Samuel I, 5:4 - BAIBLO ALOO NGMAMI KLƆUKLƆU Ɔ

⁴ E nɔ jena kpa mɔtu mla benɛ a ke a teɔ si ekohu ɔ, o nɛ Dagon nɛ kuɛli nɔ si ekohu, nɛ e hɛ mi bu si ngɛ Yawɛ somi daka a hɛ mi. Dagon yi, kɛ e nine enyɔ ɔmɛ tsuo kplɔ pue si ngɛ kpoku ɔ nya; e nɔmlɔ tso ɔ pɛ lɛ piɛ.

Samuel I, 5:4 ပူးပေါင်းရင်းမြစ်များ

Mika 1:7

A maa ku Samaria amaga amɛ tsuo dukuduku. A kɛ la maa sã ní tsuo nɛ e na kɛ je yahomi mi ɔ. Ma kpata e wɔ ɔmɛ tsuo a hɛ mi. Ní nɛ e na a yahomi mi e na kɛ je, lɔ ɔ he ɔ, e ní ɔ tsuo maa ya pee yahomi mi ní kɛ ha ni kpahi.”

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yeremia 10:11

Nyɛ de mɛ ke, jamɛ a mawu ɔmɛ nɛ a ngɛ jae, nɛ pohu pi mɛ nɛ a pee hiɔwe kɛ zugba a, a hɛ mi ma kpata. A be mɛ nae ngɛ je ɔ mi he ko he ko hu.

Daniel 11:8

E maa muɔ a mawu ɔmɛ, amaga amɛ, kɛ sika hiɔ kɛ sika tsu ní kpakpa amɛ kɛ ya Egipt. Nɛ e kɛ Siria matsɛ ɔ be ta hwue hu jeha babauu.

Yesaya 27:9

Se bɔ nɛ Israel maa pee kɛ je a he yayami ɔmɛ konɛ a kɛ pa mɛ ji, a maa wɛɛ je ma amɛ a bɔ sami la tɛ ɔmɛ bukɔbukɔ kaa ayilɔ, nɛ yo mawu Ashera a tsopa kɛ e he via bɔ sami la tɛ ɔmɛ, loo e we amaga amɛ ekoeko be si hie hu.

Samuel I, 6:5

Lɔ ɔ he ɔ, nyɛɛ pee sika tsu tslɔɔ nɛ ɔmɛ, kɛ sika tsu kɔkue nɛ ɔmɛ nɛ daa si ha kɔkuehi nɛ ba ngɛ nyɛ zugba a hɛ mi kpatae ɔ, konɛ nyɛ ya wo Israel Mawu ɔ hɛ mi nyami kaa, alini e maa jɔɔ nyɛɛ kɛ nyɛ wɔ ɔmɛ, kɛ nyɛ zugba a tue gblami lo.

Yesaya 40:20

Dɛgutsɛ lɛɛ bɔ nɛ e peeɔ ji, e ngɔɔ tso kpakpa kɛ haa tso galɔ nɛ le ní tsumi saminya. Tso galɔ nɛ ɔ ngɔɔ tso ɔ kɛ peeɔ amaga ha lɛ, amaga nɛ mimiɛ we e he.

Yeremia 10:14

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ; ejakaa amaga amɛ nɛ a puɛɛ ɔ, ní guhi ji mɛ; wami ko wami ko be a mi.

Yeremia 10:15

Amaga amɛ ɔ, se nami ko be a he, muɔ ní kɛkɛ ji mɛ. Be mi nɛ Yawɛ ma ba gbla ma a tue ɔ, a we amaga amɛ hu a maa ku mɛ dukuduku.