Samuel I, 5:8 - BAIBLO ALOO NGMAMI KLƆUKLƆU Ɔ

⁸ Lɔ ɔ he ɔ, a tsɛ Filisti matsɛmɛ enuɔ ɔmɛ tsuo kpe, nɛ a bi mɛ ke, “Kɛ wa maa pee Israel Mawu ɔ somi daka a kɛɛ?” A he nɔ ke, “Nyɛɛ ngɔ Israel Mawu ɔ somi daka a kɛ ya Gat.” Nɛ a wo daka a kɛ ho lejɛ ɔ ya.

Samuel I, 5:8 ပူးပေါင်းရင်းမြစ်များ

Kronika I, 7:21

Zabad, nɛ Zabad fɔ Shutela. Efraim ngɛ binyumu kpahi kɛ piɛ Shutela he; nɔ kake biɛ ji Ezer, nɛ nɔ kake hu biɛ ji Elead. Be ko mi ɔ, Ezer kɛ Elead ka kaa a maa ju Gat bi a na, nɛ Gat bi ɔmɛ gbe mɛ.

Amos 6:2

Nyɛ deɔ nyɛ ma mi bi ɔmɛ ke, “Nyɛɛ ya nɛ nyɛ ya hyɛ Kalne ma a, Hamat ma nguaa a, kɛ Filisti bi a ma nɛ a tsɛɛ Gat ɔ. Sa a, ma nɛ ɔmɛ kle agboagbo, nɛ a ngɛ he wami hu pe Yuda kɛ Israel nɔ yemi he ɔmɛ. Se amlɔ nɛ ɔ lɛɛ nyɛɛ hyɛ mɛ ha!”

Zakaria 12:3

Jamɛ a be ɔ, ma ha Yerusalem maa pee tɛ nɛ jiɔ ha je ma amɛ tsuo. Ma tsuaa ma nɛ ma wo tɛ nɛ ɔ nɔ ɔ, e maa ye e he awi. Je ma amɛ tsuo ma bla, nɛ a maa te si kɛ wo Yerusalem.

Yoshua 13:3

kɛ Avim zugba a tsuo nɛ ngɛ leneyi je ɔ. Zugba a nɛ ngɛ kɛ je Shihor pa a he ngɛ Egipt bi ɔmɛ a huzu ɔ nya a, kɛ ba be kɛ ho Ekron ya ngɛ omleyi je ɔ, a buu jamɛ a zugba a kaa Kanaan bi a zugba. Filisti bi ɔmɛ a matsɛmɛ ɔmɛ hi ma nɛ ɔmɛ a mi: Gaza, Ashdod, Ashkelon, Gat, kɛ Ekron.

Yoshua 15:11

Huzu ɔ gba ngɛ yoku ɔ nɛ ngɛ Ekron ɔ we omleyi je ɔ, nɛ e lɔgɔ kɛ ho Shikeron ya; e gu Baala yo ɔ nɔ kɛ ya je Yamnia, nɛ e nya ya pi Mediterenia wo ɔ.

Samuel I, 17:4

Kɛkɛ nɛ tatsɛ kpanaa ko je Filisti bi ɔmɛ a ta a mi kɛ ba. A tsɛɛ lɛ Goliat; e je Gat, nɛ e kami ji nine mi blimi nyɔngma kɛ etɛ.

Samuel I, 17:52

Israel kɛ Yuda tabo ɔmɛ hwɔ lele kɛ nyɛɛ Filisti bi ɔmɛ a se kɛ ya si Gat kɛ Ekron agbo ɔ nya tɔɔ. Filisti bi ɔmɛ plaa pue si ngɛ Sharaim blɔ ɔ he hluu kɛ ya si Gat kɛ Ekron tɔɔ.

Samuel I, 29:6

Akish tsɛ David, nɛ e de lɛ ke, “I na Israel Mawu, hɛ kalɔ ɔ kaa o yeɔ mi anɔkuale, nɛ jinɛ imi lɛɛ i ko suɔ kaa o kɛ mi nɛ ya ta nɛ ɔ; ejakaa kɛ je ligbi ɔ nɛ o ba ye ngɔ kɛ ba si mwɔnɛ ɔ, i nɛ nɔ́ yayami ko ngɛ o he. Se matsɛmɛ kpa amɛ sume kaa o kɛ wɔ nɛ ya.

Samuel I, 5:11

Lɔ ɔ he ɔ, mɛ hu a tsɛ Filisti matsɛmɛ ɔmɛ tsuo kpe, nɛ a de mɛ ke, “Nyɛ wo Israel Mawu ɔ somi daka a kɛ je hiɛ ɔ kɛ ya ha nɔtsɛmɛ, konɛ e ko ba gbe wɔ, kɛ wa ma mi bi ɔmɛ.” Sawale nu ma a tsuo, ejakaa gbenɔ hiɔ ɔ bɔni ní puɛmi momo.

Samuel I, 5:7

Benɛ Ashdod bi ɔmɛ na bɔ nɛ níhi ngɛ nɔ yae ha a, a de ke, “Israel Mawu ɔ ngɛ waa kɛ wa wɔ Dagon ɔ tsuo tue gblae. Wa ko ha nɛ somi daka a nɛ hi wa ngɔ hu.”

Samuel I, 6:2

ni ɔmɛ ya tsɛ wɔnɔ ɔmɛ, kɛ kunya yeli ɔmɛ, nɛ a bi mɛ ke, “Kɛ wa maa pee Yawɛ somi daka a kɛɛ? Mɛni waa kɛ maa piɛ he kɛ ho e je he ya?”