛɛ ngɔ mɛ kɛ wo daka ko mi kɛ ma somi daka a kasa nya. Nyɛɛ ngɔ tlɔɔke ɔ ngɔ ma blɔ ɔ nɔ, nɛ lɛ nitsɛ e ho.