Samuel I, 5:6 - BAIBLO ALOO NGMAMI KLƆUKLƆU Ɔ

⁶ Yawɛ gbla Ashdod bi ɔmɛ a tue wawɛɛ nitsɛ, nɛ e kɛ tslɔɔ kpata a kɛ a huza a nɔ bi ɔmɛ tsuo a hɛ mi.

Samuel I, 5:6 ပူးပေါင်းရင်းမြစ်များ

Mose I, 41:31

Hwɔ ɔ nya maa wa wawɛɛ nitsɛ bɔ nɛ nihi a hɛ maa je kplɔkɔtɔ be ɔ nɛ sɛ hlami ɔ nɔ.

Hiob 31:3

Anɛ e kpataa we yiwutsotsɛmɛ a hɛ mi lo? Anɛ e gbla we yayami peeli a tue lo?

La 145:20

Nihi tsuo nɛ suɔ Yawɛ ɔ, e baa a yi; se yiwutsotsɛmɛ lɛɛ e ma kpata a hɛ mi.

La 147:6

Yawɛ piɛɔ nihi nɛ a waa mɛ yi mi a he; se yiwutsotsɛmɛ lɛɛ e sakee mɛ ngɔ fiaa si.

La 32:4

Mo Yawɛ, o gbla ye tue nyɔ kɛ pia, nɛ ye he wami tsuo ta kaa bɔ nɛ nyu taa pa mi latsa be mi ɔ.

La 78:66

E wo e he nyɛli ɔmɛ fo kɛ ho kɛ zo; e bɔ mɛ ahlua kɛ yaa neneene.

Mose II, 9:3

lɛɛ imi Yawɛ, i kɛ ye he wami maa ta o lohwe ɔmɛ a he ngɛ a hi he ɔmɛ, nɛ ma ha nɛ aja nɛ nya wa maa sɛ okpɔngɔ ɔmɛ, teji ɔmɛ, afukpɔngɔ ɔmɛ, na amɛ, kɛ to ɔmɛ a kpɛti.

Ni Tsumi 13:11

Hyɛ, Nyɔmtsɛ ɔ ma je e he wami kpo kɛ tsɔɔ mo jehanɛ; o hɛ ma yu; o be pu la nae kɛ maa su be ko!” Amlɔ nɔuu ɔ, Elima hɛngmɛ nɔ wo afua, nɛ e pee kpii. Kɛkɛ nɛ e bɔni si tataami ngɛ nɔ ko hlae nɛ maa ta e dɛ mi nɛ e tsɔɔ lɛ blɔ.

Mose V, 28:27

Yawɛ ma ha tslɔɔ maa fuu nyɛ kaa bɔ nɛ e pee Egipt bi ɔmɛ ɔ. Nyɛ maa hia pa, nɛ sakpa kɛ ngmo nɛ be tsa ba ma pue nyɛ nɔ.

Samuel I, 5:11

Lɔ ɔ he ɔ, mɛ hu a tsɛ Filisti matsɛmɛ ɔmɛ tsuo kpe, nɛ a de mɛ ke, “Nyɛ wo Israel Mawu ɔ somi daka a kɛ je hiɛ ɔ kɛ ya ha nɔtsɛmɛ, konɛ e ko ba gbe wɔ, kɛ wa ma mi bi ɔmɛ.” Sawale nu ma a tsuo, ejakaa gbenɔ hiɔ ɔ bɔni ní puɛmi momo.

Samuel I, 5:7

Benɛ Ashdod bi ɔmɛ na bɔ nɛ níhi ngɛ nɔ yae ha a, a de ke, “Israel Mawu ɔ ngɛ waa kɛ wa wɔ Dagon ɔ tsuo tue gblae. Wa ko ha nɛ somi daka a nɛ hi wa ngɔ hu.”

Samuel I, 5:9

Se benɛ daka a ya su Gat ɔ, Yawɛ gbla ma a tue. E ha tslɔɔ fuu ma mi bi ɔmɛ tsuo, jokuɛwi kɛ nikɔtɔmahi; nɛ sawale nu nɔ tsuaa nɔ.