Samuel I, 6:11 - BAIBLO ALOO NGMAMI KLƆUKLƆU Ɔ

¹¹ A kɛ somi daka a, kɛ daka nɛ sika tsu kɔkue ɔmɛ, kɛ sika tsu tslɔɔ ɔmɛ ngɛ mi ɔ wo tlɔɔke ɔ mi.

Samuel I, 6:11 ပူးပေါင်းရင်းမြစ်များ

Samuel II, 6:3

A ya ngɔ somi daka a ngɛ Abinadab we ɔ mi ngɛ yoku ɔ nɔ, nɛ a kɛ ma tlɔɔke he mi. Abinadab binyumuhi Uza, kɛ Ahio ji ni nɛmɛ nɛ ngɛ tlɔɔke ɔ nɛ Mawu daka a ngɛ mi ɔ blɔ tsɔɔe;

Kronika I, 13:7

A ya ngɔ Mawu somi daka a ngɛ Abinadab we ɔ mi, nɛ a kɛ ma tlɔɔke he mi. Uza kɛ Ahio ji ni nɛmɛ nɛ ngɛ tlɔɔke ɔ blɔ tsɔɔe.

Mose V, 28:27

Yawɛ ma ha tslɔɔ maa fuu nyɛ kaa bɔ nɛ e pee Egipt bi ɔmɛ ɔ. Nyɛ maa hia pa, nɛ sakpa kɛ ngmo nɛ be tsa ba ma pue nyɛ nɔ.

Samuel I, 6:10

Ni ɔmɛ pee kaa bɔ nɛ a de mɛ ɔ; a ya nu na nyɔ hali enyɔ, nɛ a fi mɛ kɛ wo tlɔɔke ɔ he. Se na bi ɔmɛ lɛɛ a nga a yi wo tsu mi.

Samuel I, 6:12

Kɛkɛ nɛ na amɛ ma Bet Shemesh blɔ ɔ nɔ tɛ̃ɛ̃ kɛ ho; a gba we a hiɔ nɔ, loo a muɔ nɔ; nɛ benɛ a yaa a tsuo a ngɛ pɛe muu muu ngɛ blɔ ɔ nɔ. Filisti matsɛmɛ enuɔ ɔmɛ nyɛɛ a se kɛ ya si Bet Shemesh huzu ɔ nya.

Samuel I, 6:4

Ma a bi ke, “Mɛni fɔ yemi bɔ waa kɛ maa ya a?” Nɛ a ha heto ke, “Sika tsu tslɔɔ enuɔ, kɛ sika tsu kɔkue enuɔ, ngɛ Filisti matsɛmɛ ɔmɛ a hiɛmi nya; ejakaa haomi kake ɔ nɔuu lɛ ba nyɛɛ kɛ nyɛ matsɛmɛ enuɔ ɔmɛ tsuo nyɛ nɔ ɔ nɛ.