Samuel I, 6:17 - BAIBLO ALOO NGMAMI KLƆUKLƆU Ɔ

¹⁷ Filisti bi ɔmɛ ngɔ sika tsu tslɔɔ enuɔ ɔmɛ ya ha Yawɛ kaa fɔ yemi bɔ kɛ ha a ma nguaa enuɔ ɔmɛ. Ma amɛ ji Ashdod, Gaza, Ashkelon, Gat, kɛ Ekron.

Samuel I, 6:17 ပူးပေါင်းရင်းမြစ်များ

Samuel II, 1:20

Nyɛ ko tu munyu nɛ ɔ nɛ Gat bi ba nu. Nyɛ ko sɛɛ ngɛ Ashkelon gbɛjegbɛ ɔmɛ a nɔ. Ke pi ja a, Filisti yi ɔmɛ ma na bua jɔmi. Ke pi ja a, wɔ jali a biyi ɔmɛ ma nya.

Samuel II, 21:22

Ni eywiɛ nɛ ɔmɛ ɔ, Gat oblaihi a nina ji mɛ; nɛ mɛ tsuo a nɔ ngɛ David kɛ e tsɔli ɔmɛ a klaate nya.

Matsɛmɛ II, 1:2

Ligbi ko ɔ, Israel matsɛ, Ahazia tsɔ́ kɛ je e hiɔwe tsu nɛ ngɛ Samaria a saflɛ mi kɛ ba nɔ si, nɛ e plaa wawɛɛ nitsɛ. Enɛ ɔ he ɔ, e tsɔ nihi ke a ya bi ní ngɛ Baalzebub ngɔ ha lɛ kaa e yi ma na wami lo. Baalzebub ji mawu nɛ ngɛ Filisti bi ɔmɛ a ma nɛ a tsɛɛ Ekron ɔ nɛ.

Kronika II, 26:6

Uzia kɛ Filisti bi ɔmɛ ya hwu ta. E ku Gat, Yamnia, kɛ Ashdod gbogbo ɔmɛ kɛ pue si; nɛ e po mahi ngɛ Ashdod kasa nya, kɛ Filisti bi ɔmɛ a zugba a nɛ piɛ ɔ tsuo nɔ.

Mose III, 5:7

Ke nɔ ko be nyɛe ma ha jijɔ ɔ, é ngɔ lahuɛ enyɔ, loo beleku lahuɛ enyɔ kɛ ba ha Yawɛ kaa e yayami nɛ e pee ɔ he bɔ. Á ngɔ kake kɛ pee yayami pami bɔ, nɛ enyɔne ɔ, a kɛ pee sami bɔ.

Amos 1:6

Yawɛ ke, “Gaza ma mi bi ɔmɛ pee yayamihi nɔtonɔto babauu; a nuu kɔpehi fuu a mi bi kɛ ho, nɛ a ya jua mɛ kaa nyɔguɛhi kɛ ha Edom bi. Enɛ ɔ he je ɔ, ja i gbla a tue kokooko.

Amos 6:2

Nyɛ deɔ nyɛ ma mi bi ɔmɛ ke, “Nyɛɛ ya nɛ nyɛ ya hyɛ Kalne ma a, Hamat ma nguaa a, kɛ Filisti bi a ma nɛ a tsɛɛ Gat ɔ. Sa a, ma nɛ ɔmɛ kle agboagbo, nɛ a ngɛ he wami hu pe Yuda kɛ Israel nɔ yemi he ɔmɛ. Se amlɔ nɛ ɔ lɛɛ nyɛɛ hyɛ mɛ ha!”

Mose V, 28:27

Yawɛ ma ha tslɔɔ maa fuu nyɛ kaa bɔ nɛ e pee Egipt bi ɔmɛ ɔ. Nyɛ maa hia pa, nɛ sakpa kɛ ngmo nɛ be tsa ba ma pue nyɛ nɔ.

Manyadali 1:18

Jehanɛ, Yuda ngɔ Gaza, Ashkelon, Ekron, kɛ a he zugba amɛ.

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

Manyadali 16:1

Ligbi ko ɔ, Samson ya Gaza, nɛ e ya na yo yaholɔ ko ngɛ lejɛ ɔ; nɛ e kɛ lɛ na bɔmi.

Manyadali 16:21

Kɛkɛ nɛ Filisti bi ɔmɛ nu lɛ, nɛ a ta e hɛngmɛ ɔmɛ. Lɔ ɔ se ɔ, a ngɔ lɛ kɛ ho Gaza ya, nɛ a ya bɔ lɛ akɔblee pãhi; nɛ a ha nɛ e wɛɛɔ blɛfo ngɛ he nɛ a wo lɛ tsu ngɛ ɔ.

Samuel I, 5:1

Benɛ Filisti bi ɔmɛ kpɔ somi daka a, a wo lɛ kɛ je Ebenezer kɛ ho Ashdod ya,

Samuel I, 5:10

Lɔ ɔ he ɔ, a wo Yawɛ somi daka a kɛ ho Ekron ya. Se benɛ Mawu somi daka a ya su Ekron ɔ, Ekron bi ɔmɛ kpa bubuubui, nɛ a de ke, “A wo Israel Mawu ɔ somi daka a kɛ ba hiɛ ɔ, konɛ e ba gbe wɔ, kɛ wa ma mi bi ɔmɛ tsuo!”

Samuel I, 5:8

Lɔ ɔ he ɔ, a tsɛ Filisti matsɛmɛ enuɔ ɔmɛ tsuo kpe, nɛ a bi mɛ ke, “Kɛ wa maa pee Israel Mawu ɔ somi daka a kɛɛ?” A he nɔ ke, “Nyɛɛ ngɔ Israel Mawu ɔ somi daka a kɛ ya Gat.” Nɛ a wo daka a kɛ ho lejɛ ɔ ya.

Samuel I, 6:4

Ma a bi ke, “Mɛni fɔ yemi bɔ waa kɛ maa ya a?” Nɛ a ha heto ke, “Sika tsu tslɔɔ enuɔ, kɛ sika tsu kɔkue enuɔ, ngɛ Filisti matsɛmɛ ɔmɛ a hiɛmi nya; ejakaa haomi kake ɔ nɔuu lɛ ba nyɛɛ kɛ nyɛ matsɛmɛ enuɔ ɔmɛ tsuo nyɛ nɔ ɔ nɛ.