Samuel I, 6:3 - BAIBLO ALOO NGMAMI KLƆUKLƆU Ɔ

³ A he nɔ ke, “Ke nyɛɛ kɛ Israel Mawu ɔ somi daka a maa ya a, nyɛɛ kɛ lɛ ko ya dɛ gu; e hia doo kaa nyɛɛ ngɔ fɔ yemi bɔ kɛ ya nɛ nyɛ ya kpata lɛ. Ke nyɛ pee ja loko nyɛ ma na he wami, kɛkɛ nyɛ maa le nɔ́ nɛ he je nɛ Mawu ngɛ nyɛ tue gblae ɔ.”

Samuel I, 6:3 ပူးပေါင်းရင်းမြစ်များ

Hiob 10:2

Mawu, koo bu mi fɔ. Mɛni i pee, loko o kɛ mi ngɛ sane yee kikɛ nɛ ɔ?

Mose II, 23:15

Kekleekle nɔ́ ji Abolokplolo nyami be. Kaa bɔ nɛ i fa mo ɔ, o maa ye nyami be nɛ ɔ daa jeha ngɛ kekleekle nyɔhiɔ nɛ a tsɛɛ Abib ɔ mi; ejakaa jamɛ a be ɔ mi nɛ o je Egipt ɔ nɛ. O maa ye abolo kplolo ligbi kpaago, nɛ nɔ ko kó ba ye hɛ mi kɛ e dɛ gu.

Mose II, 34:20

O teji kekleekle bi ɔ, o maa ngɔ jijɔ kɛ dani lɛ. Ke o be suɔe nɛ o dani lɛ ɔ, lɛɛ o maa ku e kuɛ. O ma dani o bitɛte tsuaa bitɛte. Nɔ ko nɔ ko nɛ ko ba ye hɛ mi kɛ e dɛ gu.

Mose II, 8:15

Se benɛ Farao ɔ na mumi wo he bɔɔ ɔ, e kplii e tsui ekohu, nɛ kaa bɔ nɛ Yawɛ de ɔ, e bui mɛ tue.

Mose III, 5:6

nɛ é ngɔ jijɔ yo, loo apletsi yo kɛ ba sã yayami pami bɔ ha Yawɛ. Osɔfo ɔ nɛ sã bɔ ɔ ha lɛ ngɛ e yayami ɔ he.

Mose III, 6:6

Jehanɛ hu, é ngɔ agbosu nɛ kpa ko be e he, loo nɔ́ ko nɛ he jua kɛ lɛ sɔ kɛ ba ha osɔfo ɔ, nɛ e kɛ sã bɔ ha Yawɛ kaa yayami nɛ e pee ɔ nane mi tomi nɔ́.

Mose V, 16:16

“Israel ma a mi nyumu ɔmɛ tsuo kulaa nɛ a bua a he nya si etɛ ngɛ jeha mi ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Be ɔmɛ ji Hetsɔmi nyami be, Ngmakpami nyami be, kɛ Gbasisihimi nyami be. Nɔ ko nɔ ko nɛ ko ba nyami nɛ ɔ kɛ e dɛ gu.

Samuel I, 5:11

Lɔ ɔ he ɔ, mɛ hu a tsɛ Filisti matsɛmɛ ɔmɛ tsuo kpe, nɛ a de mɛ ke, “Nyɛ wo Israel Mawu ɔ somi daka a kɛ je hiɛ ɔ kɛ ya ha nɔtsɛmɛ, konɛ e ko ba gbe wɔ, kɛ wa ma mi bi ɔmɛ.” Sawale nu ma a tsuo, ejakaa gbenɔ hiɔ ɔ bɔni ní puɛmi momo.

Samuel I, 5:7

Benɛ Ashdod bi ɔmɛ na bɔ nɛ níhi ngɛ nɔ yae ha a, a de ke, “Israel Mawu ɔ ngɛ waa kɛ wa wɔ Dagon ɔ tsuo tue gblae. Wa ko ha nɛ somi daka a nɛ hi wa ngɔ hu.”

Samuel I, 5:9

Se benɛ daka a ya su Gat ɔ, Yawɛ gbla ma a tue. E ha tslɔɔ fuu ma mi bi ɔmɛ tsuo, jokuɛwi kɛ nikɔtɔmahi; nɛ sawale nu nɔ tsuaa nɔ.

Samuel I, 6:8

Nyɛ wo Yawɛ somi daka a kɛ ma tlɔɔke ɔ mi, nɛ sika tsu ní ɔmɛ nɛ nyɛɛ kɛ ma ha Yawɛ kaa fɔ yemi bɔ ɔ, nyɛɛ ngɔ mɛ kɛ wo daka ko mi kɛ ma somi daka a kasa nya. Nyɛɛ ngɔ tlɔɔke ɔ ngɔ ma blɔ ɔ nɔ, nɛ lɛ nitsɛ e ho.

Samuel I, 6:9

Lɔ ɔ se ɔ, nyɛɛ hi lɛ hyɛe; ke e ba mi kaa tlɔɔke ɔ nyɛɛ tɛ̃ɛ̃ kɛ ya su lɛ nitsɛ e zugba a nɔ ngɛ Bet Shemesh ɔ, lɛɛ Israel Mawu ɔ ji nɔ nɛ kɛ amanehlu nguaa nɛ ɔ ba wa nɔ ɔ nɛ. Se ke e pee we ja a, lɛɛ wa maa na kaa tsa pi lɛ nɛ e gbla wa tue, se mohu matahu kɛkɛ nɛ ba po wɔ.”