Samuel I, 6:14 - BAIBLO ALOO NGMAMI KLƆUKLƆU Ɔ

¹⁴ Tlɔɔke ɔ ba su Bet Shemesh no ɔ nɛ a tsɛɛ lɛ Yoshua a ngmɔ si; nɛ e da si ngɛ tɛ sa agbo ko kasa nya. Kɛkɛ nɛ ni ɔmɛ kplɔ tlɔɔke ɔ he tso ɔ, nɛ a kɛ na amɛ sã sami bɔ ha Yawɛ.

Samuel I, 6:14 ပူးပေါင်းရင်းမြစ်များ

Samuel II, 24:18

Gad ba David ngɔ jamɛ a ligbi ɔ nɔuu, nɛ e ba de lɛ ke, “Yaa nɛ o ya puɛ bɔ sami la tɛ ha Yawɛ ngɛ Yebus no, Arauna ngma gbeemi he ɔ.”

Samuel II, 24:22

Arauna de David ke, “Ye nyɔmtsɛ matsɛ, nɔ́ tsuaa nɔ́ nɛ muɔ o hɛ ɔ, moo ngɔ nɛ o kɛ sã bɔ ɔ. Nahi nɛ o kɛ maa sã sami bɔ ɔ ji nɛ ɔmɛ nɛ; jehanɛ, na kuɛpã tso, kɛ ngma gbeemi tsohi nɛ a kɛ maa pee lɛ́ ɔ hu ji nɛ ɔmɛ nɛ.”

Samuel II, 24:25

E puɛ bɔ sami la tɛ ha Yawɛ ngɛ lejɛ ɔ; nɛ e sã sami bɔhi, kɛ tue mi jɔmi bɔhi. Yawɛ bu e kue fami ɔ tue, nɛ gbenɔ hiɔ ɔ se po ngɛ Israel.

Matsɛmɛ I, 19:21

Elisha kpale e se kɛ ho e na blablɛ ɔmɛ a he ya, nɛ e ya gbe mɛ, nɛ e ngɔ tso nɛ a kɛ fi na amɛ kɛ bla a ngɔ pee lɛ́, nɛ e kɛ hoo lo ɔ. E ngɔ lo ɔ ngɔ ha ni ɔmɛ nɛ a ye. Lɔ ɔ se ɔ, e ho nɛ e ya nyɛɛ Eliya se, nɛ e sɔmɔ lɛ.

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Manyadali 21:4

E nɔ jena a, ma a te si makɛ mla nɛ a ma bɔ sami la tɛ ngɛ lejɛ ɔ, nɛ a sã sami bɔhi, kɛ tue mi jɔmi bɔhi.

Manyadali 6:26

nɛ o ma bɔ sami la tɛ ha Yawɛ, o Mawu ɔ ngɛ tɛ sa nɛ ɔ nɔ. Lɔ ɔ se ɔ, ngɔɔ Ashera he tso ɔmɛ nɛ o ku pue si ɔ kɛ pee lɛ́, nɛ o ngɔ na ku enyɔne ɔ kɛ sã sami bɔ.”

Samuel I, 11:5

Se benɛ a maa hyɛ ɔ, Saul ji nɛ ɔ nɛ e nyɛɛ e nahi a se kɛ je ngmɔ mi kɛ ma. Saul bi ke, “Mɛni ba loko ma a tsuo wo yana kikɛ nɛ ɔ?” A de lɛ sɛ gbi nɛ tsɔli ɔmɛ hɛɛ kɛ je Yabesh kɛ ba a.

Samuel I, 20:29

E ke, ‘I kpa mo pɛɛ nɛ o ha ma ya, ejakaa wa weku ɔ ngɛ bɔ sãe ngɛ ma a mi, nɛ ye nyɛminyumu ɔmɛ sɛ ba de mi ke ma ba dãã. Lɔ ɔ he ɔ, ke o suɔ mi ɔ, ha ma ya nɛ ma ya na ye nyɛmimɛ ɔmɛ.’ Nɔ́ nɛ he je nɛ e bɛ matsɛ ɔ okplɔɔ he ɔ ji nɛ ɔ nɛ.”

Samuel I, 6:13

Jamɛ a be ɔ, Bet Shemesh bi ɔmɛ ngɛ ngma pooe ngɛ kɔ̃ ɔ mi; nɛ benɛ a na somi daka a, a nya saminya.

Samuel I, 6:18

Sika tsu kɔkue ɔmɛ lɛɛ a kɛ mɛ kpata Mawu kɛ ha Filisti ma nguaa amɛ nɛ a fia gbogbo ngɔ wo a he ɔ, kɛ ma wawihi nɛ a fiɛ gbogbo ngɔ wui a he, nɛ ji mahi nɛ Filisti matsɛmɛ enuɔ ɔmɛ yeɔ a nɔ ɔ tsuo. Tɛ sa agbo ɔ nɛ a kɛ Yawɛ somi daka a ma nɔ ngɛ Yoshua ngmɔ ɔ mi ngɛ Bet Shemesh ɔ ngɛ lejɛ ɔ kɛ ba si mwɔnɛ ɔ kaa nɔ́ nɛ ba a he odase.