Samuel I, 6:21 - BAIBLO ALOO NGMAMI KLƆUKLƆU Ɔ

²¹ A tsɔ nihi kɛ ho Kiriat Yearim bi ɔmɛ a ngɔ ya ya de mɛ ke, “Filisti bi ɔmɛ kpale Yawɛ somi daka a kɛ ba. Lɔ ɔ he ɔ, nyɛɛ ba nɛ nyɛ ba ngɔ kɛ ho.”

Samuel I, 6:21 ပူးပေါင်းရင်းမြစ်များ

Samuel II, 6:2

E kɛ mɛ tsuo ho Baala ya ngɛ Yuda, konɛ a ya ngɔ Mawu somi daka a ngɛ lejɛ ɔ kɛ ba. Somi daka nɛ ɔ, a kɛ Yawɛ Tabohiatsɛ ɔ nɛ ngɛ tsɛ yee ngɛ kerub ɔmɛ a nɔ ɔ biɛ tsɛɔ lɛ.

La 78:60

E si e sihi he ɔ nɛ ngɛ Shilo ɔ, bo tsu ɔ nɛ e hi mi ngɛ e ma a kpɛti ɔ.

Yeremia 26:20

Nyumu ko hu gba ngɛ Yawɛ biɛ mi kɛ si ma nɛ ɔ, kɛ zugba a kaa bɔ nɛ Yeremia gba a pɛpɛɛpɛ. E biɛ ji Uria, Shemaya nɛ je Kiriat Yearim bi ɔ.

Yeremia 7:12

Nyɛɛ ya Shilo, kekleekle ma, he nɛ i hla kaa a ja mi ngɛ ɔ nɛ nyɛ ya hyɛ bɔ nɛ i pee lejɛ ɔ ngɛ ye ma Israel he yayami ɔmɛ a he.

Yeremia 7:14

Lɔ ɔ he ɔ, bɔ nɛ i pee Shilo ɔ, ja nɔuu ma pee imi nitsɛ ye we nɛ nyɛ ngɔ nyɛ hɛ ngɔ fɔ nɔ nɛ ɔ. Hiɛmɛ nɛ ɔ nɛ i ngɔ kɛ ha nyɛ nɛmɛ, kɛ nyɛ nitsɛmɛ ɔ, bɔ nɛ i pee Shilo ɔ, ja ma pee lɛ.

Yoshua 15:60

Ekomɛ hu ji Kiriat Baal (nɛ a tsɛɛ lɛ Kiriat Yearim ɔ), kɛ Raba. E peeɔ ma enyɔ kɛ a he kɔpehi.

Yoshua 15:9

Huzu ɔ kple si kɛ ba Neftoa pa a nya, nɛ e tsa nɔ kɛ ya na ma nɛ ngɛ Efron yo ɔ kasa nya a, nɛ e lɔgɔ kɛ ho Baala ya. (Baala biɛ kpa ji Kiriat Yearim.)

Yoshua 18:14

Kɛ je yo ɔ beleku je ɔ, huzu ɔ gba kɛ gu he kpa. E ka e yi si kɛ ya gu leneyi je hluu kɛ ya su Kiriat Baal ngɛ Yuda wɛtso ɔ nɔ́ ɔ mi. Kiriat Baal biɛ kpa ji Kiriat Yearim. Bonyoku je huzu ɔ ji nɛ ɔ nɛ.

Yoshua 9:17

Enɛ ɔ he je ɔ, Israel bi ɔmɛ hia kɛ je he nɛ a ngɛ ɔ, nɛ ligbi etɛ se ɔ, a ba su ma amɛ a mi he nɛ ni ɔmɛ je kɛ ba na mɛ ɔ. Ma amɛ ji Gibeon, Kefira, Beerot, kɛ Kiriat Yearim.

Manyadali 18:12

nɛ a ya bua a he nya ngɛ Kiriat Yearim, ngɛ Yuda. Enɛ ɔ he ɔ, kɛ ba si mwɔnɛ ɔ, biɛ nɛ a kɛ tsɛɛ lejɛ ɔ ji Mahane Dan. E ngɛ Kiriat Yearim bonyoku je.